نيسان قشقاي 2015 الشكل الجديد و لا هيونداي ix35 ??

[AhmedFaMo]

السلام عليكم و رحمة الله و بركاتة
عايز اسأل هي نيسان قشقاي 2015 الشكل الجديد و لا هيونداي ix35 2015 احسن؟ انا محتار بين الاتنين بصراحة بس عاجبنى القشقاي الشكل الجديد بس خايف تيجي مصر هنا غير منا شايف و خصوصا انها لسه هتنزل شهر 11 و الهيونداي 2015 موجودة دلوقتي استني القشقاي ولا اعمل ايه؟!! :D

[Hosam_Optrawy]

دى مقارنه إفتراضيه عشان لسه مش معروف هاتنزل بأوبشنز إيه وبكام وموتور تربو ولا عادى

الوضع الحالي القاشقاى ملهاش الا موتور بنزين واحد , 1200 سى سى تربو , ومانيوال فقط لسه مانزلش أوتو

لو نزلت بالتربو الموتور دا 115 حصان 190 نيوتن تسارع المانيوال في 10.9 ثانيه

ال ix35 موتور 135 حصان 165 نيوتن تسارع المانيوال 11.1 ثانيه

التسارع تقريبا واحد لكن الفرق ان القاشقاى موتورها تربو وعزمها بيبدأ من 2000 Rpm يعنى تحت رجلك بإستمرار مش محتاج تضغط جامد عشان توصل لأقصى عزم , لكن في المقابل غالبا هاتحتاج بنزين 95 عشان تاخد كامل قوتها وبال 92 الأداء هايقل

ال ix35 فتيس اوتو عادى تبترونيك 6 سرعات , القاشقاى لو نزلت اوتو هاتكون CVT زى معظم عربيات نيسان

التعليق الخلفى في صالح ال ix35 لإنها Multi-Link لكن القاشقاى الجديده Twist-Beam

الأمان الإتنين واخدين 5 نجوم في ال EuroNCAP

الوزن تقريبا واحد , والحجم تقريبا بقى واحد لأن الشكل الجديد من القاشقاى بقى أكبر وأوسع وحتى الشنطه بقت 430 لتر , ال ix35 شنطتها 465 لتر , المعاينه عالطبيعه هي اللى هاتحكم مين أوسع وأكبر لكن الفروق هاتكون بسيطه لأنهم متقاربين جدا

الشكل الحديث لصالح القاشقاى , ال ix35 هاتتغير في خلال سنه

متوسط إستهلاك البنزين لصالح القاشقاى

التقفيل - الخامات - الأوبشنز - السعر , كل دا لسه مش معروف

[AhmedFaMo]

دى مقارنه إفتراضيه عشان لسه مش معروف هاتنزل بأوبشنز إيه وبكام وموتور تربو ولا عادى

الوضع الحالي القاشقاى ملهاش الا موتور بنزين واحد , 1200 سى سى تربو , ومانيوال فقط لسه مانزلش أوتو

ل

الموتور نازل فيه تربو 1200 دا على كلام ناس من التوكيل و كمان انا كان معايا القشقاي الشكل القديم كانت اوتو.. بس كدا المؤشرات شكلها رايحة فى اتجاه القشقاي تاني :d

[Ahmed Khafagy]

تقرير مختصر عن IX 35 Full Loaded الفئة الاعلى ..
املك السيارة منذ عام .. وهذه ملاحظاتي ووجهة نظري في السيارة في منتهى الامانة وبتأكيد اصدقاء لي تم تجربة السيارة من خلالهم للرغبة في شراء IX 35 ..

1- الشكل العام للسيارة .. جيد جدا
2- العفشة .. جيده جدا
3- الإضاءة الداخلية والخارجية .. جيده جدا
4- الكلاكس .. الصوت ضعيف وغير مناسب لحجم السيارة
6- المساحة الداخلية للركاب والشنطة .. جيده جدا
7- كونسول الميديا .. جيد ( كنت افضل ان يكون الكونسول DVD باللمس )
8- المقاعد ومساند الرأس .. فاخرة
9- التكييف .. جيد جدا ( علما بأنه لا يوجد خرج للمقاعد الخلفية ولكن الفتحات الامامية كافية للتوزيع لمساحة السيارة .. بشهادة الجالسين بالمقاعد الخلفية )
10- كونسول القيادة .. جيد جدا
11- استهلاك البنزين .. جيد جدا
12- الثبات .. جيد جدا ( طريق السخنة الغردقة .. تم الوصول الى سرعة 180 كم .. وكانت هذه اقصى سرعة للسيارة .. بمعنى الضغط الكامل على دواسة البنزين .. علما بأن اقصى سرعة للسيارة هى 220 كم .. وبالرجوع للتوكيل افادوا بأن هذه السرعة فعلا هى اقصى سرعة للأمان .. ولكن للوصول للسرعة 220 كم .. يوجد قطعة من الجلد اسفل دواسة البنزين يمكن نزعها .. ولكن على مسئوليتك )
13- اوبشن السيارة .. جيدة جدا ( وكنت اتمنى ان يكون هناك ماكينة الرفع للزجاج وايضا غلق الابواب أوتوماتيكيا عند تشغيل السيارة والعكس Center Lock .
14- بالنسبة لوضع التربو .. وهو زيادة السرعة بشكل لحظي لتخطي سيارة ما .. لم يكن واضح بالنسبة لي .. وبالرجوع للتوكيل .. افادوا بأن وضع التربو هو تحويل عصا الفتيس من الوضع الاوتوماتيك الى الوضع الرياضي ( اليدوي 6 سرعات ) وتحريك العصا الى الوضع السالب ( الاسفل ) .. وبصراحة لم يتم تجربة هذا الوضع حتى الان ؟؟؟

هذه وجهة نظري الشخصية .. اما بالنسبة للسيارات الأخرى .. الله اعلم

مع تحياتي

[Omar Sarray]

بص انت اختار اما سوبرتاج او قشقاى احسلك وربك المستعان

[Ahmed Khafagy]

تحديث ..

تقرير مختصر عن IX 35 Full Loaded الفئة الاعلى ..

املك السيارة منذ عام .. وهذه ملاحظاتي ووجهة نظري في السيارة في منتهى الامانة وبتأكيد اصدقاء لي تم تجربة السيارة من خلالهم للرغبة في شراء IX 35 ..

1- الشكل العام للسيارة .. جيد جدا
2- العفشة .. جيده جدا
3- الإضاءة الداخلية والخارجية .. جيده جدا
4- الكلاكس .. الصوت ضعيف وغير مناسب لحجم السيارة
6- المساحة الداخلية للركاب والشنطة .. جيده جدا
7- كونسول الميديا .. جيد ( كنت افضل ان يكون الكونسول DVD باللمس )
8- المقاعد ومساند الرأس .. فاخرة
9- التكييف .. جيد جدا ( علما بأنه لا يوجد خرج للمقاعد الخلفية ولكن الفتحات الامامية كافية للتوزيع لمساحة السيارة .. بشهادة الجالسين بالمقاعد الخلفية )
10- كونسول القيادة .. جيد جدا
11- كاميرا خلفية .. ممتازة
12- مثبت سرعة
13- مرايات كهربائية خارجية قابلة للطي
14- مراية كهربائية داخلية للتعتيم
15- جنوط سبور 17
16- التشغيل باللمس
17- المفتاح الذكي
18- استهلاك البنزين .. جيد جدا
19- الثبات .. جيد جدا ( طريق السخنة الغردقة .. تم الوصول الى سرعة 180 كم .. وكانت هذه اقصى سرعة للسيارة .. بمعنى الضغط الكامل على دواسة البنزين .. علما بأن اقصى سرعة للسيارة هى 220 كم .. وبالرجوع للتوكيل افادوا بأن هذه السرعة فعلا هى اقصى سرعة للأمان .. ولكن للوصول للسرعة 220 كم .. يوجد قطعة من الجلد اسفل دواسة البنزين يمكن نزعها .. ولكن على مسئوليتك )
20- اوبشن السيارة .. جيدة جدا ( وكنت اتمنى ان يكون هناك ماكينة الرفع للزجاج وايضا غلق الابواب أوتوماتيكيا عند تشغيل السيارة والعكس Center Lock .
21- بالنسبة لوضع التربو .. وهو زيادة السرعة بشكل لحظي لتخطي سيارة ما .. لم يكن واضح بالنسبة لي .. وبالرجوع للتوكيل .. افادوا بأن وضع التربو هو تحويل عصا الفتيس من الوضع الاوتوماتيك الى الوضع الرياضي ( اليدوي 6 سرعات ) وتحريك العصا الى الوضع السالب ( الاسفل ) .. وبصراحة لم يتم تجربة هذا الوضع حتى الان ؟؟؟

هذه وجهة نظري الشخصية .. اما بالنسبة للسيارات الأخرى .. الله اعلم

مع تحياتي ..

[Omar Sarray]

يارب يكون اخترت وحده منهم الأنسب والإصلح ليك