الحيره الان بين النيو افيو والنيو لوجان

[ميلو]

مالكي الافيو الكرام ... بعد التحية والسلام\\
ارجو من سيادتكم النصيحة والمساعدة
باختصار ... بعد المفاضلة بين الفيرنا زيرو والافيو الشكل الجديد زيرو والنيو لوجان زيرو
تم استبعاد الفيرنا لعدم ارتقائها لمستوى الباقيين خاصتا ان شكلها زي ما هو بقالوا اكتر من 8 سنين ... ويقال كمان من اللي اشتروا الزيروا انها اسوء بكتيييير من الموديلات القديمة .. بجانب سمعة توكيل غبوور
الان انا عندي معلومات كافية عن النيو لوجان وتجربتها مع احد الزملاء ومعرفة امكانياتها من عوامل امان وكماليات جديدة ورفاهية بجانب شكلها الجديد مع ملاحظة انه نفس موتور القديمة

ولكن للاسف حتى الان ليست لي خبرة كافية عن الافيو غير انه تم تغيير الشكل الخارجي بنفس الكماليات ونفس الموتور لعدم توافر فرصة لتجربتها على نطاق الاصدقاء

لذلك قررت الاستفادة من حضراتكم في الاختيار لمعرفتكم الكاملة بالسيارة من خلال الصفحة بموقع نايل موتر

بعض المعلومات للمساعدة
1 انا عايزها مانيوال مش اوتو
2 المبلغ المتاح من 85 ال 95 الف
3 يهمني عامل الامان والثبات
4 مش هابيع قبل 5 خسنين (ان شاء الله)
5 عامل الصيانه وقطع الغيار والاعتماديه مهم بدور ما
.... ولكم جزيل الشكر

[Eng.M_Mousa]

النيو لوجان افضل من حيث الثبات والاعتمادية والعلو عن الارض والمساحة الداخلية والكماليات أعتقد هى صفقة ناجحة ان شاء الله طالما مش ناوي تبيع علي طول

[Omar Mahmoud]

انا مش عارف حضرتك محتار ليه
اصلا مفيش مقارنة
رقم 1←4 للنيو لوجان
5 توكيل رينو افضل من منصور

[تامر.محمد]

اللوجان افضل كعربية و كتوكيل

[eng.m7md.ali]

لوجان طبعاً

[J A G U A R]

نيو لوجان

بس الافيو اعتماديتها اعلى

[Ahmod]

الافيو عربية زفت مافيهاش غير ميزة واحدة فقط ان العربية من جوة شكلها حلو والتابلوه بتاعها كويس

غير كدة كلها عيوب

[scientist9508]

لوجان بدون أى تردد

[merosss]

بلاش افيو الجديدة سيئة جدا جدا جدا كانت حلوة فى 2007 لما كانت كورى مع واحد صاحبى حلوة لكن الجديدة لا

[hugan]

في جميع الاحوال نيو لوجا ن افضل
الافيو الجديده بتزل ببارومه في عربيه زيرو

[Mahmoud_optra]

الافيو اوعى تحط رجلك فيها
اللوجان رهيييييييييييبة انا عايز اشترىها بس مشكلتى عايز حاجة اوتو بفكر فى اكسنت او صنى

[mirra]

لوجان وش

[ahmedarefsaad]

الافيو اوعى تحط رجلك فيها
اللوجان رهيييييييييييبة انا عايز اشترىها بس مشكلتى عايز حاجة اوتو بفكر فى اكسنت او صنى

ياباشا لو بتقارن بين اللوجان و الاكسنت و الصنى يبقا خليك فى الاكسنت و اللوجان بس لان الصنى مشاكلها كتير و تقفيلها وحش جدا و مشوفتش حد بيشكر فيها بعد اما جبها

[ميلو]

شكرا جدا يا جماعه لمشاركتكم الجاده… وواضح ان بنسبة 100% ان اللوجان افضل… لان مفيش ولا كومنت رشح الافيو
انا هاتوكل على الله واروح احجزها… وربنا يحط فيها الخير بمشيئته

[رامي مصطفى]

شكرا جدا يا جماعه لمشاركتكم الجاده… وواضح ان بنسبة 100% ان اللوجان افضل… لان مفيش ولا كومنت رشح الافيو
انا هاتوكل على الله واروح احجزها… وربنا يحط فيها الخير بمشيئته

ربنا يوفق حضرتك
طبعا ولا كومنت للأفيو
اصلا عنوان الموضوع بعد اذن حضرتك غلط لما تقارن الأفيو تحط معاها في المقارنه صيني مستعمل او ياباني عربية حوادث او توكتوك مركب فيه شاشه وجي ام او موتوسيكل صيني لسه مارخصش او ممكن حاجه انفع زي كلب بولدوج او قطه سيامي تعمل حس في البيت او حوض سمك تفرح بيه الاطفال
وبالتوفيق