أيهما أفضل ريو هاى لاين أم بروتون جين 2

[mrwanakl]

كنت عايز مقارنة بين جين 2 و ريو هاى لاين مع العلم إن فرق السعر كبير مش عارف ليه ؟

[Omar Mahmoud]

فرق السعر كبير لمجرد إنك في مصر و كل العربيات اصلا متستحقش سعرها
عموما الجين 2 فئة اعلي
المقارنة
التسارع للبروتون
الثبات للبروتون
عوامل الامان زي بعض لو ناوي علي الهايلاين
الكماليات لصالح الريو بشرط إنها تكون هايلاين
قطع الغيار للبروتون (الرخص)الإنتشار لصالح الريو بس البروتون منتشرة برضه
إعادة البيع للريو و البروتون بقت تمسك سعر
الخامات مش شايف فرق كبير قوي بين الاتنين مع العلم إنها بتنزل بنفس الخامات من 2004 برة مصر
التقفيل مش فرق كبير بين الاتنين مع إن تقفيل بروتون في 2014 في مصر إتحسن
مبروك مقدما

[4fun14]

بصراحه انا بحس الجين تو افضل قيمه ف السوق
ومتفق مع المقارنه السابقه تماما..
بالمناسبه لي زميل معاه جين2 من 7 سنين وبيقولي مشكلتي اني مش عارف اغيرها لانها احسن من معظم العربيات اللي اغلي منها
عيوبها بس لو انت طويل هتباه مزنق شويه والمحرك صوته عالي شويه برضه
كلامي بناء علي سمع مركبتش دي ولا دي

[Omar Mahmoud]

بصراحه انا بحس الجين تو افضل قيمه ف السوق
ومتفق مع المقارنه السابقه تماما..
بالمناسبه لي زميل معاه جين2 من 7 سنين وبيقولي مشكلتي اني مش عارف اغيرها لانها احسن من معظم العربيات اللي اغلي منها
عيوبها بس لو انت طويل هتباه مزنق شويه والمحرك صوته عالي شويه برضه
كلامي بناء علي سمع مركبتش دي ولا دي

كلامك مظبوط %100
الزنقة لو الراكب طويل هيحس بالزنقة ورة

[Adnfalcon]

جين 2 أفضل طبعا بس توكيل سئ جدا و قطع غيار غاليه

[Eslam.Elrefaey]

عيب الجين تقفيلها مقارنه بالريو

[Ahmed.Essam]

العربيتين دول قارن بينهم كويس قبل ما تشتري
ومش هقولك الريو افضل عشان معايا ريو و حد يقول انت متحيز انا مش هقول ان دي احسن
بس قارن بينهم في كل حاجة حتى الاداء بس على الواقع وانت هتشوف عشان لما تختار اي واحدة فيهم متندمش

[2CODE]

مش عارف ازاي بروتون متفوقه في كل ده !!!!! قربنا على مرسيدس كده :) :)

البروتون تتفوق في الثبات بس انما ولا خامات ولا تقفيل ولا عزل زي الريو وده متفق عليه وكفاية شكل العربية القديم !!!!!!!

يعني انا اقولك على حاجة انزل بنفسك وشوف على الطبيعة دي ودي وقارن الخامات وقارن الشكل والدهان ... الخ واحكم بنفسك هتعرف الفرق وانت واقف :)

[S O P H O S]

الريو طالما هاي لاين

[Adnfalcon]

مش عارف ازاي بروتون متفوقه في كل ده !!!!! قربنا على مرسيدس كده :) :)

البروتون تتفوق في الثبات بس انما ولا خامات ولا تقفيل ولا عزل زي الريو وده متفق عليه وكفاية شكل العربية القديم !!!!!!!

يعني انا اقولك على حاجة انزل بنفسك وشوف على الطبيعة دي ودي وقارن الخامات وقارن الشكل والدهان ... الخ واحكم بنفسك هتعرف الفرق وانت واقف :)

خامات الكوري قريبه جدا جدا من البروتون
اصل الريو مش تقفيل ألماني يعني
دهان الجين ممتاز و معمر جدا جدا

[Ahmed.Essam]

خامات الكوري قريبه جدا جدا من البروتون
اصل الريو مش تقفيل ألماني يعني
دهان الجين ممتاز و معمر جدا جدا

معلش بختلف معاك .. خامات البروتون اقل فعلا من الريو بكتير اقل حاجة ممكن تتلاحظ اوكرة الباب
الدهان في الجين 2 مش تمام .. خدت بالي من عربيات جين 2 كتير الدهان فيها زي ما تقول مفقع
والريو تقفيلها مش ألماني طبعا العين ما تعلاش عن الحاجب بس ممكن اللي بيقارن بينهم يركب دي ويركب دي ويلاحظ .. بس مش اكتر :)

[J A G U A R]

اعتقد كفايه فرق الشكل بين العربيتين

زى ما قالو الاعضاء الافاضل اتفرج على العربيتين واركبهم وهتاخد قرارك على طول

[Batman372]

الكيا ريو افضل اجمالا فى راى ...
تحياتى ...

[Adnfalcon]

معلش بختلف معاك .. خامات البروتون اقل فعلا من الريو بكتير اقل حاجة ممكن تتلاحظ اوكرة الباب
الدهان في الجين 2 مش تمام .. خدت بالي من عربيات جين 2 كتير الدهان فيها زي ما تقول مفقع
والريو تقفيلها مش ألماني طبعا العين ما تعلاش عن الحاجب بس ممكن اللي بيقارن بينهم يركب دي ويركب دي ويلاحظ .. بس مش اكتر :)

فالشارع اللي جنبي فيه عربيتين جين 2 موديلات قديمه و الشمس ملسوعه فالدهان معظم اليوم وشمس الأقصر مشهوره طبعا هههه
والدهان 100 %
بالنسبه للخامات انا شايف انها قريبه جدا جدا بلاستيكات مش فارقه أوي
عيب جين 2 صوت الموتور عالي وتوكيلها وحش جدا و قطع غيار غاليه بس ثبات عالي ودي ميزه رهيبه

[Omar Mahmoud]

مش عارف ازاي بروتون متفوقه في كل ده !!!!! قربنا على مرسيدس كده :) :)

البروتون تتفوق في الثبات بس انما ولا خامات ولا تقفيل ولا عزل زي الريو وده متفق عليه وكفاية شكل العربية القديم !!!!!!!

يعني انا اقولك على حاجة انزل بنفسك وشوف على الطبيعة دي ودي وقارن الخامات وقارن الشكل والدهان ... الخ واحكم بنفسك هتعرف الفرق وانت واقف :)

حضرتك حسستني إن الريو دي بي ام دبليو 750 وانا مش واخد بالي
علي فكرة انا قعدت شهرين بدرس كل حاجة عن الريو لاني كنت هجيبها و شوفتها كتير لحد ما حفظتها و هي عربية ممتازة
و فعلا التقفيل و الخامات قلت لصالح الريو
الشكل اذواق و شكل الريو حلو
و حتي لو التفوق في الثبات بس،الثبات مش كماليات نقدر نشيلها و نحطها في اي وقت
العزل مش هتكلم عنه
الدهان لو علي انه بينقر،الاوبل البوية بتنقر و بتجرب