اشترى 301 ولا New Optra ولا RB

[Ezz El Din]

السلام عليكم, انا لسه جديد معاكم فى المنتدى و فى العربيات عموما, و محتاج رأيكم و خبرتكمو ردكم مهم جدا بالنسبالى غى اتخاذ قرارى,

انا مقبل على شراء اول عربية ليا و كل الناس نصحونى اجيب زيروو انا محتار جدا بين تلات عربيات : بيجو 301 الفئة التانية و New Optra الفئة التانية برضو و Accent RBالفئة اللى قبل ال Highline اللى فيها 2 اير باج و ABS,

اولوياتى : 1- الامان و الثبات
2- سعر قطع الغيار
3- سعر اعادة البيع
رأيكم يفرق معايا جدا, انا هحط دم قلبى فالعربية دى D: , اسف طولت عليكم

[ahmedelrayan]

انا عايز اوضح لحضرتك معلومة ان الاكسنت الrb مفهاش ولا ايرباج ولا abs حتى فى الهاى لاين

[Adnfalcon]

هات 301 أفضلك بس الاوتوماتك فيها نتشه فتيس خفيفه جدا عند الغيار التاني والتيل بيخلص بدري
اكسنت rb كويسه بس مفهاش وسائل أمان للأسف
اوبترا .. صيني !

[Ezz El Din]

انا عايز اوضح لحضرتك معلومة ان الاكسنت الrb مفهاش ولا ايرباج ولا abs حتى فى الهاى لاين

مكتوب فى ال Specefication بتاع موديل 2015 على السايت بتاع هيونداى ايجبت, فى الفئة اللى قبل الهاى لاين و الهاى لاين كمان فيها ABS و 2 اير باج

[ahmedmohamed7]

انا عايز اوضح لحضرتك معلومة ان الاكسنت الrb مفهاش ولا ايرباج ولا abs حتى فى الهاى لاين

I have read that the high line package include SINGLE Airbag as an Standard Option :)
great news :)

[ahmedmohamed7]

دخل الريو معاهم ....اعتقد افضلهم ......بس ريو يكون فيها ABS و AIrbags تجيهز قياسى
هتلاقيا فى range ال 138 الف
بالتوفيق

[mohamed hussei]

ريو ب 138 2 ايرباج و abs

[Ezz El Din]

مكتوب فى ال specefication بتاع موديل 2015 على السايت بتاع هيونداى ايجبت, فى الفئة اللى قبل الهاى لاين و الهاى لاين كمان فيها abs و 2 اير باج

شكرا يا ِاستاذ احمد على ردك و ايه رأيك, اشترى ايه منهم

[Ezz El Din]

هات 301 أفضلك بس الاوتوماتك فيها نتشه فتيس خفيفه جدا عند الغيار التاني والتيل بيخلص بدري
اكسنت rb كويسه بس مفهاش وسائل أمان للأسف
اوبترا .. صيني !

شكرا على الرد يا افندم .. انا حابب ال 301 جدا و سمعت عن موضوع الفتيس ده و خايف تطلع سمعة على العربية و سعر اعادة البيع ينزل فى الارض .. ايه رأيك ؟

[Adnfalcon]

شكرا على الرد يا افندم .. انا حابب ال 301 جدا و سمعت عن موضوع الفتيس ده و خايف تطلع سمعة على العربية و سعر اعادة البيع ينزل فى الارض .. ايه رأيك ؟

النتشه غير مؤثره اطلاقا . الرخامه ف تغيير التيل كل 10000 - 13000 كم !
بس في ناس بدأت تغير تيل الفرامل برا التوكيل بنوع معمر شويه

[Ezz El Din]

دخل الريو معاهم ....اعتقد افضلهم ......بس ريو يكون فيها abs و airbags تجيهز قياسى
هتلاقيا فى range ال 138 الف
بالتوفيق

شكرا يا استاذ احمد على ردك .. فيه فرق 12000 بين الريو و ال 301.. ايه رأيك شايف الفرق يستاهل ؟؟

[Ezz El Din]

ريو ب 138 2 ايرباج و abs

شكرا على ردك يا استاذ احمد .. فى رأيك الريو تستاهل فرق ال 12000 بينها و بين ال 301 ؟؟

[ahmedelrayan]

مكتوب فى ال Specefication بتاع موديل 2015 على السايت بتاع هيونداى ايجبت, فى الفئة اللى قبل الهاى لاين و الهاى لاين كمان فيها ABS و 2 اير باج

بص يا باشا انا لسة شارى العربية لاخى فى رمضان اعلى فئة ومفهاش ولا ايرباج ولا abs ولما دخلت على النت قبل ما اشتريها ولما قرأت الكتالوج بعد ما اشتريتها لاقيتهم بيتكلموا على عربية تانية خالص غير اللى بتنزل مصر اما بالنسبة للبيجو وده رأى يا جماعة عشان محدش يزعل خصوصا اننا فى قسم البيجو انا مش بحب الاوروبى اصلا وال301 مش عجبنى حتى شكلها انا حاسس ان البيجو مش عارفة تعمل عربيات سيدان اصلا (وجهة نظر) واخيرا الاوبترا طبعا موضوعها قتل بحثا هنا فى المنتدى عن انها اصلا صينى وانا شايف انها مش محققة مبيعات اصلا

[dreslam]

حاسس ان حيحصل طفره قريبه في مبيعات النيو اوبترا....انصح حضرتك وبكل امانه بالكيا الريو السيدان يليها اكسنت rb وبكل امانه وعن ثقه وان شاء الله ربنا يوفقك للاحسن

[د.عماد صلاح]

طالما و صلت ل 138 يبقي فكر في ...الشارك و الكروز