عايز اشتري عربية شبابي في حدود ٣٥ الف

[Truculent]

الحمد لله ربنا هيتوب عليا من المواصلات و انا رايح الشغل, بس المشكلة مش عازف اختار افكر في ايه و لا اعمل ايه.

انا معايا متاح دلوقتي ٣٥ الف بحد اقصي.

عايز حاجه شبابي انا عندي ٢٣ سنة, و هاركب لوحدي فيها فالحجم مش مهم, فعشان كده بفكر في حاجه حجم صغير و هاتشباك. و بفكر في المستعمل.

حيرتي مابين ايبيزا و بولو و التو بس لو فيه حاجه افضل مفيش مشكلة.

غرضها للذهاب و العودة من الشغل, و فيه ساعات بسافر راس سدر مسافة ١٨٠ كيلو, بس السفر مش اولوية خالص, ممكن اخد الاوبل كورسا بتاعة ابويا و انا مسافر.

انا هشتري في ١٥ نوفمبر فقدمنا وقت نفكر.

[Mohamed_Ayman]

كنت هرشح الألتو علشان فرق الموديل ليس إلا ، بس باقى المزايا فى صالح البولو طبعاً.
ولكن الألتو لا تصلح للسفر ، شوف بولو حالتها كويسة وبالتوفيق.

[Ayman_Amer]

اشتري ألفا روميو 146 بتاعتي أنا عارضها للبيع بس أعلي شوية من 35000ج :)
وبما انك من الجيزة فجنبك اشهر ميكانيكي ليها.

[shiko85]

التو موديل احدث - اقتصاديه فاستهلاك البنزين - قطع غيار ارخص

[Truculent]

التو موديل احدث - اقتصاديه فاستهلاك البنزين - قطع غيار ارخص

تمام, طيب ايه راي حضرتك لو اجيبها زيرو و موديل جديد ادففع ٣٥ الف و الباقي تقسيط؟ و لا لو كده هيبقي فيه اختيارات تانية افضل؟ اصل انا ممكن اجيب حاجة متلا لغاية ٥٠ الف لو ادفع ٣٥ و الباقي تقسيط.

[shiko85]

تمام, طيب ايه راي حضرتك لو اجيبها زيرو و موديل جديد ادففع ٣٥ الف و الباقي تقسيط؟ و لا لو كده هيبقي فيه اختيارات تانية افضل؟ اصل انا ممكن اجيب حاجة متلا لغاية ٥٠ الف لو ادفع ٣٥ و الباقي تقسيط.

هو طبعا الجديد افضل و اريح كتير من المستعمل لكن مفيش زيرو بـ 50 الف غير بعض العربيات فنفس فئه الألتو
اعتقد ان حضرتك تشترى مستعمل التو او ماروتى بالمبلغ ده و ان شاء الله فالمستقبل ربنا يكرمك و تشترى عربيه اكبر و افضل و ساعتها حتى لو اشتريت بالتقسيط ده هيكون احسن لان العربيه الجديده ان شاء الله هتنفعك اكتر (سياره اسره) و مش هتكون محتاج تغيرها بسرعه لكن لو اشتريت دلوقتى التو جديده بالتقسيط فده هيكون عبء عليك حاليا و كده كده هتكون محتاج تغيرها فوقت قريب و تشترى عربيه اكبر و اقوى

[Truculent]

هو طبعا الجديد افضل و اريح كتير من المستعمل لكن مفيش زيرو بـ 50 الف غير بعض العربيات فنفس فئه الألتو
اعتقد ان حضرتك تشترى مستعمل التو او ماروتى بالمبلغ ده و ان شاء الله فالمستقبل ربنا يكرمك و تشترى عربيه اكبر و افضل و ساعتها حتى لو اشتريت بالتقسيط ده هيكون احسن لان العربيه الجديده ان شاء الله هتنفعك اكتر (سياره اسره) و مش هتكون محتاج تغيرها بسرعه لكن لو اشتريت دلوقتى التو جديده بالتقسيط فده هيكون عبء عليك حاليا و كده كده هتكون محتاج تغيرها فوقت قريب و تشترى عربيه اكبر و اقوى

انا كلام حضرتك ده اقنعني جدا و قررت امشي وراه.
بس دلوقتي رجعت مذبذب تاني, جايز عشات قدامي وقت طويل افكر؟ لسه قدامي اسبوعين كمان.
انا من قرايتي الكتيير في قسم السوزوكي, عرفت ان الالتو لازم تبقي موديل ٢٠٠٨ لان الموديلات التانية مش فيها قطع غيار متاحة كتيير, فهل بال ٣٥ الف اعرف اجيب التو ٢٠٠٨ حالة نضيفة؟
و برضه الماروتي انا كنت مستبعدها و بدات ادخلها في الحسبان....
ما ارااك؟ انا عارف اني متعب بس انا مليش في العربيات خالص و لسه اصلا متعلم سواقه من شهرين, و حتي عمري مالعبت need4speed هههههههههه

[smora]

لو معندكش مشاكل مع الصينى بص على دول وهتبقى موديلاتهم حديثه كمان
جيلى باندينو 2010
مينى كوبر صينى 2010
مابل روميو 2010

[amr011111]

هى المفروض التو 2008 تبقى عادى بـ 35 ألف على اساس ان سعرها زيرو كان تقريبا بـ 43 الف بس بعد زيادة الاسعار معرفش الناس بيبعوها بكام دولوقتى

[J A G U A R]

التو مناسبه وعلى فكره بتسافر عادى

[shiko85]

انا كلام حضرتك ده اقنعني جدا و قررت امشي وراه.
بس دلوقتي رجعت مذبذب تاني, جايز عشات قدامي وقت طويل افكر؟ لسه قدامي اسبوعين كمان.
انا من قرايتي الكتيير في قسم السوزوكي, عرفت ان الالتو لازم تبقي موديل ٢٠٠٨ لان الموديلات التانية مش فيها قطع غيار متاحة كتيير, فهل بال ٣٥ الف اعرف اجيب التو ٢٠٠٨ حالة نضيفة؟
و برضه الماروتي انا كنت مستبعدها و بدات ادخلها في الحسبان....
ما ارااك؟ انا عارف اني متعب بس انا مليش في العربيات خالص و لسه اصلا متعلم سواقه من شهرين, و حتي عمري مالعبت need4speed هههههههههه

ههههههههههه
عموما الجزئيه بتاعت التو 2008 فقط اللى متاح لها قطع غيار كتير انا مش عندى معلومه اكيده فالنقطه دى و اكيد ملاك العربيه يعرفوا اكتر منى
الماروتى ظريفه و الأختلاف بنها و بين الألتو مش كبير
عموما دور على الـ 2 و لما تلاقى عربيه سعرها معقول و بحاله جيده نشوف و نختار كلنا و ان شاء الله خير
بس دور على التو اكتر علشان محمد باشا قال ان الالتو مناسبه و بتسافر عادى