مقارنة بين بروتون برسونا و نيسان صني ex

[biboo]

ايهم افضل ؟؟؟؟؟؟

بروتون برسونا 2014 اوتوماتيك و لا نيسان صني 2014 ex اوتوماتيك

هما الاتنين في حدود 115000

[Omar Mahmoud]

إحتياجاتك من العربية؟؟؟؟؟

[biboo]

هي لوالدي يروح بيها الشغل او السفر للمنصورة هو عايز حاجه تريحه

[hesham fawzy h]

ممكن يشوف كمان اتراج

علشان لا افضل السيارتين

[Omar Mahmoud]

هي لوالدي يروح بيها الشغل او السفر للمنصورة هو عايز حاجه تريحه

ثبات البيرسونا
الوسع الداخلي و الشنطة للصني واسعة بطريقة غبية
التقفيل مش كويس في الاتنين و خصوصا الصني
إستهلاك البنزين الصني
عوامل امان زي بعض
كماليات تقريبا زي بعض يزيد بلوتوث في الصني بس مش فاكر في الex و لا الsuper saloon
قطع الغيار للبيرسونا منتشرة جديد و استيراد معرفش الصني ظروفها ايه
الصني في كذا عضو في المنتدي كان عندهم مشاكل و عملوا حوادث بعربياتهم
الكلام ده للصني الشكل الجديد لو القديم فالقديمة تتفوق في إنتشار قطع الغيار لكنها اضيق و شنطة اوسع و إستهلاك البنزين اعلي و اعتقد عوامل الامان مش موجودة في الشكل القديم.

[S O P H O S]

طيب ما تشوف اوبترا شكل قديم
بعد ما قالوا انها بقي فيها وسائل امان

[J A G U A R]

عايز حاجه تريحك وبتاعه سفر يبقى اوبترا شكل قديم

[hesham fawzy h]

اوبترا فعلا حلوة وافضل من الاتنييين بكتييير

[eng.m7md.ali]

اوبترا فعلا حلوة وافضل من الاتنييين بكتييير

افضل كتير ليه ممكن حضرتك توضح؟؟ اصلي بدور علي عربية ومحتار

والاوبترا مفيهاش abs فيها ايرباج واحدة بس

[hesham fawzy h]

افضل كتير ليه ممكن حضرتك توضح؟؟ اصلي بدور علي عربية ومحتار

والاوبترا مفيهاش abs فيها ايرباج واحدة بس

انا كانت معايا بس بعتها ... بس و الله من احلى العربيات الى ركبتها فى حياتى .
واسعة جدا من جوة .. شكل جميل من برة (دى ازواق) .. ثبات على الطريق .. فراملها حلوة رغم انها مفهاش abs.
هى مشكاتها الوحيدة الى كانت عندى و سمعتو من كذا واحد مشاكل فى دورة التبريد ..


الصنى الجديدة .. تحس ان هى ورق و من جوة مش مريحة تحس انك مدايق و انت قاعد .. اوكر البيبان من الداخل اصلا مستفزة تحس انها هتتكسر فى ايدك .. غير المشاكل الى سمعناها هنا.
البيرسونا ..انا عمرى مدفع فلوس فى عربية سواء كانت صينى ماليزى او اى شئ من هذا القبيل .. و لو فكرت اجيب بيرسونا او جين 2 هجبها من بلدها بتعديل .. بتبقى خرافة علشان عندهم مهتمين بالعربية دى اوى .

و بالتوفيق ان شاء الله

[ahmzd]

ما زالت معي أوبترا شكل قديم ، مميزاتها واسعة ، ثابتة ع الطريق ، موتور وفتيس زي الفل ، أما عيوبها فتكييفها بيشتغل بكفاءة ساعتين متصلتين ثم يقلب مروحة لوحده ، مفيش وسائل أمان خالص وإن كانت فعلا فراملها كويسة وثباتها حلو .

[hesham fawzy h]

ما هى وسائل الامان ؟

اير باج ، abs بس

[eng.m7md.ali]

انا كانت معايا بس بعتها ... بس و الله من احلى العربيات الى ركبتها فى حياتى .
واسعة جدا من جوة .. شكل جميل من برة (دى ازواق) .. ثبات على الطريق .. فراملها حلوة رغم انها مفهاش abs.
هى مشكاتها الوحيدة الى كانت عندى و سمعتو من كذا واحد مشاكل فى دورة التبريد ..


الصنى الجديدة .. تحس ان هى ورق و من جوة مش مريحة تحس انك مدايق و انت قاعد .. اوكر البيبان من الداخل اصلا مستفزة تحس انها هتتكسر فى ايدك .. غير المشاكل الى سمعناها هنا.
البيرسونا ..انا عمرى مدفع فلوس فى عربية سواء كانت صينى ماليزى او اى شئ من هذا القبيل .. و لو فكرت اجيب بيرسونا او جين 2 هجبها من بلدها بتعديل .. بتبقى خرافة علشان عندهم مهتمين بالعربية دى اوى .

و بالتوفيق ان شاء الله

حضرتك بردو ما افدتنيش .. ماهي المميزات دي موجودة واكتر في البيرسونا او الجين2 .. + ان فيها 2 ايرباج وabs +ebd ومالتي فانشن وايموبلايزر وصاج اقوى وشكل احلى

هو عمتاً اللي عايز تعديل بروتون بيعدل هو بنفسه احسن عشان يضمن وليها سكك كتير في التعديل وكنت اعرف 2 معاهم جين2 4wd .. موتور ايفو 7 .. ده غير اللي معاهم مسقطين ال 2400 مايفك

[J A G U A R]

افضل كتير ليه ممكن حضرتك توضح؟؟ اصلي بدور علي عربية ومحتار

والاوبترا مفيهاش abs فيها ايرباج واحدة بس

افضل فى حاجات كتير والكلام على البيرسونا والجين 2

التقفيل والخامات الداخليه
سهوله الصيانه وتوافر قطع الغيار واعاده البيع
الوسع الداخلى والشنطه
استهلاك البنزين
السحب وقوه الماتور تحت سرعه 100
الدهان الخارجى للعربيه
العزل

الشكل اذواق ومش هاتكلم وادقق فيه رغم ان البروتون شكلها غبى وكنز وكفايه شكل الدريكسيون اللى عامل زى عربيات الملاهى

اعتقد كده مفضلش حاجه للبروتون سواء بيرسونا او جين 2 بتتفوق فيها غير وسائل الامان رغم وجود ايرباج فى الاوبترا والصاج والسحب فوق 100

ممكن بقى حضرتك تقولى البروتون افضل فى ايه علشان سمعت انها حلوه وبفكر اجيبها برضه
علشان ملاحظ حضرتك مبتحبش الاوبترا :)
يمكن علشان هيا افضل من البروتون :)

[hesham fawzy h]

ههههههههههههههههه