اشتري ايه؟!

[sara osama]

حضرتك مقلتيش اهم حاجه وهى انتى عاوزه ايه من العربية يعنى حتكون عربية عائلية ولا عربية للاستخدام الشخصى عربية رياضية لزوم السحب والشد وكده ولا عربية عاليه عن الارض و قوية

ثانيا هل ممكن مستعمل ولا جديد بس

لو مستعمل فى حاجات كتير ممكن تجيبيها بالسعر ده

اما افضل سيارة فى range السعر ده فى رأى هى ميتسوبيشى لانسر EX
تقريبا سعرها فى حدود 135 جديدة

عربية ثابته موتورها الجديد حلو جدا . عالية عن الارض واسعه و متينة تكيفها ممتاز
حجمها كبير .

انا ليا رأى تانى ان لو حضرتك كش محتاجه كل الامكانيات دى و حتسوقى لوحدك وحضرتك بنت ممكن توفرى كل ده وتجيبى حاجه اقل من كده . فيرنا او لانوس مثلا .

محتاجها للاستخدام العائلي ..بالنسبه للمستعمل انا معنجيش اي خبره بصراحه وخوفت من موضوع المستعمل ده

طيب بالنسبه للانسر ex ايه اخبار الصيانه وقطع الغيار والبنزين ؟

[sara osama]

لو ينفع تزودي شويه ممكن اللانسر شارك ex دي اختيار كويس و بدأت تنتشر بقالها فتره خاصه بعد ما الفئات اللي زيها سعر طلع جامد مره واحده و ممكن حضرتك تشوفي مواضيع كتير عنها في قسم الميتسوبيشي.

في برضه قريب من الرينج ده تويوتا ياريس لو عايزه حجم اصغر من الشارك ممكن تتفرجى عليها

انا متشكره جدا لحضرتك ..هضيف الشارك لاختياراتي ان شاء الله

[J A G U A R]

يعني لو هجيب الهاي لاين هضطر ازود علي ميزانيتي حوالي 20 الف كمان ..حضرتك شايف ان امكانيتها تستاهل المبلغ ده كله فعلا؟؟
لو شايفه ان الكماليات الزياده اللى فى الهاى لاين محتاجاها ومهمه يبقى الفرق يستاهل
انما لو ملهمش لزمه ومجرد كماليات على الفاضى يبقى بلاش الهاى لاين
ومعلش انا شفت عربيه برده في الرينج بتاعي اللي هو 130 الف اسمها لانسر jt هي دي البومه ؟؟ ودي عربيه كويسه
اه هيا البومه

عربيه طبعا معروفه كويس واعتماديه ومفيهاش عيوب جوهريه
بس تكنولوجى وشكل قديم

[ahmedalaahosny]

اول مرة تسوقى يبقى خسارة انك تشترى زيرو حرام الصيانات اصلا لواحدها ف اغلب الجديد ان مكنش كله غاليه فما بالك بان انا النهارده رفرف بكره اكصدام بعده حته تانيه اللى بيتعلم بيبهدل العربيه جامد على مابيتدى يتعود على انه ياخد باله من ابعاد العربيه كويس واصلا وبم ان السوق عندنا بيخسف بتمن العربيه الزيرو بس بتاع 10 الاف اول ماتركب نمر مش هنقول اتخبطت او اترشت انا شايف انك تجيبلك لانسر اوتوماتيك وبعد ماتبقى باذن الله سواقه درجه اولى اشترى زيرو براحتك وكده كده اللانسر مابتخسرش ف اعاده البيع و بتتباع هوا يعنى يوم ماهتزهقى منها هتبيعيها بخساره بسيطه يادوب الصيانات اللى هتعمليها والترخيص

[drcobra]

ريو شكل واعتمادية وقطع غيار وصيانة وتوفير بنزين

[denjouan83]

Shark gamila . Bs b7sha regaly .. mmkn yaris mo7trma w shick w toyota ybany .. lw htzwdy mmkn honda city 2013.

[dreslam]

زيرو وبس..........
ضيفي سوزوكي سويفت الجديده سواء الهاتش باك او "الديزاير" اللي بشنطه عشان حضرتك دي اللي فيها كل اللي طلبتيه من حيث الامان وقطع الغيار ومعمره وخلافه

[S O P H O S]

الريو لو بوسائل امان لو منفعش يبقي الجين
مع ملاحظة التوكيل وقطع الغيار
ولو المبلغ هيزيد هيبقي بدل الريو هاي لاين في الكروز
او الشارك والمقارنة هتختلف