ريو ... شارك ... بيرسونا

[د.ياسر]

عايز راي الخبراء الافاضل و المستخدمين الاعزاء
كل يوم اوصل لعرض جديد و الحيره بتزيد
ريو ٢٠١٥ فءه ال١٤٠ الف
شارك ٢٠١٤ ...الفءه اللي فيها ٢ air bag ....abs...ebd نازله بعرض ١٤٣الف قابل للنزول كمان شويه.
جين ٢ او بيرسونا اوتو

منتظر ردودكم و ارائكم الكريمه

[Adnfalcon]

هات الشارك أفضلهم

[J A G U A R]

شارك فئه ثانيه طبعا

[ahmedmohamed7]

lancer EX FTW :)
Good Luck

[د.ياسر]

1- بالنسبه للتوكيل بتاع متسوبيشي كمعامله و تفهم للاعطال و قطع ال غيار تمام وماذا عن توكيلاتها في اسكندرية ؟؟

2-سمعت من بعض الناس الغير متخصصين ان العربيه دي فشلت في السوق عشان كده مبتبيعش و منزلين في سعرها؟؟ انا مش مقتنع بهذا الكلام وردودكم السريعه و المختصره اكدت ان كلامهم غير دقيق.

3-هل تصنف الشارك في الاعتماديه مثل الكورولا ؟

تحياتي لكم و لردودكم الحكيمه .....

[ahmeddija]

هات ريو ..عربيه فخمه موووت

[J A G U A R]

2-سمعت من بعض الناس الغير متخصصين ان العربيه دي فشلت في السوق عشان كده مبتبيعش و منزلين في سعرها؟؟ انا مش مقتنع بهذا الكلام وردودكم السريعه و المختصره اكدت ان كلامهم غير دقيق.
بالعكس العربيه كويسه جدا بس اتظلمت عندنا ودى ثقافه شعب والعربيه افضل من اللانسر بمراحل اللى الشعب طاير بيها
3-هل تصنف الشارك في الاعتماديه مثل الكورولا ؟
اقل من كورولا
تحياتي لكم و لردودكم الحكيمه .....

[د.ياسر]

حضرتك ذكرت في كلامك جمله ( احسن من اللانسر ) وانا بسال عن الانسر اصلا و لا حضرتك تقصد ان الشارك احسن من البومه ؟؟

[eng.m7md.ali]

لو مع حضرتك المبلغ كامل شوف الشارك طبعاً وياريت تاني فئة افضل عشان عوامل الامان

[max13]

شارك طبعا لكن لو هتقارنها بالكورولا هختار كورولا

[د.ياسر]

ماهو الكلام عن الشارك تاني فئه2014 مقابل الريو ثالت فئه2015 لانهم متقاربين جدا في السعر ....

[eng.m7md.ali]

لو حضرتك باصص علي كماليات يبقي الريو من الاخر هتعجبك .. لو باصص علي اداء يبقي الاتنين التانيين هيعجبوك

تقفيل الريو والخامات بتاعتها احسن من ال2 التانيين لانهم تقريباً نفس التقفيل والخامات

[د.ياسر]

انا يهمني الاداء و الامان اولا و دا كان متحقق في الجين والبيرسونا و سعرها مناسب جدا بالنسبالي بس الكلام الكتير عن التوكيل خلاني ابعد و اريح دماغي.
الريو ككماليات تمام و اداء مرضي ....بس كسعر زيها زي الشارك 2014 لان عليها عرض حاليا ونازله 5 الالف جنيه الفئه التانيه.
بالاضافه الي ان الشارك ياباني و 1600 و اوسع طبعا وادائها اعلى.
بس وكيلها لاعلم ايه نظامه .
و الكورولا مش في الخطه اساسا انا جيبت سيرتها كمقارنه بس في نقطه الاعتماديه.

تحياتي

[eng.m7md.ali]

هو عمتاً في مصر السمة السائدة للتوكيلات في مصر هيا النصب والاحتيال سواء هنا ولا هنا ولا هنا كله زفت

الفيصل مع حضرتك في اسعار قطع الغيار وده ارخصم في بروتون واغلاهم في الشارك وحتي كأنتشار ال 3 قطع غيارهم مش منتشرة استيراد ولا انصاص

[mariachi]

شارك