كورولا 2015 و لا بيجو 3008

[beshoyyy]

تحياتي للجميع
محتار بين الكورولا 2015 و بين البيجو 3008
مع العلم ان بقطع في اليوم مش اقل من 120 كم
شكرا

[م أحمد]

اعرف ان موتور ال3008 هو موتور ال 508 163 حصان اقوى من الكورولا بكتير
ال3008 عالية عن الارض

فى المقابل الكورولا عربية بياعة و عليت عن الموديلات اللى قبل كدة

[Ammpage]

قبل ما اشتري ٣٠٠٨ كنت حاجز الكورولا ٢٠١٤ هاي لاين بالاوفر برايس وكنت علي وشك الاستلام ، بالصدفة لقيتها مع زميل بالعمل وسوقتها براحتي وبصراحة ماستريحتش خالص لا في ارتفاع العربية عن الارض ولا في قعدتها بشكل عام ، علي الرغم ان لما قريت مواصفات العربية أعجبت بيها جدا ،
بعد ذلك لغيت الحجز وملقتش حاجة اشتريتها بنفس المبلغ عن اقتناع ، الي ان وجدت ٣٠٠٨ في اباظة الغردقة وكان في حجز تست درايف ، واختارتها بدون تردد هي تستحق كل قرش مدفوع فيها ،
يكفي وضعية الجلوس المريحة ، ومتعة القيادة بالماتور التربو ١٦٣ حصان مع الثبات العالي في اي مناورة ، مع كابينة داخلية فخمة بتصميم يثير الإعجاب مصنوعة من خامات عالية .
حاولت ان انقل تجربتي لك ، ونصيحتي لازم قبل ما تشتري اي عربية تعمل تست درايف كويس ومهم جدا اقتناعك الداخلي .
طبعا جانب اخر قطع الغيار الشائع عن البيجو انها أغلي ، وهذا خطأ ، عن تجربة البيجو ٣٠٠٨ او حتي ٥٠٨ أرخص كقطع غيار من الكورولا وده محتاج منك ترجع للتوكيلين في الأسعار ( عن قطع الغيار الأصلية من التوكيل )
بالتوفيق في الاختيار ، وتحياتي لك .

[J A G U A R]

الكورولا عربيه اعتماديه وبتاعه سفر وبهدله

[S O P H O S]

الكورولا الانسب مش هقول الافضل

[beshoyyy]

تحياتي للجميع
شكرا علي المشاركة بس انا سمعت ان البيجو مشكلتها انها عاوزة بنزين 95
هل دة صح ام اشاعة
شكرا

[م أحمد]

تحياتي للجميع
شكرا علي المشاركة بس انا سمعت ان البيجو مشكلتها انها عاوزة بنزين 95
هل دة صح ام اشاعة
شكرا

ال508 ذات نفسها بالموتور التربو بتشتغل ب92

وقصة الاعتمادية دى لا تناقش مع العربيات الزيرو

[swimmer25]

الكورولا إعتمادية وموفرة أكتر في البنزين وأحسن في إعادة البيع
ال 3008 موتور أقوي والعربية أعلي وأتقل من الكورولا وأوسع والخامات أحسن
الإختيار ليك

[swimmer25]

في المنافسة معاهم: كيا سبورتاج - هيونداي ix35 - هوندا سيفيك

[beshoyyy]

كورولا تكسب

[eslamegm]

طبعا بيجو 3008

[chef]

والله انا شايف الاشيك بيجو 3008 من ناحيه كل حاجه ؟ بس فى الاعتماديه واعاده البيع والمضمونه الكورولا خصوصاا فى السفر وصيانتها فى كل مكان واعاده البيع وانت مستريح ؟ شوف انت عاوز شكل ولا عاوز اعتماد وحاجه مضمونه متتعبكش ؟ القرار ليك

[melouk1]

البيجو طبعااااااً

يا باشا مفيش مقارنة أصلاً
البيجو تكنولوجيا رهيبة متفوقة عن التويوتا بسنين و فخامة رهيبة
و كفايه فرق ٤٠ حصان !!!!!
و الفخامة من جوة
و قطع غيار ارخص
ناقص ايه تاني
كفايه شكل الكورلا العجيب الغريب من ورا !!!!

[eslamegm]

بيجو 3008 او 508

[beckhamomo]

ال 3008 احسن بكتير في الخامات والثبات والموتور والصالون والشكل وقطع الغيار ومبتستهلكش بنزين كتير انا معاية ورقة بقطع الغيار بتاعتها هحاول اكتبهملك قريب لان الورقة في العربية