110000-160000

[dr.mohamed a]

انا عارف ان رينج السعر واسع اوى وبرغم كده مش لاقى حاجة مستقر عليها 100%
اولا انا عايز حاجة هاتش باك
فكرت فى كيا سول بس لقيت الفئة ديت مفهاش abs
ريو هايلاين بس اللى ضايقنى فيها انها مش بتسيب مطب الا وبتحك فيه
ابيزا لقيت الفتيس dsg ومش محتاج اقول عنه حاجة
جراند بونتو كويسه جدا بس توكيلها وصيانه ضايعين
جين2 فئه اقل من كل اللى فات تقريبا
ايه رايكم ؟ ايه العيب اللى اقدر استحمله فى العربيات اللى فاتت ديت ؟
معلش طولت عليكم
العربية للاستخدام الخفيف مش لازم وسع او شنطه المهم راحة فى السواقه

[max13]

فورد فيستا او نيسان تيدا وممكن تعلى شوية وتشوف تويوتا اوريس

[dr.mohamed a]

فورد فيستا او نيسان تيدا وممكن تعلى شوية وتشوف تويوتا اوريس

صعب اوى اوصل للتويوتا انا اخرى بجد ال 160000
فيستا الفئة اللى فى حدود السعر اللى قولته لحضرتك كويسه ؟
تيدا رغم انها تحفه لاكن برضه اغلى من اللى معايا

[DEVIL333]

سيراتو

[max13]

بص الفورد مع واحد صاحبى وبيشكر فيها جدا انا معنديش تفاصيل عنها كتير ممكن حضرتك تشوفها على الطبيعة وتستفسر عنها والتيدا ب 165 مش بعيدة اوى

[dr.mohamed a]

سيراتو

للاسف انا عندى مزاج بالهاتش باك مش بحب السيدان خالص ^_^

[dr.mohamed a]

بص الفورد مع واحد صاحبى وبيشكر فيها جدا انا معنديش تفاصيل عنها كتير ممكن حضرتك تشوفها على الطبيعة وتستفسر عنها والتيدا ب 165 مش بعيدة اوى

المشكله انى مش بلاقى حد معاه فيستا اطلاقا ولا بلاقيها فى المعارض اصلا كل المعلومات عنها من ع النت دنا اصلا مستغلى السول ال ب 157 :D بس اللى كان شددنى ليها ارتفاعها تحس انها مينى جيب كده بس فيه ناس كتير قالولى متجبش حاجة من غير abs
شكلى بقى هستقر ع الريو واحاسب من المطبات
شكرا كتير لوقتك

[max13]

لو معاك لحد 160 حرام تركب ريو . استنى ودور تانى واكيد فى ناس كتير فى المنتدى هتساعدك

[mhkorayem]

اوعى تجيب حاجه غير السول
وسيبك من حوار الـ abs يعني اللي راكبين عربيات من غيروا حصلهم ايه يعني طالما انت استخدامك خفيف يعني مش بتاع جري وغرز والشغل الفاضي ده يبقى الـ abs مش شيء شديد الاهميه اوي اللي تسيب علشانه السول عشان تجيب ريو

[dr.mohamed a]

اوعى تجيب حاجه غير السول
وسيبك من حوار الـ abs يعني اللي راكبين عربيات من غيروا حصلهم ايه يعني طالما انت استخدامك خفيف يعني مش بتاع جري وغرز والشغل الفاضي ده يبقى الـ abs مش شيء شديد الاهميه اوي اللي تسيب علشانه السول عشان تجيب ريو

الصراحه كنت عايز حد يقولى الكلمتين اللى انت قولتهم
انا عمال اقنع فى نفسى بقالى شهر انى ابعد عن السول :d ومش عارف
واللى مضايقنى ان الريو مش رخيصه اطلاقا والفرق بينها وبين السول اى كلام انا اصلا استخدامى ميسمحش انى اعدى 100 بالكتير لان مفيش طرق سريعه وكده
وارتفاع السول مغرى +الموديل الجديد خرافى
شكرا ع النصيحه وربنا يقدم اللى فيه الخير

[S O P H O S]

طالما مقتنع بالعربية ومش بتجري بزيادة
يبقي السول والريو اكيد اقل فرأي منها

[dr.mohamed a]

تمام ان شاء الله وهروح اشوفهم تانى برضه فى المعرض واقرر

[Omar Mahmoud]

اولا لا تتنازل عن الabs في اي عربية في جامعة الدول علي سرعة لا تتعدي خمسين كيلو متر عربية اوبترا فرملت عادي نص علي رمل و النص التاني علي الاسفلت الاوبترا عرضت و كانت هتطير اتنين راكبين موتوسيكل
الجين 2 مش فئة اقل من الفيستا و الريو البونتو بالعكس هي اعلي منهم
انا هتكلم عن عيوب الجين 2:التابلوه بلاستيك-في عيوب تقفيل بسيطة(سنتر يعلق لمبة تعلق)-من ورة مش واسعة اوي زي اللوجان و مش ضيقة-التوكيل متوسط لا هو ممتاز و لا هو ضايع احسن من منصور مثلا-إعادة البيع مش كويسة اوي و إن كانت بتتحسن دلوقتي-إنتشار قطع الغيار اقل من الياباني و الكوري زي كتير من عربيات البلد.
المميزات:قطع غيارها منتشرة و في موضوع مثبت في قسم بروتون عن العناوين-عوامل الامان اساسية-ثبات و تسارع ممتازين-فرامل جيدة.
موقع what car بيتكلم عن كل عربية من دول بالتفصيل الممل في كل حاجة.
عموما لو عايز عربية للإستخدام الخفيف الريو ممتازة.

[eng.m7md.ali]

اوعى تجيب حاجه غير السول
وسيبك من حوار الـ abs يعني اللي راكبين عربيات من غيروا حصلهم ايه يعني طالما انت استخدامك خفيف يعني مش بتاع جري وغرز والشغل الفاضي ده يبقى الـ abs مش شيء شديد الاهميه اوي اللي تسيب علشانه السول عشان تجيب ريو

مع احترامي لحضرتك .. ال abs مهم جداً في مصر

حضرتك عندك الشوارع نصها اكياس زبالة والنص التاني رمل وتراب .. لو ماشي على ال 50 العربية ممكن تعوم منك او تزحف بسبب الفرامل العادية ..

معلومة مهمة : ال abs مبيزودش قوة الفرامل يعني سواء بتجري وبتشد وعرز وبتاع مش هيفرق وجود ال abs ولا لا الا لو كنت من النوع المتهور اوي

[J A G U A R]

شوف السول
او الريو هاتشباك ب 138 تقريبا ونازله 2ايرباج و abs
وبعد كده عندك الجين 2