نتيجة مقارنة الفوكاس و الشارك2014 بصورة عددية

[drengine]

يا جماعة انا اخر مرة كنت بعمل مقارنة بين الشارك و الفوكاس و كنت قولت اني هحاول احول الموضوع لارقام و اشوف النتيجة.
بعد تجميع داتا كتييييييييييييييير و محاول الوصول لافضل النتائج و تحويل جميع الارقام الى اعداد ده كانت نتيجة المقارنه - لو حد عنده اي استفسار الارقام ده جت منين يقولي - بقى بس اتاكد من الاسعارمن التوكيلين.
او في اسعار حاجة غلط او فيه حاجة تانية بتستهلك و بتصرف يرات يقول
ومستني رايك - لاني بجد حبيت العربيتين دول جدا و الواحد لو معاه فلوس كان جاب الاتنين - اختيار صعب جدا -الاتنين حلويين -بل يكادوا يكونوا الافضل

[2CODE]

فوكاس طبعاً ومن غير المقارنات دي كمان ولا تتعب نفسك من التفكير :)

[J A G U A R]

مفيش مقارنه طبعا
وزى ما هو واضح الشارك افضل فى الصيانه وقطع الغيار

[Ammpage]

رأي الفوكاس بدون تردد ، بس لو مش هيفرق معاك سعر اعادة البيع .

[drengine]

اتو جميل عامل نظام اعادة بيع بسعر اعلى من السوق اعتقد انه بيعمل سوق يحافظ فيه على سعر العربية و كمان اعتقد انه لما بيمسك توكيل عربية بيظبطه جامد

[melouk1]

من امتى الميتسوبيشي تتقارن بالفورد
في ايه بالظبط لا حول ولا قوة الا بالله
اركب فوكس ٢٠٠٤ و اركب لانسر ٢٠٠٤
هتعرف ان اللانسر لعبة
اركب الزيرو هنا و هنا
هتعرف ان الفوكس متقدمة بسنين !!!!!

[S O P H O S]

بردوا شايف الشارك الاختيار الوسط
بيعدا عن مسألة الافضلية

[drengine]

ليه هي الاختيار الوسط - انا شاف من المقارنة انه تقريبا كده المصاريف زي بعض و مش هنقول ان غالبا حاجة الاروبي هترخص عشان تطبيق الاتفاقية بتاعة اروبا من اول السنة - انما عند نفس المصاريف اداء اعلى و راحة وثبات و متعة قيادة و اعتمادية على المدى الطويل و توكيل افضل
اللانسر بقى فيها ايه يخليها تفضل عن الفوكاس - انا عايز حاجة فعلا اقول انا اخترت العربية عشان ده