مقارنه بين بيجو 301 هاي لاين وسيراتو اول فئه

[mo3tsem]

وأخيراً وبعد عناء طوييييل جداً مابين سيفك 94 وابترا
قررت اني مش هاخد اي حاجه من الأتنين واخليني في الزيرو احسن بردوا :d
وطبعاً بشكر كل الناس اللي تعبت معايا في الموضوع القديم وخاصاً الحج جاجوار
المهم اسف علي الأطاله
مقرانتي لمدة ساعه واحده فقط .. لأني خلاص رايح المعرض اخلص في حاجه من الأتنين
بيجو 301 هاي لاين أو سيراتو أول فئه وكيل

البيجو بــ 144 الف والسيراتو 147 الف

ومحدش يقوللي دي فئه ودي فئه تانيه ... انا عارف ده كويس
بس انت هنا بتتكلم في عربيه تقفيل اسباني وتقفيل كوري بردوا والبيجو مهماً يكن لينا اسمها بردوا
وعربيه ناس كتير شكرت فيها
بس ياريت بقي تساعدوني انهي احسن من ناحية

قله المشاكل
الثبات بعد 140
قطع الغيار
التوكيل
اعاده سعر البيع
الأستهلاك ( يعني انا مثلاً بسافر كل يوم ) فأنهي تستحمل معايا اكتر
سحب الماتور وقوته يعني البيجو 115 اللي اعرفه لكن معرفش السيراتو قد ايه
ومش عاوز حد يقوللي خليك في السيراتو فئه اعلي شويه لأني اكيد لو كنت اقدر كنت هعملها من غير ما تقول :d وياريت محدش ياريت يقوللي البيجو تكسب انا عاوز الأحسن واللي تستحمل معايا اكتر



بسرعه والنبي يا رجاله عشان قدامي ساعه ورايح سمير ريان وهخلص بقي

[Adnfalcon]

هقولك عيوب مش مميزات . .
301 . . تيل فرامل ردئ بيخلص بدري وبيصفر بدري
بس تقدر تعمل زي الناس اللي جابت نوع تاني برا التوكيل
واحساس بنقله الفتيس عند الغيار التاني دا فالاوتوماتك

السيراتو . . عفشه ناشفه و احساس بالسخونه عند رجل السواق ودا بسبب سوء العزل وحلها تفصل مواسير السخن وتركب عزل

مميزات . .
بيجو 301 . . ثبات لحد 160 وانت مطمن و واسعه من جوه وعفشه أنعم
سيراتو . . شكل أحلي و فئه اعلي و هتستحمل معاك وثبات عالي لحد 170

[mo3tsem]

هقولك عيوب مش مميزات . .
301 . . تيل فرامل ردئ بيخلص بدري وبيصفر بدري
بس تقدر تعمل زي الناس اللي جابت نوع تاني برا التوكيل
واحساس بنقله الفتيس عند الغيار التاني دا فالاوتوماتك

السيراتو . . عفشه ناشفه و احساس بالسخونه عند رجل السواق ودا بسبب سوء العزل وحلها تفصل مواسير السخن وتركب عزل

مميزات . .
بيجو 301 . . ثبات لحد 160 وانت مطمن و واسعه من جوه وعفشه أنعم
سيراتو . . شكل أحلي و فئه اعلي و هتستحمل معاك وثبات عالي لحد 170

بصراحه مش عارف اقوللك ايه يا بشمهندس ... هو ده الرد تسلم يا ريس يعني وجهة نظرك السيراتو تكسب . في إنتظار وبشده باقي مشاركه باقي الأعضاء

[max13]

السيراتو تكسب لكن انا برشحلك شارك الفئة التانية ومش هتندم

[Hegazio]

لو مش حتبيع غير بعد فترة..بيجو هاي لاين و انت مطمئن

[max13]

عيبها الوحيد صوت الموتور عالى لانة رياضى .
مميزات ثبات اكثر من رائع . تحس بالقوة والاداء فى القيادة وجودة تقفيل يابانى 100%

[max13]

ربنا يوفقك

[mo3tsem]

لو مش حتبيع غير بعد فترة..بيجو هاي لاين و انت مطمئن

هو انا هجيبها قسط .. فأكيد مش هبيع قبل 3 او 4 سنين يعني
طب انت ليه بترشح البيجو ؟

[mo3tsem]

السيراتو تكسب لكن انا برشحلك شارك الفئة التانية ومش هتندم

تمام السيراتو تكسب ليه بقي؟
وليه بترشح الشارك الفئه التانيه دي اللي هي هاف سبورت ؟ وماتورها عزمه قد ايه ؟
وايه اخبار قطع الغيار بتاعتها ؟

[D.Ahmed Ismail]

لو من دول سيراتو
لو من بره كروز او شارك
واميل للكروز عشان العزل فقط

[J A G U A R]

منور يا معتصم باشا :)

قله المشاكل .. فى صالح السيراتو
الثبات .. الاتنين كويسين بس اعتقد السيراتو افضل شويه
قطع الغيار .. فى صالح السيراتو
التوكيل .. كيا طبعا
اعاده بيع .. سيراتو
تحمل المشاوير .. سيراتو
سحب الماتور وقوته .. سيراتو

المقارنه محسومه للسيراتو

[S O P H O S]

بشكل عام السيراتو افضل فعلا

[Hegazio]

التميز و اﻷوبشنز لصالح البيجو
او زود 10 الاف و هات فلوينس..و يبقي كسبت اﻷوربي و الياباني

[Batman372]

سيراتو افضل لمتطلباتك ...
تحياتى ...

[mo3tsem]

طب الحمد لله اني وفقت في الأختيار
انا انهارده اتعاقدت علي سيراتو 2015 بس خليجي
فيها اير باج وتاتش سكرين وبلوتث aux وكاميرا خلفيه
انا فضلت الخليجي عشان الكمليات وبــ 140 الف يعني ارخص من اقل فئه في الوكيل اللي هي 147 الف
وزودت 2500 عشان اخد ضمان 3 سنوات يعني العربيه بــ 142 ونص
لون اسود
ده اللي ربنا وفقني بيه وهستلمها بكره ان شاء الله .. ربنا يدينا خيرها ويكفينا شرها ان شاء لله :)
بس هل بقي في اي عيوب في الخليجي انا سألت قالولي هي هي مفيش اي فرق بين الأتنين ؟