رينو لوجان زيرو ولا جراند فيتارا 2007

[gamal fouad]

معروض عليا جراند فيتارا موديل 2007 وحالتها كويسه وبسعر 75 الف ... محتاج اعرف ارائكوا العربيه ديه كويسه ولا لا وايه عيوبها ؟ انا حاجز رينو لوجان بس بفكر الغى الحجز واخد ديه .. ارائكوا ايه ؟

[pioneerahmed]

حالتها كويسة بتعمل من 80 ل 90 قبل هبل الاسعار الى حصل دة
75000 دية يا اما لقطة يا اما فيها مشكلة مستخبية
بس عامة هي احسن بكتير من اللوجان و كفاية انها ياباني بيور
بس هي الكنبة بتاعتها محدش بيعد فيها يعني اعمل حسابك انها 2 كرسي بس

[gamal fouad]

حالتها كويسة بتعمل من 80 ل 90 قبل هبل الاسعار الى حصل دة
75000 دية يا اما لقطة يا اما فيها مشكلة مستخبية
بس عامة هي احسن بكتير من اللوجان و كفاية انها ياباني بيور
بس هي الكنبة بتاعتها محدش بيعد فيها يعني اعمل حسابك انها 2 كرسي بس

بتاعت واحد قريبى وهو ظابطنى فى السعر عشان عارف حدودى عشان اللوجان كنت هجبها قسط اصلا ...
كنبتها صغيره خالص يعنى ؟ وكا اوبشن وموتور وكده احسن من اللوجان ؟

[addohh]

بصراحة يا جماعة انا كمان محتار في أمر العربية الفيتارا مش عارف اذا كانت كويسة والا لأ واخبار الصيانة وقطع الغيار فيها ايه غير اني بلاقي تفاوت رهيب في اسعارها من اول 75000 حتى 110000 لنفس الموديل ونفس السنة حد يفيدنا لو سمحتم

[corsair]

الفيتارا مش منتشرة بالقدر الكافي وقطع غيارها نار

وبيني وبينك اركب 128 زيرو احسن من مرسيدس مستعمله معرفش فيها ايه

[pioneerahmed]

طبعا اوبشن اعلى من اللوجان
بس العربية دي بابين بس و صغيرة
و طالما العربية بتاعة قريبك و مش هيغشك يبقي اتكل على الله

[S O P H O S]

ضامن حالة الجراند اشتري
عندك شك ولو بنسبة خليك فالزيرو اضمن حتي لو فئة اقل
مجرد رأي ..