عربية كروس أوفر

[nasserawadalla]

السلام عليكم
بعد 6 سنين كورولا قررت أجيب عربية صالونها أوسع و بعد تفكير قررت أجيب عربية كروس أوفر قلقي من موضوع الموتور و السحب
محتار بين بيجو 3008 و و كيا سبورتاج و ix 35 و سوبارو xv
موضوع سعر إعادة البيع لا أهتم به ﻷني ناوي العربية تطول معايا بإذن الله
فياريت لو حد يساعدني في الإختيارات و كل سنة و أنتم طيبين

[احمد فهمى]

النيسان جوك افضل من كل ما سبق واعلى تكنولوجيا لكن يشوبها صغر الصالون والشنطه ولو الاختيار مما سبق اولا ابعد عن البيجو ثانياً لو بتدور على كماليات كده القشقاى خرجت من المقارنه اختيارك هيكون بين السبورتج وهيونداى يفضل تركبهم الاتنين وتشوف اى كماليات انسبلك وراحتك النفسيه وبالتوفيق وكل سنه وانت طيب..

[drengine]

سوبارو xv

[ENG.MaRk]

لو مش سوبارو xv يبقي بيجو 2008

[nasserawadalla]

مشكورين على الرد سبب تغيير الكورولا الولاد كبروا و بنسافر كتير فمحتاج صالون و شنطة أوسع
ناس حذرتني من الكوري مش حارتاح فيه بعد التويوتا فاﻷفضل أوروبي أو ياباني
الكروس أوفر بالنسبالي لأني محتاج عربية عائلية و عالية
و طبعاً مش عايز توكيل يتعبني معاه

[J A G U A R]

توكيل البيجو والسوبارو مش هايريحوك
السبورتاج توكيلها كويس وعربيه كويسه

[eslamegm]

بدون تفكير البيجو 3008 كل الكوري مالوش لازمه يعني ايه ادفع 200000 او اكثر في كيا او هيونداي ......... علشان تبقي مقتنع روح اركب دي و دي و قارن بينهم و انت هاتفهم كلامي
لما تركب البيجو ستشعر بالفخامة و جوده التقفيل و وسه داخلي رائع

[Omar Mahmoud]

سوبارو xv
بس إعادة البيع واقعة و إنتشار قطع الغيار مش اوي
النيسان جوك صالون و شنطة مشفتش اضيق منهم

[م أحمد]

البيجو 3008 نفس موتور ال508
163 حصان مش فى ولا عربية اتقالت لغاية دلوقتى

و احسن حاجة مادام هتدفع مبلغ مش شوية تروح تعاين العربيات على الطبيعية و تشوف انت مستريح لايه

[Ammpage]

نصيحة حاول تعمل تست درايف للعربية اللي هتشتريها ، رأي الخاص كمالك للبيجو ٣٠٠٨ قيمتها تظهر عند قيادتها ، فعلا تستحق ثمنها .

[nasserawadalla]

أنا شفت الكيا سبورتاج على الطبيعة ما شاء الله عليها
فاضل الهيوندايix-35 و البيجو 3008
مش عارف لو فضلت الحيرة شكلي حاروح للتويوتا 2015 تاني

[Dr_Smart]

ماتبص على suzuki s-cross هي لسه نازله وما انتشرتش بس ممكن تعملها test drive بنفسك في التوكيل

[S O P H O S]

فراي سبورتاج او السوبارو

[medo-312]

سؤال.. البيجو 3008 فيها ايموبيلايزر وانذار واللا لأ؟؟

[nasserawadalla]

متجه إلى سبورتاج 2014 الفئة الثالثة بإذن الله
دعواتكم