كيا سبورتاج ولا هيونداي ix35 ٢٠١٥

[Shiemaa]

السلام عليكم

عارفه ان في مواضيع عنهم قبل كده بس عايزه اسال حد جديد اشتري اي عربية فيهم بالنسبة لموديلات ٢٠١٥

الحقيقة جوزي محتار جدا بين العربيتين وقولت اسالكم هو ملهوش في مواضيع ع النت

انا شايفه في ميزة في الهيونداي انها مش بتغير شكلها كل سنتين تلاته زي كيا فمتحسش ان العربية قدمت بسرعة

وكمان عفشتها انعم من الكيا

لكن بردو الاسبورتاج قوية

الحقيقة انا مش عارفه ايه الفروق الجوهرية بينهم فياريت تساعدوني لاننا تعبنا من التفكير

[hugan]

ال ااي اكس اعلي مبيعات في مصر حاليا لفئتها

[drcobra]

السبورتاج سمعة اقوى

[ali ashraf]

سيارة عالية

السلام عليكم واضح من نوعية الاختيار هو التركيز على سيارة عالية عن الارض و مريحة من جهة العفشة و الصالون الداخلى و ده نفس اللى بفكر فيه بعد ما سافرت الغردقة بسيارة لاندكروزر ( مش بتعتى) حسيت بالفرق الكبير فى الراحة فى القيادة وبين سيرتى النيسان وطبعا شرائها بالنسبة لى و للكثيريين غير اقتصادى بالمرة سواء سعرها او صيانتها او استهلاك الوقود 4800 سى سى و البديل المتاح لنا الجراند تريوس ( صالونها معجبنيش ) و السبورتاج و الهونداى اكس اى و هما قربين من بعض جدا و ده سبب التردد عموما اعتقد لازم الواحد يجرب السيارة بنفسه او على الاقل يجلس فى صالون السيارة و يقودها ولو للحظات علشان فى شئ اسمه القبول النفسى و الاحساس بالراحة و ده يختلف من شخص لاخر و اعتقد ده المحك لان العربييتين متقاربتين و اخيرا لو تشابهت الاذواق لبارت السلع و بالتوفيق ان شاء الله

[Hosam_Optrawy]

بخصوص الشكل العربيتين قربوا يغيروا الشكل بعد حوالى سنه

[mohaismail]

الأفضل يستنى القشقاى الجديدة هتنزل في شهر 10 ان شاء الله
وافضل من الاتنين

[S O P H O S]

بميل للكيا اكتر

[mahmoud_ali]

لو انا يبقى هختار سبورتاج

[Shiemaa]

فعلا اا
شكرا لمشاركة حضرتك

[Shiemaa]

الأفضل يستنى القشقاى الجديدة هتنزل في شهر 10 ان شاء الله
وافضل من الاتنين

قشقاي لسه نازله لحقو ينزلو منها تاني جديد

[J A G U A R]

ال ix فى ناس اشتكت من تقفيلها

رأيي سبورتاج

[bobozoro]

في الفئة ديه بحس ان كل السيارات مبالغ في سعرها سواء سبورتج او اي اكس 35 او قشقاي وخاصة ان ولا واحدة فيهم 4x4 الي بحس سعرها فيها سوبارو xv لو هتجيب سيارة مش بتفكر تبعها قريب في رايي افضل اختيار

[Shiemaa]

اكيد طبعا غاليين بس ايه في العربيات رخيص في مصر كله كده

[Shiemaa]

ال ix فى ناس اشتكت من تقفيلها

رأيي سبورتاج

لحقت ناس اشتكت من تقفيلها

حضرتك قريت ده هنا في المنتدي ولا من اصحاب ليك

[J A G U A R]

لحقت ناس اشتكت من تقفيلها

حضرتك قريت ده هنا في المنتدي ولا من اصحاب ليك

هنا فى المنتدى