كروز 2014 زيرو ولا استرا 2013 مستعمل

[ghost1900]

يا جماعة انا محتار جدا ما بين كروز 2014 زيرو (151 الف جنيه) واسترا 2013 مستعمل (176 الف جنيه).

أنا بس حاسس الكروز فاضيه وسامع ان التوكيل مش بيركب لها أي كماليات، وفي نفس الوقت مقلق من الاسترا في موضوع الرعشة والكركرة.

[Adnfalcon]

توكل علي الله و هات كروز زيرو

[dreslam]

كروز زيرو..مره واتنين وثلاثه...........وايه الكماليات اللي حضرتك عايزها واتاكدت ان التوكيل مش بيركبها ؟

[ghost1900]

كروز زيرو..مره واتنين وثلاثه...........وايه الكماليات اللي حضرتك عايزها واتاكدت ان التوكيل مش بيركبها ؟

أهم حاجة هي الباركنج سنسور، وكمان الكروز كنترول.

[dreslam]

اعتقد الباركنج سنسور ممكن يركب في التوكيل...........الكروز كنترول بقا هو اللي مشكله بس انا شفته بيتباع بره بالقطعه بتاعت طاره الدريكسيون...انا كمان محتاج مرايات ضم وبتاع.....حستنى لما اخرج بره الضمان واركبهم مهما موجودين بره.الفكره اني منتظر من التوكيل يعقل ويبتدي يركب كله ماهو كله بثمنه والكروز اصلا مجهزه لكل الحاجات دي وبره بيركبوها "التوكيل" عادي

[J A G U A R]

كروز زيرو طبعا

[Abo.Moazz]

أنا بحب الأسترا .. عربية محترمة وأفضل من الكروز
بس للأسف الزيرو زيرو ... علشان كده هقولك الكروز
طب ماتبص بصة كده على التيوتا الكورولا أو السيتروين c4 أو البيجو 2008
وسع دايرة إختياراتك شوية
وبالذات السيتروين الـ C4 .... هتلاقى فيها كللللللللللللللل الكماليات والإمكانيات اللى إنت عايزها وأكتر كمان وبنفس سعر الإسترا المستعملة

[D.Ahmed Ismail]

استرا لو مضمونة

[S O P H O S]

الاسترا جميلة بصراحة
بس الزيرو ليه الافضلية بردوا

[ma7med]

استرا بس تكون بحالة الزيرو ولو ملقتش يبقى الكروز