مخنوق بصراحه بسعر 85 الف يجبوا اوبل فيكترا وبي ام انهي افضل

[salahuddin_sad]

85 الف
اوبل فيكترا 2007 او 2008 مع اي نوع بي ام واعتقد 318 بس اعتقد هتبقي تحت سنه 2000 ايهم افضل ومقارنات بينهم

[Ahmed Saad]

فولكس فاجن باسات موديل من 2001-2005 عربيه اعتماديه جدا ونسخه من أودي A4 ثبات احسن من الاتنين أكبر وأوسع واعطال أقل وقطع غيار أرخص من الاتنين وارخص من الياباني كمان وعربية معمره جدا ومفيهاش عيب معروف فتيسها الاوتو ممتاز واعطاله تكاد تكون أقل من الاتنين شكلها افخم من الاتنين وشنطه أكبر بس فيها حاجتين طقم المقصات الامامي غالي شويه لأنه 8 مقصات ألومنيوم بس جامدين الطقم بيعمل جديد الماني درجه أولى 4000ج وده بيعيش كتير وتنساه وفيه أرخص لغاية ماتوصل للصيني ب 1200ج وفي تركي 1800 والاستيراد بيعمل في حدود 1200 الطقم كامل والحاجة التانيه انها لازم تتصين عند ميكانيكي فولكس كويس علشان مش أي حد يفهم فيها ويشتغل فيها طبعا زيها زي الاتنين التانيين ولو عايز أي استفسار للعربية انا تحت أمرك وفي موضوع في قسم فولكس فاجن باسم رابطة مالكي الباساتb5&b5.5 موديل من 1996-2005 فيها معلومات كويسه عن العربيه وربنا يوفقك للاصلح

[Ayman_Amer]

أودي a4 أفضل ولا باسات

[Ahmed Saad]

أودي a4 أفضل ولا باسات

الاتنين زي بعض بالمللي بس الباسات تتفوق في وسعها المهووول غير كده مفيش فرق

[2CODE]

فولكس فاجن باسات موديل من 2001-2005 عربيه اعتماديه جدا ونسخه من أودي A4 ثبات احسن من الاتنين أكبر وأوسع واعطال أقل وقطع غيار أرخص من الاتنين وارخص من الياباني كمان وعربية معمره جدا ومفيهاش عيب معروف فتيسها الاوتو ممتاز واعطاله تكاد تكون أقل من الاتنين شكلها افخم من الاتنين وشنطه أكبر بس فيها حاجتين طقم المقصات الامامي غالي شويه لأنه 8 مقصات ألومنيوم بس جامدين الطقم بيعمل جديد الماني درجه أولى 4000ج وده بيعيش كتير وتنساه وفيه أرخص لغاية ماتوصل للصيني ب 1200ج وفي تركي 1800 والاستيراد بيعمل في حدود 1200 الطقم كامل والحاجة التانيه انها لازم تتصين عند ميكانيكي فولكس كويس علشان مش أي حد يفهم فيها ويشتغل فيها طبعا زيها زي الاتنين التانيين ولو عايز أي استفسار للعربية انا تحت أمرك وفي موضوع في قسم فولكس فاجن باسم رابطة مالكي الباساتb5&b5.5 موديل من 1996-2005 فيها معلومات كويسه عن العربيه وربنا يوفقك للاصلح

معلش بس اول جزئية الباسات والاودي ثبات أحسن من الفيكترا ماشي طبعاً الاوبل لا تقارن اساساً بالفولكس او الاودي

لكن ثبات الفولكس والاودي عربيات محترمة ايوه لكن احسن من BMW دي محصلتش في تاريخها

رأيي لصاحب الموضوع كل ما كان الموديل أحدث في العربية اللي هتشتريها يبقى افضل ده خلاصه القول

[S O P H O S]

فرأي متركبش عربية موديل قديم

[salahuddin_sad]

شكرا علي ردوردكم
بس اوبل فيكترا هتبقي 2008 او 2007
بي ام هتبقي موديل سنه 1999 يعني اقل حوالي عشر سنوات
باسات اقل حوالي سته سنوات
مع الاعتبار انا عاوز اكتر عربيه ثابته وقويه وكبيرة

[J A G U A R]

فيكترا c مانيوال

[salahuddin_sad]

ليه مانويل هي افضل من ايزوترنك

[J A G U A R]

ليه مانويل هي افضل من ايزوترنك

الايزيترونيك كويس وممتع جدا لما تفهمه بس مشكلته الموبينه عمرها قصير وكنترول الفتيس ساعات بيعطل
انما المانيوال تمام

[svneleven]

فعلا الفيكترا c حتحس في مشيها أنك راكب بي ام. الموبينة كل سنتين أو أكتر بسيط هتغيرها ب 2000 جنيه في التوكيل مش عارف برة بكام. غير كده العربية ما شاء الله شكل و هيبه و أداء.

[Ahmed Saad]

معلش بس اول جزئية الباسات والاودي ثبات أحسن من الفيكترا ماشي طبعاً الاوبل لا تقارن اساساً بالفولكس او الاودي

لكن ثبات الفولكس والاودي عربيات محترمة ايوه لكن احسن من BMW دي محصلتش في تاريخها

رأيي لصاحب الموضوع كل ما كان الموديل أحدث في العربية اللي هتشتريها يبقى افضل ده خلاصه القول

ياباشا هوا بيقول موديل قبل 2000 وب 85000 فأكيد مفيش غير الدبانه ومعلش الباسات ثباتها أعلى من الدبانه هي والاودي لاكن ال e46 احسن من الباسات وعموما هي عربيات عربيات يعني أودي TT هات عربيه في البي أم تجيبها في الثبات وبرضه البي أم منافسه للاودي مش فولكس فاجن يعني اقارن أودي بالبي أم مش الفولكس والاودي فيها عربيات وهم مش وحشه ومعلش الباسات عفشتها من ادام 8 مقصات مالتي لينك وطول وعرض مش هتبقى ثباتها أعلى من الدبانه ومعلش اني ماوضحتش اني أقصد الدبانه

[Ahmed Saad]

إلى صاحب الموضوع لو لاقيت بي ام e46 مش هتلاقى حاجه ب 85000ج حلوه هتبقى متهانه على الآخر وعموما مانصحكش تركب بي ام قديم لأن الشباب هتبقى دايسه ومبهدله العربيه جامد اللي بيركب بي ام بيركب موديلات عاليه علشان ماحدش يكون لحق يبهدلها وناس قالتلك خليك في الفيكترا سي بص انا هقولك الفيكترا طبعا عربيه ممتازه بس أنزل أسأل على قطع غيارها وقطع غيار الباسات 2004-2005 وشوف الفرق المهول في الأسعار لصالح الباسات أرخص جديد واستيراد أهم حاجه استخير ربنا وتوكل على الله في اللي تستريحله نفسيا

[Abdo Taha]

على فكرة بمناسبة موضوع الموبينة ده اتغيرت عندي مرة واحدة و كانت العربية عاملة 35 الف و متغيرتش الى الان و الحمدلله و العربية حالياً عاملة 140 الف اهم حاجة البوجيهات تتغير كل 20 او 25 الف و بكده الموبينة تكون حافظت عليها و ان شاء الله ميحصلهاش حاجة

و بصراحة لو انت معندكش مشكلة في سواقة المانيوال توكل على الله في الفيكترا سي المانيوال و ابعد عن رخامة الايزي ترونك عربية ثباتها محترم محترم جدا و لا يقل عن الباسات ابدا يعني دي حتى الفيكترا بي محدش اتكلم بحاجة وحشة عن ثباتها ما بالك الفيكترا سي !!!!! انا مجرب ثباتها كويس و عارف يعني ايه تاخد غرز على ال 160 العربية ثابتة جدا جدا

و شوف الباسات برضه اسمع انها عربية كويسة بس معنديش تفاصيل عنها و البي ام حلوة طبعا بس تكون حالتها كويسة و تخلي بالك لأنها عربية بتاعة لعب فالمشكلة ان الحالات الحلوة ممكن تكون قليلة شوية

اهم حاجة سواء اشتريت فيكترا او بي ام او باسات تكشف عليها و تكون حالتها كويسة عشان العربية متغلبكش و تكرهك في الماركة نفسها و في العربيات كلها

[salahuddin_sad]

شكرا ليكم جدا
جزاكم الله خيرا علي الردور

انا معاي اوبل فيكترا 99 مانويل 1600 بحبها جدا عاوز ابعها واجيب الفيكترا 2008 بس بصراحه لما لقيت بي ام فكرت بيها باسات عربيه قويه بس موش حاببها

قدامي فيكترا 2008 او بي ام 525 موديل 2001 او بي ام 318 موديل 2002

ياريت انهي افضل بالتلاته ته دولي