جولف 7 و الا كورولا 2015

[mohamed ebeid]

أرجو المساعده حيث اني مقبل علي شراء سياره في حدود 220 ألف و أخر سيارتان استقريت عليهم هم جولف 7 بيزلاين 2014 و كورولا هايلاين 2015
ما يجمع بين السبارتان و أرجو التصحيح لو كان في حاجه غلط هو:
1- السعر متقارب (الجولف 220) و( الكورولا هايلاين 217)
2- قوة الموتور متقاربه (الجولف 140 حصان - تربو) (الكورولا 120 حصان - بدون تربو)
3- الثبات ما شاء الله العربيتين ثابتين علي السرعات العاليه و في المنعطفات ولو ان أكيد الجولف تتفوق قليلا
4- التوكيلين محترمين في مصر
5- الشكلين مازالو في بدايتهم (منذ 2014

ما يميز الجولف عن الكورولا:
1- القوة والثبات
2- تقفيل ألماني 100% و الكورولا تركي (لسه مش معروف مدي جودتها)
3- الأرتفاع عن الأرض أكبر (14سم) و الكورولا 12سم ونصف (أرجو تأكيد المعلومه)

مميزات الكورولا:
1- موديل 2015 متوفرفي السوق
2- الشنطه أكبر
3- تكيييف الياباني في الأيام شديده الحراره لا يعلي عليه
4- الكماليات الاضافيه في الكورولا تكتسح الجولف تماما (الكورولا تزيد: مساعد ركن-مثبت سرعه-كاميرا خلفيه-سمارت كي - كيليس انتري-حساس مطر-فرش جلد)
5-قطع الغيار و الصيانه أرخص

أرحب بتعليقاتكم و أراؤكم

[Ahmed Saad]

بص ياباشا انت بتقارن بين عربيه عائليه وعربيه شبابيه طبعا الجولف عربيه مالهاش حل في الجري والثبات والامان والكرولا ماتجيش جنبها حاجه علي السرعات العاليه اوي بس انت احتياجك ايه من العربيه يعني انت عيله وهتسافر وتحمل وكده ولا عايز شد وجري وغرز لو استخدامك عائلي عندك التويوتا حلوه والاسكودا اوكتافيا a7 ولو عايز جري الجولف طبعا بس انسي انها عربيه عائليه لان شنطتها ضيقه جدا شوف انت عايز ايه وربنا يوفقك للاصلح

[David Micheal]

خليك في الكورولا

[mohamed ebeid]

شكرا لك يا باشا... أنا فعلا محتاج عربيه تكون قويه و ثابته مش شرط علشان الغرز و الشد ولكن الأمر ما يسلمش و أعتقد ان الجولف أيضا تتفوق في قوة الفرامل... توكلنا علي الله

[mohaismail]

هات كورولا

[Ahmed Saad]

شكرا لك يا باشا... أنا فعلا محتاج عربيه تكون قويه و ثابته مش شرط علشان الغرز و الشد ولكن الأمر ما يسلمش و أعتقد ان الجولف أيضا تتفوق في قوة الفرامل... توكلنا علي الله

طيب شوف الاوكتافيا A7 عربيه واسعه وثابته وعائليه واستخدامها افضل من الجولف وهيا هيا الجولف شاسيه وانظمه تعليق وفرامل بس الموتور والفتيس مش زي بعض بالنسبه للA7 الجديده اما ال2014 tsi زي الجولف بالظبط

[Adnfalcon]

طالما رسيت علي الجولف 7 يبقي تجيب ال a7 أفضلك طبعاااااا
عربيه أوسع . شنطه عملاقه . ثبات عالي جدا زي الجولف

[DODGE2013]

طالما انت في المحروسه بلد العجائب يبقى هات الكرولا

مش بعيد تستخدمها كم سنه وتيجي تبعها تجبلك نفس القيمه او اكتر شويه هههههههههههههههههههههههه

للأسف ده الي حاصل فعلا

[eftekasat3]

مفيش مقارنه بين سيدان واهتش باك دى حاجه ودى حاجه
بس انا اموت فى الجولف وارشحهاللك احسن من الكورولا

[monamize4]

محدش يقدر يتكلم نص كلمه عن اداء الجولف ,, Der Golf . Das Auto

و الجولف كعربية طبعا احسن من الكورولا
بس البيز لاين منها مش هتبسطك زائد انك هتبقى قلقان دايما من حوار الفتيس
الكورولا انسب للسوق المصرى و ف الاخر القرار ليك

[tameraast]

golf 7 is better than corolla in every way

[svneleven]

ما تشوف هوندا و تبقي خت كل المميزات.

[mohamed ebeid]

شيء محير فعلا .. الموضوع أكيد محتاج صلاه استخاره و بمناسبه مين الانسب للسوق المصري أنا شايف ان السيارتين لهم سمعه جيده جدا سواء الجديد أو المستعمل و الأتنين بيحافظو علي سعرهم عند اعاده البيع و لكن التويوتا تعتبر انسب كسياره عائليه لكبر مساحه الشنطه فقط للناس اللي بتحط عربيه بيبي او أمتعه أخري في السفر أما الصالون الداخلي مفيش فرق تقريبا

[NaderNabil]

بص بصه على التويوتا الاوريس الهايلاين

[Omar Mahmoud]

جولف 7