سعر المستعمل

[mohamed ismail]

سعر السيارات المستعملة في مصر يعتبر من الأعاجيب. كل واحد بيبيع بمزاجه. ويحدد السعر علي هواه. يعني فيه اخ فاضل عامل تقرير جميل عن نزوله يوم السوق يشوف الأسعار تسمع منه أعاجيب في أسعار السيارات المستعملة في المحروسة. لا يوجد ضابط ولا رابط في تحديد السعر انا شخصيا صعقت من معظم الأسعار لأني مش متابع المستعمل في مصر. في امريكا علي سبيل المثال الحكاية دي ليها ضوابط . في مواقع علي النت أشهرهم. Kelley blue book (KBB) ده فيه قائمه بكل السيارات الموجوده بتدخله الموديل ويسألك شويه حاجات عن العربية وكمالياتها وبعدين يحدد لك رينج السعر والحالة يعني يقولك الممتاز من العربية دي يبقي سعره في حدود كذا والجيد كذا والمعقول كذلك . ال KBB دلوقتي يعتبر حجة للفصال يعني واحد يقولك العربية بكذا تقوله لا ده ال KBB بتاعها عامل كذا وتطبع له صفحه ال KBB او ترسل ها له إيميل. وعموما قبل ما حد بيعرض عربيه للبيع بيبص علي الKBB الاول ويحط هامش للفصال ويعرضها . مهو مش معقول عربيه بتجري علي وش الاض بقالها اكتر من ١٥ سنه وبيطلب فيها اكتر من نص تمنها الزيرو. السؤال بقه هل ممكن نلاقي حاجة زي كده في مصر. وهل ممكن نائل موتورز الرائد في مجاله حاليا يتبني مشروع زي ده. هو مشروع كبير وهايخد شغل ومجهود ووقت علي ما الناس تاخد عليه بس هيبقي نقله في سوق المستعمل في مصر.

[hesham fawzy h]

موضوووووووع ممتاز جدا ... و لو حد عرف يعملو هيبقى جامد جدا و من احلى المواقع فى مصر

[gade2]

فكره رائعه جدا مستر محمد

[S O P H O S]

فكرة كويسة بصراحة

[amoor89]

فكرة ممتازة جدا لكن قبل متتنفذ لازم نعدم كل التجار فى مصر الأول عشان هما اللى وصلونا لكده

[mohamed ismail]

فكرة ممتازة جدا لكن قبل متتنفذ لازم نعدم كل التجار فى مصر الأول عشان هما اللى وصلونا لكده

أعتقد لما تلاقي مرجع للسعر والناس تبدأ تتمسك بيه هتلاقي التجار يرضخوا.
يا ريت حد من إدارة المنتدي يقولنا ايه امكانيه مشروع زي ده

[Zing0]

و لا فى الأحلام
فيه تجار ميعرفوش يعنى ايه نت أساساً
هتطبعله ورقه هيقولك بلها و اشرب ميتها
و هيجيله مشترى برضو ميعرفش يعنى ايه نت أساساً و يشتريها بالسعر اللى هو عاوزه