عربية فى حدود 200000

[semsem7222]

عاوز عربية فى حدود 200000 زيرو اهم حاجة عفشة ناعمة ووسائل امان كويسة وقطع غيار متوفرة طبعا وعالية متحكش فى المطبات مستنى نصايحكم وتجاربكم ورايكم فى سوبارو xv واخبار وكيلها ابو غالى اية والعربية دى فيها مشاكل

[msenosy]

رينو فلوانس

[drcobra]

سبورتاج

[abokoko]

حضرتك ضمن المطلوب ق4طع غيار متوفره
ده مش هينطبق على السوبارو

[hesham fawzy h]

شارك اخر فئة و مش هتندم

[hesham fawzy h]

شارك اخر فئة

[J A G U A R]

كورولا
استرا
فلوانس

[eslamsubaru]

حضرتك ضمن المطلوب ق4طع غيار متوفره
ده مش هينطبق على السوبارو

قطع غيار السوبارو متوفرة بالتوكيل كلها مفيش قطع مش متوفرة .. و مفتكرش حد هيجيب عربية ب 200000 ج و هيروح يعملها صيانة فى اى مكان غير التوكيل و يدور على قطع غيار استيراد لعربية زيرو ب 200000 ..

عموما ال اكس فى عربية محترمة جدا : موتور ناعم جدا + عفشة عالية و ناعمة و رياضية فى نفس الوقت + طبعا نظام دفع رباعى فى عربية SUV مش موجود فى اى عربية فى فئتها و ده بيديها ميزة مهمة جدا الا و هى الثبات الرهيب بالنسبة لعربية عالية عن الأرض ( مفيش عربية suv تضاهيها فى ثباتها حتى فالألمانى و عن تجارب كتييييير بنفسى و على تجارب مقارنات على النت ).
بالنسبة لتوكيل ابو غالى : من افضل التوكيلات بمصر ( طبعا مفيش توكيل محترم 100% بمصر نهائى بس فيه توكيلات تقدر تتعامل معاها و انت مطمئن على الأقل ان عربيتك هتتصان صح و مش هتتغش فى حاجة و هتتعامل باحترام و ده من اهم مميزات ابو غالى زيه زى توكيل بي ام و مرسيدس)
بالنسبة لمشاكل : مفيش مشاكل ظهرت فالعربية حتى الأن : كان فيه ناس اشتكت من ان لمبة التحذير بتاعة سخونة زيت الفتيس بتنور لو مشى كتير على سرعات فوق ال 160 و ده لمبة تحذير معمولة علشان متقرص على الزيت لأنه زيت مدى الحياة يعنى مبيتغيرش . بس فيه ناس بتحب تجرى و تقرص جامد على سرعات فوق 160 و عليه التوكيل بعت لليابان و تم الرد بتركيب سربنتينة اضافية لزيادة التبريد وقت القيادة على سرعة فوق ال 160 لمدة تزيد عن 20 دقيقة و ده للمحافظة على كفائة الزيت و بالتالى لا تحتاج لتغيره الا على 100000 كم ( ده فى حالة الناس اللى بتسوق علطول فوق ال 160 علطول انما لو سواقة عادية يعنى بتجيب 140 - 150 و مش علطول الزيت مبيتغيرش مدى الحياة .. و برضه علشان محدش يقولك ده مشكلة ( احب اطمنك انه مفيش اى مشكلة ظهرت فى اى فتيس و العربية عاملة مع ناس 100000 و اكتر و مفيش اى مشكلة ..

[mido_soliman]

سيدان
كورولا او استرا والافضليه للاسترا ف التقفيل والصالون الداخلي وافضليه الكورولا ف العزل والنعومه ف صوت الموتور والعفشه انعم سنه بسيطه

[ahmedfathi]

200 الف يبقى كروس اوفر
وكروس اوفر يعنى سبورتاج او قشقاى

[S O P H O S]

سبورتاج لو سيدان ممكن كورولا