مقارنه للمواطن البسيط المطحون

[ayman salem]

ايها الساده :
اما بعد فاخوكم الغلبان يمتلك من المال بعد بيع السياره وتحويشه العمر حوالي 95.000 جنيه مصري
وقد قررت ان اشتري سياره جديده عائليه وبدءت المعاناه ..
هذا المبلغ وجدته انه لا يمكني من شراء سياره جديده الا:
فيرنا ..وانا لا اثق بسياره ليس فيها وسائل امان
امجراند:وانا لا اثق بسياره ابوابها بها بارومه في بعض سيارتها
انفي : وللأسف ذكريات سيئه مع الاسبرانزا رغم ما بها من اوبشن
البي واي دي : سواءf3 او l3 عقده الصيني
وعليها قررت اشوف حاجه مستعمله واذ بي افاجئ من الجنون
الأنسر : 2008 و 2009 اسعار خياليه 100 و 110

[svneleven]

شوف أوبترا أو أوبل فيكترا سي أو الانترا أو سيراتو 2010 أو طبعا لانسر بومة لكن بخاف منها عشان الانصاص و الارباع فيها كاير جدا.

[أسامه الحسيني]

ما تاخد فكره عن اللوجان الجديده

[mariachi]

Cerato old shape, Elantra old shap, Logan, Gen2, Optra

[mohamedhasanen]

نيو لوجان 2015

رينو لوجان 2015 أفضلهم من وجهة نظرى (لو مش عندك مشكلة فى القيادة المانوال) - إسأل عن الهاى لاين منها بـ 95000 جنيه - وأدخل على قسم رينو ومنها على قسم اللوجان هنا فى المنتدى وخد فكرة شاملة عنها من الاعضاء المالكين لها من حيث مميزاتها وعيوبها

- نصيحة لوجه الله: ماتشتريش عربية مستعملة - هات عربية زيرو تكون انت اول يد عليها وتستمتع بيها 4 سنين على الاقل ماتغيرش فيها غير زيت وتيل فرامل بعيداً عن هم الصيانات والأعطال التى ستجدها فى السيارة المستعملة وخاصة لو موديلها يعود لأكثر من اربع أعوام مضت

# أنا لست غنياً لكى أشترى سيارة مستعملة (مثل فرنسى)
# لو كان فيه الخير ما كان رماه الطير

[scientist9508]

لوجان جديده
سوزوكى سويفت
كيا بيكانتو

[حسين عشري]

مش من رأيي ابدآ عربية مستعملة ..إلا لو بالك طويل مع الصنايعية و تكون اصلآ تعرف حد منهم محل ثقة و يكون فاهم في النوع الي بتشتريه ... الافضل جديد حتى لو امكانياته قليله ذي الفيرنا لو اسرتك صغيرة .. او بي واي دي ذي ما انا عملت اوتوماتك موديل 2015 ب 86 الف مع مراعاة ان العربيتين دول منتشرين يعني بعد خمس سنين لو قدرت تحافظ عليهم او اكتر كمان هتلاقي الصيانه بسهولة و الله اعلم و ما تنساش تستخير ربنا
بالنسبة للوجان اعتقد صعب تعمل اي صيانه برة التوكيل و الله اعلم

[ENG.MaRk]

المبلغ ده يجيبلك كروز 2010

[Omar Mahmoud]

رأيي تدور علي مستعمل
اوبل فيكترا c
اوبل استرا h
بروتون جين 2/بيرسونا
كيا سيراتو
شيفروليه اوبترا(نفس مشكلة الفيرنا في عوامل الامان)

[El Prince]

اعتقد الجديد افضل حتى لو اتبقى مبلغ بسيط مايتعبكش فى اقساطه

[ma7med]

رأيي تدور علي مستعمل
اوبل فيكترا c
اوبل استرا h
بروتون جين 2/بيرسونا
كيا سيراتو
شيفروليه اوبترا(نفس مشكلة الفيرنا في عوامل الامان)

+1

[ayman salem]

يا رجاله انا متشكر علي الاهتمام بس نقطه ومن اول السطر
الالنترا والسيراتو السعر من 95000 جنيه ل 110000 علي
حسب الموديل لحد 2010 وعدد الكيلو مترات .. يعني المبلغ دا
يجيبلي النترا 20082009 او 2010 عامله من 90000 الي فوق كيلو متر
السيراتو نفس القصه .
اوبل فيكترا . سي قطع الغيار حاجه خرافيه و غاليه
النيو لوجان . مقتنع بيها ولكن مانيوال علي 97000 وكمان فرق اوبشن بس
عن الشكل القديم ميذودتش جنيه 27000
لازالت الحيره قاءمه

[ashouhdy]

كارينز 2010 اول فئة اوتو بس حتزود حاجات بسيطة اوى

سانديرو اوتوماتيك

سويفت الجديدة

[J A G U A R]

بالمبلغ ده رأيي شوف النترا شكل قديم 2008 او 2009 حاله نظيفه وعداد قليل مش عالى .. عربيه محترمه جدا بس تفتقر الى بعض الاوبشن
وعندك سيراتو 2010 مانيوال اول فئه بس ممكن المبلغ يزيد شويه لو الحاله نظيفه
وعندك برضه ممكن صنى سوبر صالون شكل قديم
وعندك اوبترا بس يعيبها انعدام وسائل الامان
وعندك جين 2 هاتبقى موديل مش اقل 2012 بس يعيبها ضعف الاعتماديه والتقفيل

شوف ايه يناسبك اكتر واختاااااار

[Omar Mahmoud]

يا رجاله انا متشكر علي الاهتمام بس نقطه ومن اول السطر
الالنترا والسيراتو السعر من 95000 جنيه ل 110000 علي
حسب الموديل لحد 2010 وعدد الكيلو مترات .. يعني المبلغ دا
يجيبلي النترا 20082009 او 2010 عامله من 90000 الي فوق كيلو متر
السيراتو نفس القصه .
اوبل فيكترا . سي قطع الغيار حاجه خرافيه و غاليه
النيو لوجان . مقتنع بيها ولكن مانيوال علي 97000 وكمان فرق اوبشن بس
عن الشكل القديم ميذودتش جنيه 27000
لازالت الحيره قاءمه

اللوجان الجديدة مش فرق اوبشن بس
في اعلي فئة في abs,ebd,ba , 2airbags