جراند بونتو - ياريس - جين 2 - نيو اكسنت - مازدا

[smora]

انا عارفه انى دوشتكوا :) بس الحمدلله حاليا انا لقيت كذا حاجه وهروح اكشف عليهم بعد بكره من المجموعه اللى بحبهم

اولا .. فيات جراند بونتو موديل 2009 اتوماتيك ماشيه 120 الف كيلو وبيقول فيها خبطه بسيطه خالص فالاكصدام على 65

ثانيا .. فيات جراند بونتو موديل 2007 ايزى ترونيك مش فاكره ماشيه كام على 63

ثالثا .. ياريس موديل 2007 أوتو ماشيه 170 الف كيلو على 64

رابعا .. جين 2 موديل 2007 كامله اتوماتيك فابريكه دواخل رشه بره نضافه ماشيه 100 الف كيلو على 63

خامسا .. نيو اكسنت موديل 2006 اتوماتيك فابريكه دواخل 260 الف كيلو على 65

سادسا .. مازدا 3 موديل 2007 اتوماتيك كامله بفتحة سقف راشه بره بالكامل وقوايم ومغيره ماتور وفتيس على 65


بيتهيألى كده المازدا دى بره ......

وان شاء الله بعد بكره هروح اشوفهم
ايه رأيكم مين افضلهم ولو انى مياله جدااا للجراند بونتو بعدها جين 2
بس السؤال بقا يكفى ان اخد ميكانيكى معايا عشان اخد قرار فالعربيه ولازم اكشف عليها فى مركز صيانه احسن ؟؟
وياريت لو تقولولى اماكن كويسه للكشف فى مصر الجديده والسواح او شبرا ومدينة نصر ضروورى

[hesham fawzy h]

بص يا باشا انا هحبطك شوية :)

البونتو تقيلة فى البيييييع جدا .. و خاصا ان الاوتوماتك منها سيئ جدا و مشاكلة كتيييير و انصحك بالابتعاد عنها خالص.

الجين2 عربية اول رجل .. يعنى تجبها زيرو افضل

الاكسنت عداد مبالغ فيييية .مستحيييل تجبها.

المازدا انت بنفسك قلت عليها برة الليلة خالص .

اليارس افضلهم طبعا على الرغم من العداد الكبييير برضو .

انا ملاحظ ان حضرتك ميزانيتك من 60:65 فبنصحك تدور على الانترا 2007 من افضل العربيات الى نزلت مصر

[mhkorayem]

بص يا باشا انا هحبطك شوية :)

البونتو تقيلة فى البيييييع جدا .. و خاصا ان الاوتوماتك منها سيئ جدا و مشاكلة كتيييير و انصحك بالابتعاد عنها خالص.

الجين2 عربية اول رجل .. يعنى تجبها زيرو افضل

الاكسنت عداد مبالغ فيييية .مستحيييل تجبها.

المازدا انت بنفسك قلت عليها برة الليلة خالص .

اليارس افضلهم طبعا على الرغم من العداد الكبييير برضو .

انا ملاحظ ان حضرتك ميزانيتك من 60:65 فبنصحك تدور على الانترا 2007 من افضل العربيات الى نزلت مصر

كلام صح الصح
انت قلت اللي كنت عاوز اقوله بالظبط
بس الجين 2 كويسه ممكن تبص عليها والحاله تحكم

[smora]

يجماعه مش ممكن بجد انا كل ما أسألكوا على عربيه تطلعولى فيها القطط الفاطسه كده مش هجيب حاجه اصلا لو مشيت بالمنطق ده
انا بنت وعايزاها لمشاويرى فالشغل وبره الشغل كله جوه المدينه ومشاوير بسيطه يعنى وبردو يكون شكلها شيك وثباتها كويس

[smora]

ولو هفكر بطريقتكوا ان كل حاجه بقا اعادة البيع بتاعها سئ يبقى مفيش غير الفيرنا والفيرنا اسوأ عربيه على الاطلاق من حيث الثبات ومعاملات الامان والهيونداى عموما

[hesham fawzy h]

على العموم البونتو جميلة جدا بس اصرفى عليها قطع غيار الفيتيس كل شوية و اسعار البونتو الى انتى كتباها عالية هى بتلعب فى الخمسينات

[eng.m7md.ali]

انا هتكلم عن اللي اعرفه

في عربيات جين2 في السعر ده وحالة ممتازة مش بس كويسة .. بس اللي هيعرض بالسعر ده هيبقى عايز يبيع بجد مش بيعرض لمجرد ان يشوف هتجيبله كام .. وممكن كمان يبقى عدادها اقل من 70 الف كيلو موديل 2007

اما باقي العربية زي الجراند بونتو لان دي اعتبرها عربية من القايمة اللي موجودة بجانب المازدا والجين2 .. لكن للاسف حالتها مهما كانت كويسة هيتصرف عليها لانها مش بالاعتمادية العالية .. المازدا حلوة جداً بس حضرتك بتقولي انها رشة برة وقوايم ومغيرة موتور وفتيس وده تستبعديه تماماً حضرتك

خلاصة الكلام ان الجين2 هتبقى الاحسن لانها موديل عالي الي حد ما + انك هتلاقي حالات كويسة منها بالسعر ده اما باقي العربيات لو فكرتي بيها تاني يبقى لازم حضرتك تعلي السعر شوية لانها هتبقى متهالكة

[S O P H O S]

الياريس او الجين
بس ياريت الحالة تكون مضمونة والعدادات دي تكون اقل