ستروينc5 & بيجو 3008 & كورولا هاي لاين

[eslamegm]

السلام عليكم ورحمة الله وبركاته
كل سنه و انتم طيبين
انا في حيرة شديده من امري منذ فترة في شراء سياره في رنج 220000 المهم بعد بحث و تمحيص و تجربه ركوب لسيارات عديد استقرت علي 3 موديلات بيجو 3008 و ستروينc5 و كرولا هاي لاين انا تعمدت اعمل الموضوع هنا علشان انا مش عارف حد يفيدني في الحيرة دي ........ أتمنى ان اجد النصح منكم جزاكم الله خيرا و كل عام و انتم بخير

[eslamegm]

يا شباب مافيش اي رد خالص

[abou-yahia]

المقارنه ملخبطه شويه

العربيه c5 في الاصل عربيه سيدان وتقريبا هيا والبيجو 508 مفهمش تغيير

العربيه 3008 اعتقد بتشترك مع 508 و c5 في الموتور والفتيس
وهي اقرب لانها تكون suv

الكورولا لاسباب كتير اقلها ان القدره الحصانيه تظلمها انك تحطها في المقلرنه ديه

الكورولا اكثرهم اعتماديه ده المفترض

Sent from my SM-N900 using Forum Runner

[abou-yahia]

عربيه ركوبه ناعمه وقويه تبقه c5

بس تكاليف التشغيل واعاده البيع لازم تعرف انهم غير الكورولا

Sent from my SM-N900 using Forum Runner

[K.Ossama]

الكورولا مش مكانها هنا
أما الفرق بين الc5 و 3008 فى فرق الركوبة والاستخدام.
3008 عربية أعلى ومساحات التخزين اكتر. عربية عائلية. ابعادها أصغر شوية وأقل شياكة من السيتروين
الc5 عربية شيك أوى و برستيج وناعمة جداً. عيبها الوحيد عز العرب مش على طول جاهز واه حركات نص كم كتير.

[eslamegm]

انا ضيفت الكرولا علشان نفس الفئة السعرية و يعني انتوا شيفين انه افضل البيجو 3008 و لا c5

[K.Ossama]

القرار لازم يبقى قرارك يا باشا
على حسب الإحتياجات والأولويات

[eng.m7md.ali]

للاسف الفئة السعرية حكمت عليك تحط الكرولا معاهم مع انها اقلهم بكتير واقل في الفئة كمان

[J A G U A R]

المقارنه غريبه
حدد اولوياتك علشان تعرف تختار

[S O P H O S]

الكورولا مع السي 5 مش متناسبة

[shadyelba]

يا ترى جبت حاجة ولا لسة

لو لسة و عايز SUV

نصيحتى ليك:
- لو مش فارق معاك اعادة البيع و شوية التوكيل عايز الباقى يبقى 3008
- لو مش فارق التوكيل و اعادة البيع و عايز الموتور و القوة سبارو xv
- لو مش فارق قوة المتور و السحب وعايز كل المميزات سبورتاج


لو عايز سيدان

نصيحتى ليك:
- لو مش فارق معاك اعادة البيع و شوية التوكيل عايز الباقى يبقى 508
- لو فارق التوكيل و اعادة البيع كورولا