اشتري ايه؟!

[sara osama]

مساء الخير :)))

من فضلكوا انا اول مره اسوق ومحتاجه عربيه اتوماتيك في رينج من 100 ل 130 الف
دورت وسالت وطلعت باكتر من اختيار بس برده مش عارفه ايه الانسب والاحسن
الخيارات اللي وصلتلها هي
متسوبيشي اتراج
بروتون جين 2
كيا ريو
بيجو 301

ايه الاحسن في دول ؟ او ياريت لو في اقتراحات لحاجه افضل

انا مش بفكر في اعاده البيع لخمس سنين قدام مثلا ..ومش بهتم بالكماليات والحاجات دي
اهم حاجه تكون عربيه مريحه يعني متتعبنيش في الصيانه وقطع الغيار واستهلاك البنزين
وطبعا الامان والثبات عشان كل شهر بسافر من القاهره للمنصوره

وشكرا

[J A G U A R]

ده كل مش موجود فى عربيه واحده ..

يعنى مثلا الجين استهلاك عالى للبنزين وقطع غيار غاليه شويه
الريو هاتبقى فئه اولى ومفيهاش امان
البيجو صيانتها رخمه وقطع غيارها غاليه

شوفى ممكن تضحى ب ايه علشان تعرفى تختارى

اختيارات اخرى ممكن اوبترا شكل قديم 2014 نازله ب ايرباج وطاره مالتى
لانسر بومه كسر زيرو

[borio1704]

أنا شايف المتسوبيشي أتراج والكيا ريو أفضل الخيارات

المتسوبيشي أتراج تصميم ياباني (تقفيل تايلاند) .. بس مشكلتها إن موتورها ضعيف شوية (1200 cc) بس موفر في البنزين

مفيش منها هاتشباك في السوق المصري... وتوكيلها (دياموند موتوزر) يبدو إن عنده مشاكل.. بس دي مقدرش أجزم بيها.



الكيا ريو موتورها ما يعتبرش قوي (1400 cc) لكن تقفيلها وقيادتها حلوة جدا.. وثباتها بردو كويس
وفيه منها سيدان وهاتشباك.. وتوكيلها في مصر (EIT) ممتاز بشهادة اللي اتعاملوا معاه.



البروتون جين2 عربية سبور شوية وممكن ما تناسبش سواقة بنت.. وتقفيلها مش في مستوى بقية العربيات.. وغالبا بعض الأزرار بتخرج من مكانها بعد استخدام كام سنة (من تجربة للعربية مع أخويا)

الجين 2 هاتشباك... والسيدان منها إسمها برسونا.. والوكيل بتاعها (عز العرب) معرفش حاجة عنه.



البيجو 301 مشاكلها كتير.. حضرتك ممكن تدخلي على قسم البيجو وتشوفي كمية المشاكل اللي ظهرت مع الناس اللي اشتروها زيرو.

مفيش من البيجو 301 عربية هاتش باك على فكرة... وتوكيلها بردو عليه علامات استفهام.



وأنا شخصيا بأرشحلك الكيا ريو

الريو واخدة كمية جوايز على مستوى العالم ما خدتهاش عربية تانية في نفس الفئة



...

[Omar Mahmoud]

انا رأيي إن لو حضرتك بتسوقي جديد يبقي ولا واحدة منهم

[sara osama]

ده كل مش موجود فى عربيه واحده ..

يعنى مثلا الجين استهلاك عالى للبنزين وقطع غيار غاليه شويه
الريو هاتبقى فئه اولى ومفيهاش امان
البيجو صيانتها رخمه وقطع غيارها غاليه

شوفى ممكن تضحى ب ايه علشان تعرفى تختارى

اختيارات اخرى ممكن اوبترا شكل قديم 2014 نازله ب ايرباج وطاره مالتى
لانسر بومه كسر زيرو

لو هختار حاجه يبقي اهم حاجه طبعا عندي الامان عشان دي اول مره اسوق ..
بس راي حضرتك بشكل عام في الجين فيها عيوب تانيه غير استهلاك البنزين العالي؟؟

[sara osama]

أنا شايف المتسوبيشي أتراج والكيا ريو أفضل الخيارات

المتسوبيشي أتراج تصميم ياباني (تقفيل تايلاند) .. بس مشكلتها إن موتورها ضعيف شوية (1200 cc) بس موفر في البنزين

مفيش منها هاتشباك في السوق المصري... وتوكيلها (دياموند موتوزر) يبدو إن عنده مشاكل.. بس دي مقدرش أجزم بيها.



الكيا ريو موتورها ما يعتبرش قوي (1400 cc) لكن تقفيلها وقيادتها حلوة جدا.. وثباتها بردو كويس
وفيه منها سيدان وهاتشباك.. وتوكيلها في مصر (eit) ممتاز بشهادة اللي اتعاملوا معاه.



البروتون جين2 عربية سبور شوية وممكن ما تناسبش سواقة بنت.. وتقفيلها مش في مستوى بقية العربيات.. وغالبا بعض الأزرار بتخرج من مكانها بعد استخدام كام سنة (من تجربة للعربية مع أخويا)

الجين 2 هاتشباك... والسيدان منها إسمها برسونا.. والوكيل بتاعها (عز العرب) معرفش حاجة عنه.



البيجو 301 مشاكلها كتير.. حضرتك ممكن تدخلي على قسم البيجو وتشوفي كمية المشاكل اللي ظهرت مع الناس اللي اشتروها زيرو.

مفيش من البيجو 301 عربية هاتش باك على فكرة... وتوكيلها بردو عليه علامات استفهام.



وأنا شخصيا بأرشحلك الكيا ريو

الريو واخدة كمية جوايز على مستوى العالم ما خدتهاش عربية تانية في نفس الفئة



...

انا شخصيا بميل للريو ..بس الهاي لاين بتاعها هيبقي ازيد من مزانيتي
الفئه الاولي تعملها بالظبط 130 الف ..فهل تبقي كويسه وفيها امان وثبات ولا ده مش متوفر غير في الهاي لاين؟

[sara osama]

انا رأيي إن لو حضرتك بتسوقي جديد يبقي ولا واحدة منهم

اجيب ايه طيب في رأي حضرتك؟
المشكله ان من الصعب اني اجيب عربيه وارجع ابدلها قدام شويه ..انا عاوزه اختار عربيه مناسبه من دلوقتي تكمل معايا لبعدين

[J A G U A R]

لو هختار حاجه يبقي اهم حاجه طبعا عندي الامان عشان دي اول مره اسوق ..
بس راي حضرتك بشكل عام في الجين فيها عيوب تانيه غير استهلاك البنزين العالي؟؟

الجين كويسه
بس تقفيل وخامات داخليه وتوكيل تعبانين وقطع غيار غاليه وتقيله فى البيع .. دى الخلاصه

بس للعلم
العربيه ادائها وسواقتها رياضيه

مش عارف هايبقى مناسب مع حضرتك ولا لا

[sara osama]

الجين كويسه
بس تقفيل وخامات داخليه وتوكيل تعبانين وقطع غيار غاليه وتقيله فى البيع .. دى الخلاصه

بس للعلم
العربيه ادائها وسواقتها رياضيه

مش عارف هايبقى مناسب مع حضرتك ولا لا

بتهيالي كده مش هيناسبني ..طيب هي الريو لو جبت الفئه اللي ب 130 الف مش هيبقي فيها امان ؟

وحضرتك تعرف سعر الهاي لاين حوالي قد ايه

اسفه اسئلتي كتيره بس معنديش ادني خبره فعلا

[J A G U A R]

بتهيالي كده مش هيناسبني ..طيب هي الريو لو جبت الفئه اللي ب 130 الف مش هيبقي فيها امان ؟

وحضرتك تعرف سعر الهاي لاين حوالي قد ايه

اسفه اسئلتي كتيره بس معنديش ادني خبره فعلا

الفئه دى هتلاقى فيها ايرباج 1 للسائق بس
بس التوكيل كان منزل فئه ب 140 تقريبا .. فيها 2 ايرباج و abs +ebd
الهاى لاين هاتبقى 149 او 150 الف

اسئلى براحتك يا فندم

[sara osama]

الفئه دى هتلاقى فيها ايرباج 1 للسائق بس
بس التوكيل كان منزل فئه ب 140 تقريبا .. فيها 2 ايرباج و abs +ebd
الهاى لاين هاتبقى 149 او 150 الف

اسئلى براحتك يا فندم

يعني لو هجيب الهاي لاين هضطر ازود علي ميزانيتي حوالي 20 الف كمان ..حضرتك شايف ان امكانيتها تستاهل المبلغ ده كله فعلا؟؟

ومعلش انا شفت عربيه برده في الرينج بتاعي اللي هو 130 الف اسمها لانسر jt هي دي البومه ؟؟ ودي عربيه كويسه

[Omar Mahmoud]

اجيب ايه طيب في رأي حضرتك؟
المشكله ان من الصعب اني اجيب عربيه وارجع ابدلها قدام شويه ..انا عاوزه اختار عربيه مناسبه من دلوقتي تكمل معايا لبعدين

انا قصدي إن حضرتك لو تقدري تجيبي عربية من اللي الطلب عليهم عالي زي البومة او الصني فحضرتك تتعودي عليهم و وقت البيع مش هتخسري.
بس عموما قطع غيار الجديد كله غالي و الجين 2 كقطع غيار ارخص من الريو لكن توكيل مستواه مقبول بس كعوامل امان دول متوفرين في ال301 و الجين 2 من اول فئة.إنما الريو انا اعرف إن عوامل الامان متوفرين في اعلي فئة او فئتين+كماليات اكتر لو هايلاين.
الجين 2 رياضية فهي مش هتبقي مناسبة لسواقة البنات علشان هي ناشفة و انشف من الريو.
عيوب التقفيل و مشاكلها اتحلت بشكل كبير يعني موديلات 2014 تقريبا مفيهاش مشاكل خاصة بالتقفيل لكن الكيا و البيجو افضل منها في التقفيل و الخامات.

[sara osama]

انا قصدي إن حضرتك لو تقدري تجيبي عربية من اللي الطلب عليهم عالي زي البومة او الصني فحضرتك تتعودي عليهم و وقت البيع مش هتخسري.
بس عموما قطع غيار الجديد كله غالي و الجين 2 كقطع غيار ارخص من الريو لكن توكيل مستواه مقبول بس كعوامل امان دول متوفرين في ال301 و الجين 2 من اول فئة.إنما الريو انا اعرف إن عوامل الامان متوفرين في اعلي فئة او فئتين+كماليات اكتر لو هايلاين.
الجين 2 رياضية فهي مش هتبقي مناسبة لسواقة البنات علشان هي ناشفة و انشف من الريو.
عيوب التقفيل و مشاكلها اتحلت بشكل كبير يعني موديلات 2014 تقريبا مفيهاش مشاكل خاصة بالتقفيل لكن الكيا و البيجو افضل منها في التقفيل و الخامات.

شكرا علي المساعده يا فندم

[Ahmed abdkarim]

حضرتك مقلتيش اهم حاجه وهى انتى عاوزه ايه من العربية يعنى حتكون عربية عائلية ولا عربية للاستخدام الشخصى عربية رياضية لزوم السحب والشد وكده ولا عربية عاليه عن الارض و قوية

ثانيا هل ممكن مستعمل ولا جديد بس

لو مستعمل فى حاجات كتير ممكن تجيبيها بالسعر ده

اما افضل سيارة فى range السعر ده فى رأى هى ميتسوبيشى لانسر EX
تقريبا سعرها فى حدود 135 جديدة

عربية ثابته موتورها الجديد حلو جدا . عالية عن الارض واسعه و متينة تكيفها ممتاز
حجمها كبير .

انا ليا رأى تانى ان لو حضرتك كش محتاجه كل الامكانيات دى و حتسوقى لوحدك وحضرتك بنت ممكن توفرى كل ده وتجيبى حاجه اقل من كده . فيرنا او لانوس مثلا .

[Land_Cruiser]

لو ينفع تزودي شويه ممكن اللانسر شارك ex دي اختيار كويس و بدأت تنتشر بقالها فتره خاصه بعد ما الفئات اللي زيها سعر طلع جامد مره واحده و ممكن حضرتك تشوفي مواضيع كتير عنها في قسم الميتسوبيشي.

في برضه قريب من الرينج ده تويوتا ياريس لو عايزه حجم اصغر من الشارك ممكن تتفرجى عليها