مقارنه من حيث الوسع ؟؟

[sherifgamal91]

السلام عليكم

يا جماعه كنت عايز اشتري عربيه ف رينج لا يزيد عن 132 الف زيروووو ولقيت كذا عربيه ومش عارف اختار بينهم
" اكسنت / صني /لانسر بومه /ريو /301 بيجو" طبعا كلهم 2014


بس يشترط ف العربيه الاتي...

1- اوتوماتيك
2- الوسع الداخلي...يعني تقعد 3 ف الكرسي اللي ورا مرتاحين..خصوصا اننا بنسافر كتير
3- الارتفاع عن الارض "عشان بسوق ف الصعيد كتير وما ادراك مطبات الصعيد شكلها ايه :d

مشكوووورين مقدما :)

[drcobra]

اعتقد 301

[Land_Cruiser]

خللي بال حضرتك بس ان في اعتبارات تانيه كتير لازم تفكر فيها قبل الوسع زي الاعتماديه و توافر مراكز الصيانه و قله المشاكل و استهلاك البنزين مثلا لانك مش هتستفيد بأوسع واحده لو فيها عيبوب او مشاكل في حين ان ممكن تبقي حاجه تانيه مش اوسع حاجه لكن هي متوسطه و في نفس الوقت مش ضيقه انما فيها اغلبيه المزايا اللي بتدور عليها. التنبيه البسيط ده علشان الموضوع يبقي مفيد لحضرتك في الاختيار و اعتقد ان ده اللي بتدور عليه لان مقاسات اي عربيه بتبقي مكتوبه بالمللي و كمان حجم الشنطه باللتر فالموضوع مش صعب و حتي لو كنت محتار علشان مثلا ممكن تبقي حجم الكراسي كبيره فبتخللي العربيه ضيقه ده سهل تتاكد منه لو روحت معرض و قعدت فيها انما بقيه المواصفات و اراء الناس بناء علي التجربه الفعليه هو ده اللي ممكن الاعضاء يفيدوا حضرتك اكتر فيه و بالتوفيق ان شاء الله لما فيه الخير

[lionhmada]

انا معايا رينو لوجان الشكل القديم مريحاني في الثلاثة دول اتوماتيك ووسع داخلي وشنطة و انا من الصعيد ( الاقصر ) العربية عالية عن الارض مفتكرش لحد دلوقتي انها حكت في اي مطب ايا كان ارتفاعه

[max13]

بص هجبلك من الاخر . كل اللى انت عايزه موجود فى لانسر شارك . وسع داخلى , ثبات على سرعات عالية. مرتفعة جدا عن الارض. قوة موتور واعتمادية

[J A G U A R]

حدد اولوياتك من العربيه علشان نقدر نساعدك اكتر

[S O P H O S]

بص هجبلك من الاخر . كل اللى انت عايزه موجود فى لانسر شارك . وسع داخلى , ثبات على سرعات عالية. مرتفعة جدا عن الارض. قوة موتور واعتمادية

معاك
بس الشارك اول فئة بكام

[tarek zedan]

٣٠١ طبعا