بعت العربية ومش عارف ...صنى ولا اوبترا ولا 301 .....

[Mahmoud_optra]

السلام عليكم

انا بعت الاوبترا بعد مغلبتنى دلوقتى انا معايا 60 الف مش عارف اجيب ايه وممكن ادفعهم مقدم وادفع قسط فى ناس قالولى هات فيرنا وريح نفسك او افيو بس بصراحة فيرنا بعد اوبترا اوتو صعبه فكرت فى صنى الناس خوفونى واوبترا الجديدة كذلك وبصراحة خايف من 301 وال سانديرو عشان فرنساوى يعنى قطع غيار واعادة بيع وكده وزيهم برسونا مش عارف اعمل افيدونى ولا احاول اضغط على نفسى واعلى شوية واجيب كيا ريو مثلا او لانسر او اكسنت ار بى

ارجو النصيحة بالله عليكم وبسرعة عشان انا متكحول من غير عربية

[amrelsaqqa]

ريو واكسنت ار بي هتبقى ضغطت على نفسك بدون فايدة
الاوبترا الجديدة الصينى دى فكك منها خالص، لو هتجيب الاوبترا الشكل القديم تانى يبقى احسنلك !

الـ 301 افضل الاختيارات في فئة 120-140 بس لو تقدر تزود لحد 150 فكر في الكروز والشارك (مش عارف فئاتها واسعارها )

[Mahmoud_optra]

ريو واكسنت ار بي هتبقى ضغطت على نفسك بدون فايدة
الاوبترا الجديدة الصينى دى فكك منها خالص، لو هتجيب الاوبترا الشكل القديم تانى يبقى احسنلك !

الـ 301 افضل الاختيارات في فئة 120-140 بس لو تقدر تزود لحد 150 فكر في الكروز والشارك (مش عارف فئاتها واسعارها )

شكرا يا باشا على الرد بس انا اخرى 130 هبقى ضاغط نفسى ....وايه رايك فى نيسان صنى ....اصل انا خايف من قطع غيار 301

[م أحمد]

السلام عليكم

انا بعت الاوبترا بعد مغلبتنى دلوقتى انا معايا 60 الف مش عارف اجيب ايه وممكن ادفعهم مقدم وادفع قسط فى ناس قالولى هات فيرنا وريح نفسك او افيو بس بصراحة فيرنا بعد اوبترا اوتو صعبه فكرت فى صنى الناس خوفونى واوبترا الجديدة كذلك وبصراحة خايف من 301 وال سانديرو عشان فرنساوى يعنى قطع غيار واعادة بيع وكده وزيهم برسونا مش عارف اعمل افيدونى ولا احاول اضغط على نفسى واعلى شوية واجيب كيا ريو مثلا او لانسر او اكسنت ار بى

ارجو النصيحة بالله عليكم وبسرعة عشان انا متكحول من غير عربية

قطع غيار الجديد كله متقاربة مش فارقة آسيوى من أوروبى بل بالعكس سمعت مثلا جوز كبالن "النيسان" قشقاى عامل 10 آلاف جنيه
راديراتير "تويوتا" كورولا 2014 عامل 8 آلاف جنيه !!!

بالنسبة للمبيعات "بيجو " 301 مبيعاتها السنة دى أكتر من "الكيا" ريو بفارق كبير

[Mahmoud_optra]

فين الشباب وفين الردود والله انا عايز اجيب سيارة بسرعة

[hesham fawzy h]

لو عايزمستعمل ممكن تجييييب شارك فول اوبشن اوتو ب95 الى 100 الف مستعمل نظيف جدا
و بالتوفيييق

[dreslam]

فئه ال 130 مافيش غير 301- سيتروين اليزيه- اكسنت اربي-ريو- متهيالي
متضغطش على نفسك اكتر من كده ودوس في اي حاجه من دول ولو حتحافظ على الزيرو حيقعد معاك ان شاء الله بدون مشاكل ومش حتحتاج مصاريف كتير
شوف رغباتك انتا ايه واركب كل العربيات دول عشان تضيق نطاق الاختيار شويه وساعتها ممكن نفيدك اكتر لو احتجت مقارنه

[skoda1996]

اوبترا الشكل القديم
بيجو 301
عربيتين حلوين و ان كنت افضل الاوبترا

[ahmedelrayan]

فى موضوع يا باشا مشابه لموضوعك بالظبط فى قسم البيجو اقرأه ممكن يفيدك بردو

[Eng . megoo]

صني الشكل القديم موديل 2015 قطع غيار ببلاش موتور ياباني و سعر اعادة بيع مطلووووووبه

[Adnfalcon]

301 او صني الشكل القديم

[S O P H O S]

صني الشكل القديم موديل 2015 قطع غيار ببلاش موتور ياباني و سعر اعادة بيع مطلووووووبه

هو فين صني شكل قديم موديل 2015 ؟؟

[maio_do]

تاخد الكلام اللى يفيدك سيبك من كل اللى قولته وهاتلك الالنترا فئة فيها abs+ebd ب 140 مثلا وريح بالك

[Mahmoud_optra]

تاخد الكلام اللى يفيدك سيبك من كل اللى قولته وهاتلك الالنترا فئة فيها abs+ebd ب 140 مثلا وريح بالك

يا باشا عامله 152 اللى انت بتقول عليها دى العربيات بقت ناااااااااااااااار ولسه هتغلى تانى
وايه رايكم فى الكيا ريو وال اكسنت ار بى

[dreslam]

يا باشا عامله 152 اللى انت بتقول عليها دى العربيات بقت ناااااااااااااااار ولسه هتغلى تانى
وايه رايكم فى الكيا ريو وال اكسنت ار بى

الكيا ريو افضل شكلا من اكسنت ار بي لكن تتفوق الاكسنت ار بي في استهلاك البنزين طبعا.لو رسيت على الاتنين دول روح اركب وشوف لكن يميز الاكسنت حاليا ان سعرها مشدش بخلاف الريو يعني تقدر تجيب فئه حلوه ومدلعه من الاكسنت ار بي لكن بنفس الثمن حتجيب فئه كمالياتها قليله من الريو والختيار الاخير ليك والعربيتين كويسين في السوق وان كانت الريو وقفت شويه مبيعات الار بي