اوسع صالون داخلى في السيارات 1600 المنتشره بمصر

[madoo]

انا معالك يا madoo انها فكر جديد بس فعلا شكلها مش محبوب مش معنى دا انها مكروهه لا قصدى انها مش محبوبه من اغلبيه المشتريين وفكر وبص حواليك نادر لما تلاقى حد بيحبها
انا برضه مش مقتنع بشكلها بس احييك على موقفك الثابت منها وان مفيش حد عرف يكرهك فيها
وشكرا على مرورك

أ.ميدو
اولا اهلا بيك

الكلام اللى انت بتقوله على الماتيريا دا اه انا ممكن اكون معاك بس دا كان زمان من سنتين وعند بدايه ظهور العربيه دى ماكنش كره قد ماكان استغراب
انما دلوقتى صدقنى اكتر الناس اللى كانت بتكرها بقت واقعه فى حبها اولهم صاحبتى ومعظم صحابى

وبعدين كفايه لو العربيه دى واقفه او معديه فى مكان بتلفت كل الانظار ليها وبيبقوا عاوزين يقربوا منها ويدخلوا جواها لشكل مثير للضحك ازاى بقى بتقول كره
وحتى الناس الكبيره فى السن ومنهم والدى والدتى لما عرضت العربيه عليهم علشان ان شاء الله ناوى اشتريهال قريب اوى( ادعيلى) عجبهم اوى 1_انها يابانى 100%
2_وسعها الداخلى الرهيب
3_كماليتها وامانها
4_شكلها المناسب لفئات عمريه مختلفه

والله العظيم ماتحيز ليها لانى ناوى عليها

قرب من العربيه واركبها وانسا انك كارها وعيد تفكريك فيها وانا متأكد انك هترجع هنا وتقول كلام تانى عنها

وفى الاول والاخر شكرا ليك وعلى اهتمامك بردودى

[mohmdd55]

انت كنت ممكن تحط الواجا فى المقارنه
ولو انت عاوز تشترى عربيه منهم
ارشحلك الواجا 2

[medo_2060]

أ.ميدو
اولا اهلا بيك

الكلام اللى انت بتقوله على الماتيريا دا اه انا ممكن اكون معاك بس دا كان زمان من سنتين وعند بدايه ظهور العربيه دى ماكنش كره قد ماكان استغراب
انما دلوقتى صدقنى اكتر الناس اللى كانت بتكرها بقت واقعه فى حبها اولهم صاحبتى ومعظم صحابى

وبعدين كفايه لو العربيه دى واقفه او معديه فى مكان بتلفت كل الانظار ليها وبيبقوا عاوزين يقربوا منها ويدخلوا جواها لشكل مثير للضحك ازاى بقى بتقول كره
وحتى الناس الكبيره فى السن ومنهم والدى والدتى لما عرضت العربيه عليهم علشان ان شاء الله ناوى اشتريهال قريب اوى( ادعيلى) عجبهم اوى 1_انها يابانى 100%
2_وسعها الداخلى الرهيب
3_كماليتها وامانها
4_شكلها المناسب لفئات عمريه مختلفه

والله العظيم ماتحيز ليها لانى ناوى عليها

قرب من العربيه واركبها وانسا انك كارها وعيد تفكريك فيها وانا متأكد انك هترجع هنا وتقول كلام تانى عنها

وفى الاول والاخر شكرا ليك وعلى اهتمامك بردودى

ماشى يا madoo شكلك مدمن الماتيريا دى عموما انا هادعيلك تشتريها بس ابقى ادينى لفه عشان اجربها واقتنع بيها
وشكرا لمتابعتك الموضوع

[medo_2060]

انت كنت ممكن تحط الواجا فى المقارنه
ولو انت عاوز تشترى عربيه منهم
ارشحلك الواجا 2

الواجا عربيه محترمه بس ياريت لو حد من ملاكها او حد ركبها يقولنا هى واسعه ولا لا
وشكرا على مرورك

[bassam nagy]

الماتريكس ياجماعة واسعة من جوة اوى

[HAZOMAL]

انتوا نسيتوا النوبيرا

فعلا النوبيرا من اوسع الصالونات

[Dr. Elsaadani]

شوف انتى عارف التيدا كويس

وقلت لو حطيتها الكل حيختارها

ولو بتدور بجد على العربية الواسعة

يبقى اسال ضميرك وهو حيدلك

[ahmedfd]

مقارنة بين التيدا و الإلنترا و الكورولا و السيفيك و فيهم الأبعاد الداخلية و الخارجية:

http://autos.aol.com/cars-compare?cur_page=details&v1=USB80HYC021A0&v2=USB80NIC101A0&v3=USB90TOC041D0&v4=USB90HOC021A0&v5=USB90MIC101B0

و واضح فيها إن الإلنترا أكبر حجم داخلي و أكبر حجم شنطة..
أنا كنت قلت في مداخلتي السابقة إن حجم السيفيك الداخلي أكبر سنة بسيطة من الإلنترا بس واضح إني كنت حاسب غلط...
على العموم الفروق مش كبيرة...

[ahmad--ezzat]

هيا النوبيرا مش 1600 ولا اية؟

[محمد ابراهيم 1]

أعتقد الماتريكس أوسعهم
بس على حساب الشنطه

[wael_adel31]

الأوبترا والالنترا نفس الوسع من جوه تقريبا 95%
وبما انى راكب أوبترا فبقولك بعلو صوتى ::
الماتيريـــــــــــــــــــــــــــــــا أوسع

[wael_adel31]

بس خد بالك ان الشنطة تنساها فى الماتيريا

[madoo]

بس خد بالك ان الشنطة تنساها فى الماتيريا

على فكرة مش صح الكلام ده

الماتيريا فيها حوار انك تقدم او تأخر الكنبه اللى ورا على حساب الشنطه
ولو انت جايب اضيق حاجه فى الشنطه بردة معقوله اوى اوى صدقنى مش هتحتاج زيادة عن كدة

[essamostafa]

السلام عليكم ورحمة الله وبركاته
استغربت قوي من موضوع وسع الماتريكس ده. بس الصراحة هيه مش واسعه خالص وفي رايي قاعدتها مش مريحة اطلاقا. وانا بأيد كتير الماتيريا في موضوع الوسع ده لاني انا لما ركبتها وبصيت عليها في المعرض اتوهمت الصراحة من الوسع تحس انك مش داخل عربيه تحس انك داخل اوضه وتوهمت اكتر لما رجعت الكرسي اللي قدام لاخره وقعدت في الكنبة اللي ورا وكنت قاعد مرتاح جدا (انا اللي عمري ماعرفت اقعد مرتاح في الكنبة الورانية بتاعة اي عربية (طولي 200سم)) وانا شايف ان شكلها الخارجي مش سئ للدرجة دي. انا عن نفسي لولا الميزانية بتاعتي اللي اقصاها 80000 كنت روحت حجزتها و جيبتها من زمان بس ربك لما يريد.
واخيرا لولا اختلاف الاذواق لبارت السلع

[ouba2]

شيفروليه اوبترا