سيارة فى حدود 120-130 الف جنيه

[Ahmed Ammar22]

كنت أود شراء سيارة فى حدود 120-130.سألت الناس كتير و الإقتراحات تنحصر بين بيجو 301 و كيا ريو 2015 و شيفروليه أوبتر و هيوندار اكسنت رب

ممكن حد يفيدنى عشان حقيقة أنا متلخبط لأن كل معرض تلاقى الناس فيه بتقول كلام شكل و المواضيع اللى على المنتدى الناس مختلفين بشدة

العربية للمدام و مش ناوى أغيرها قبل 15-20 سنة و معنديش مشكلة فى قطع الغيار مدام العربية كويسة و نضيفة



شكرا

[حسني منصور]

لانسر بلا منازع

[Ahmed Ammar22]

مفيش لانسر ب 120-130 ألف

ثانيا انا عايز عربية حجمها معقول زى الريو و البيجو

[hossamalsadik]

طيب السيات فى الإقتراحات
توليدو - ابيزا

[ahmedmohamed7]

ريو

[Adnfalcon]

اوبترا الشكل القديم هتكون مناسبه

[ARKOON]

فعلا فئة سعرية محيرة جدا

لو بصيت لـ 301 هتلاقي شكاوى كتير من انتهاء تيل الفرامل بسرعة وصعوبة التعامل مع الفتيس خصوصا انه 4 غيار والمكنة 1600 فعايز ضغطة معينة للبنزين وكذلك للفرامل , غير كدا العربية ما شاء الله في منتهى الشياكة تقفيل أسباني وخاماتها ممتازة والأوبشن ممتاز وفوق كدا تجهيزات الأمان في كل الفئات.

ريو بالسعر دا لو فيها airbags & ABS+EBD توكل على الله وخلص فيها خصوصا العربية منتشرة وأثبتت كفاءة والوكيل محترم جدا .

شيفروليه اوبترا الشكل القديم والـRB تمام بس سعرهم مبالغ فيه

متهيألي لو سيراتو 2010-2012 بحالة فوق ممتازة مش هتعدي 115

ممكن بردو تفكر في :
- تويوتا يارس 1300 أوتوماتيك 132000
- بروتون بيرسونا 1600 أوتوماتيك 116000
- بريليانس FRV كروس 1500 أوتوماتيك 105000


ربنا يوفقك وتختار حاجة مناسبة وما تنساش صلاة الاستخارة .

[ahmedmohamed7]

ممكت حضرتك تبص على السوززكى سويفت و ديزاير .....

[Ahmed Saad]

ماتشوف الجين تو عربيه حلوه وقطع غيارها بقت موجوده

[J A G U A R]

حدد اولوياتك من العربيه علشان تعرف تختار

[felfel2010]

لانسر اتراج هتكون مناسبة طلباتك

[kokowasfy]

حدد انت عاوز اية من العربية الاول

[Ahmed Ammar22]

أنا عايز عربية أخرها فى السعر 130 .1600 cc اوتوماتيك

نزلت سألت فى معارض كتير (أوتو سمير ريان,المصرية,الليثى,الحاوى,القرش)

للأسف المبلغ ده بيجيب كيا ريو فاضية خالص من غير كماليات يعنى شايلين الكاسيت بتاع الريو و محطوط كاسيت صغير شكله سيئ مفيش ABS و فيه air bag واحدة بس و مفيش فتحة USB

روحت بصيت على البيجو شكلها حلو و سعرها معقول و فيها ABS و 2 air bags و كاسيت CDو قتحة USB بس للأسف ناس كتير مختلف عليها.ناس تقولك فى مشكلة فى الفرامل بتاعتها و التيل و ناس تقولك ممتازة محصلتش

روحت سبتنى منها و بصيت على هيونداى اكسنت 2015 .سعرها لذيذ 126.5بس مفيهاش air bags ولا ABS


أخيرا فى إستفسار هو الراجل اللى ماسك شركة كيا عنده عرق مصرى.أصله عامل عربية كيا ريو فئات كتير و حاطط حاجات كتير أساسية على انها كماليات يعنى لازم تدفعلك 10-20 ألف جنيه زيادة عشان تكون الحاجات الأساسية فى العربية.أول مرة اشوف واحد حاطط فتحة USB من الكماليات.الخوف السنة الجاية يخلى الأستبن من الكماليات

[S O P H O S]

عربية بالكلام ده ممكن الياريس
ثم الريو او الاوبترا شكل قديم