حضراتكم انا في حيرة مابين كام عربية

[tigerman289]

السلام عليكم ورحمة الله وبركاته
حضراتكم انا في حيرة مابين كام عربية وتقريبا في نقس السعر من 165 ل 170 الف

هيواندي النترا هاي لاين
بيجو 2008
تويوتا اوريوس
لانسر الشارك الجديدة

واتمني لو حد يقولي المميزات من العيوب
واتمني لو حد اختار عربية فيهم يقولي سبب اختياره وهل هو عن تجربة ام لانه يقارن ما بين كوري والماني وفرنسي وهكذا

[hesham fawzy h]

شارك

[S O P H O S]

هو حضرتك سألت علي التويوتا بكام ؟

[tigerman289]

لا بصراحة بس انا بجيب اسعار من النت

[tigerman289]

بس انا سألت علي سعر الالنترا 2015 هاي لاين ب 165000 وفي معارض هاتلاقيها اقل بألف او اتنين
والشارك الفئة الهاي لاين بتاعتها ب 169000

[S O P H O S]

اصل فئة السعر بتفرق
يعني 170 يعني لو عاوز كوري فرأي السيراتو
لو عاوز ياباني ومش هينفع توصل للكورولا خليك فالشارك فئة متكنش فاضية وفي الرينو الاختيار الوسط
لو عاوز مزيج بين الكوري والالماني ممكن الكروز او الاسترا لو بتحب الالماني
فالنهاية فئة السعر هي الي هتحدد لو مش مختار عربية تحديدا فلازم تشوف متطلباتك فالعربية ايه
لو اعلي من كده مثلا كفئة سعر المقارنة هتختلف
ورأي فالنهاية متخليش الفلوس هي الحكم فالاختيار اختار الانسب حسب استخدام حضرتك
تحياتي ..

[tigerman289]

طب هشوف الاول التويوتا الاوريوس الهاتش باك ظروفها ايه
طب والالنترا ظروفها ايه في السرعات العالية الثبات بتاعها كويس
انا بردو يهمني الثبات

[ahmzd]

التويوتا أوريس أول فئة تزيد عن 170 ألف وغير منتشرة إطلاقا
رأيي في هذه الفئة السعرية إما فلوانس الفئة الثالثة ( إذا أحببت الحداثة والكماليات ) وإما الشارك أعلى فئة ( كحل عملي )
والله أعلم

[tigerman289]

استاذ احمد ربنا يباركلك
فعلا عرفت ان الاوريوس تزيد عن 170 وانها غير منتشرة يعني لو حبيت اغير هاتعب في بيعها بعد كدا
الفلونس جميلة فعلا بس حضرتك عارف ان قطع غيار الرينو عاليه عموما الفرنساوي قطعة الغيار غالية
الشارك جميلة فعلا بس في بعض الاعضاء اشتكت م التوكيل بتاعها معرفش ليه
والي الان في حيره

[ARKOON]

انا لو هختار اكيد بيجو 2008 .
وبعدين المقارنة دي فئة سعرية بس ! هواايه احتياجات وعاوز ايه من العربية وكدا في اكتر من سؤال عشان تعرف تختار عربيتك .

[ARKOON]

ازاي اختار عربيتي ؟
هتستخدم العربية ازاي ؟ ( سفريات اكتر - داخل البلد - شوارع ممهدة ... )

يعني ممكن كمان الاسئلة دي تنفع :
نوع السيارة كماركة وموديل
انا ايه الى عاوزة من السيارة
كام واحد هيركب معايا السيارة


كام ميزانيتي
هدفع كاش ولا قسط . صرفية البنزين واستهلاكها
البيجو اوربي ومعروف عن الاوربي اقتصادي ( ناس عارفه قيمة البنزين )


ماهي فئة السيارة
يعني ماينفعش نقارن سيدان باسيوفي بكوبيه
يعني كأنك بتقارن برتقال ببرتقال

value for money
مقابل كم دفعت امكانيات قد ايه اخدت

معامل الامن والسلامة
ABS + AIRBAGS

وكيل السيارة
انتشار قطع الغيارت وخدمات ما بعد البيع

عمر السيارة
موديل فيس ليفت صيانتها بعد كام كيلو ( البيجو اول صيانة 2500 )
----
انا بالنسبالي النقطة المهمة value for money .
معلش على عدم نظام النقاط . بس حبيت اوضح ازاي بنختار العربية الى تناسبنا . ونقدر نوفق مابين الى عاوزينه والى محتاجينه فعلا . حد فهم مني حاجة ؟؟ :)

[tigerman289]

تمام
بالنسبة للسفر نقدر نقول من مرتين لتلات مرات في الاسبوع من الاسماعيلية للقاهره
اللي هيركب معايا افضل الاختيار الاسوء وهو انا و تلاته معايا
اللي انا عاوزه من العربية انها تكون ثابته اكيد ع الرغم انا ماليش في السرعات العالية
يعني انا اخري مثلا 120 بس الواحد بيقول ساعات الظروف بتحكمك
انك تسوق بسرعه اكبر بالإضافة للامان اكيد طبعا abs ايرباج لازم
الميزانيه 170 الف
واكيد العربية سيدان
خدمة مابعد البيع تهمني ع الرغم بصراحه انا مش هابيع عربيتي قبل 6 او 7 سنين
يهمني التوكيل بتاعها يكون كويس
والاهم قطع الغيار خارج التوكيل ظروفها ايه؟؟
لاني مش هتعامل مع التوكيل كتير يعني
وتكون اقتصادية في البنزين
_________________________
انا بقيت مشتت مابين الالنترا 2015 هاي لاين
والشارك 2015 هاي لاين علي الرغم في ناس بتقولي اعادة بيعها مش حلوة والتوكيل وقطع غيارها غاليه والعزل بتاعها مش حلو

[ARKOON]

لو هنفكر كإعادة بيع وعربية سيدان وقطع غيارها متوفر وعربية مالية شوارع مصر تبقى مطمن من ناحية قطع الغيار والوكيل بتاعها منتشر في ربوع مصر كمراكز خدمة وصيانات انا شايف ان الانسب لحضرتك الالنترا 2015 هاي لاين . وان شاء الله موفق في إختيارك وانا متابع لو في اي استفسار .

[tigerman289]

ربنا يخلي حضرتك
بس سؤال اخير الثبات بتاعها كويس
يعني اطمن يعني ؟؟

[ARKOON]

حلو الثبات لغاية سرعة 120 المشكلة ان العربيات برا غير عندنا في مصر اللعب زي ما تقول بيسترخصوا في المساعدين وما إلى ذلك . شوف ياباشا كيا سيراتو الجديدة توكيل محترم جدا وعربية ممتازة انصحك بيها , وبلاش إلنترا الجديدة .
وانا متابع معاك .