سؤال لاهل الخبره " توليدو 2015 ام يارس 2015

[lighter]

عندى سؤال و اتمنى الاجابه من اهل الخبره
توليدو مانوال فول اوبشن 145 الف. 1600 cc.
يارس مانوال فول اوبشن 145 الف. 1500cc
انا بفضل العربيه المانوال فى السواقه غير انى بستخدم العربيه 6 شهور فى السنه (طبيعه عملى لانى ببقى مسافر ) و بنبقى استخدام خروج و فسح و سفر انا و اولادى ، فا معنديش مشكله مع الزحمه

[beckhamomo]

التوليدو احسن في الثبات والاداء بس الياريس افضل في اعادة البيع والكلام الفاضي بتاع السوق المصري الي انا شخصيا مبحبهوش وقطع الغيار متفرقش كتير بس الياريس اقل بفرق بسيط من وجهة نظري التوليدو الاختيار الافضل بس يا ريت حد يفيدك اكتر
هاتها اوتوماتيك احسن هتريح دماغك حتي بعد فترة لما تيجي تبيع هيبقي احسن من المانيوال

[ENG.MaRk]

توليدو :)

[Abo fatima]

طبعا توليدو. قياده بنكهة المانيه

[lighter]

شكرا لكل الردود .. بس حد جرب اليارس او التوليدو يفدنا اكتر ...

[borio1704]

هو فكرة إن التويوتا إعادة البيع بتاعها أحسن مش كلام فاضي ولا بتاع السوق المصري بس.

العربية اللي إعادة البيع بتاعها أفضل يعني عربية مش هتتعب معاها

يعني أعطالها قليلة.. يعني لما تعوز قطعة غيار تلاقيها بسهولة... يعني تلاقي أي حد بيفهم فيها ويصلحها ...

شوف كده أي عربية سعر إعادة البيع بتاعها عالي هتلاقي 2 من ال3 حاجات دي على الأقل موجودين فيها..

بس ده مالوش دعوة بأداء العربية ولا ثباتها.

باختصار... لو بتدور على تجربة سواقة حلوة.. روح على التوليدو.

لو بتدور على راحة البال... روح على التويوتا.


...

[S O P H O S]

فكرت فالهوندا سيتي ؟

[lighter]

هو فكرة إن التويوتا إعادة البيع بتاعها أحسن مش كلام فاضي ولا بتاع السوق المصري بس.

العربية اللي إعادة البيع بتاعها أفضل يعني عربية مش هتتعب معاها

يعني أعطالها قليلة.. يعني لما تعوز قطعة غيار تلاقيها بسهولة... يعني تلاقي أي حد بيفهم فيها ويصلحها ...

شوف كده أي عربية سعر إعادة البيع بتاعها عالي هتلاقي 2 من ال3 حاجات دي على الأقل موجودين فيها..

بس ده مالوش دعوة بأداء العربية ولا ثباتها.

باختصار... لو بتدور على تجربة سواقة حلوة.. روح على التوليدو.

لو بتدور على راحة البال... روح على التويوتا.


...

شكرا للاهتمام ..... بس انت حيرتنى اكتر اولا لانى من هواه السواقه ( بحب تجربه السواقه تكون حلوه ) و علشان كده بميل للمينوال و ثانيا ان انا مبحبش اشيل هم حاجه يعنى بدور على راح البال ...

[lighter]

فكرت فالهوندا سيتي ؟

السيتى بتلعب من ١٦٠الى ١٨٠ و قطع غياره قليله الادب

[Abo Hur]

السيتى بتلعب من ١٦٠الى ١٨٠ و قطع غياره قليله الادب

قليلة الأدب إزاى يعنى؟أسعار قطع غيارها تقارب أسعار قطع غيار عربيات كتير مع الأخذ فى الأعتبار أنها معمره.

[lighter]

قليلة الأدب إزاى يعنى؟أسعار قطع غيارها تقارب أسعار قطع غيار عربيات كتير مع الأخذ فى الأعتبار أنها معمره.

انا اسف اذا كنت اساءت استخدم اللفظ للتعبير عن اسعار قطع الغيار المرتفعه بس القصه ان لى صديق كان معاة هوندا سيفك و كان دام المعناه مع اسعار قطع الغيار فترك عندى خلفيه مش كويسه عن غلو قطع غيار عربيات الهوندا بس دا ميمنعش انه كان برده بيشكر فيها و قوه المحرك و سحبها الممتاز ...

[Abo Hur]

انا اسف اذا كنت اساءت استخدم اللفظ للتعبير عن اسعار قطع الغيار المرتفعه بس القصه ان لى صديق كان معاة هوندا سيفك و كان دام المعناه مع اسعار قطع الغيار فترك عندى خلفيه مش كويسه عن غلو قطع غيار عربيات الهوندا بس دا ميمنعش انه كان برده بيشكر فيها و قوه المحرك و سحبها الممتاز ...

أنا فاهم قصدك يا فندم،أنا بقول حتى لو الأسعار غاليه اوى كده فده عشان هيا معمره.

[borio1704]

شكرا للاهتمام ..... بس انت حيرتنى اكتر اولا لانى من هواه السواقه ( بحب تجربه السواقه تكون حلوه ) و علشان كده بميل للمينوال و ثانيا ان انا مبحبش اشيل هم حاجه يعنى بدور على راح البال ...

تجربة السواقة الحلوة مش معناها إنك تسوق مانيوال... ولو إني معاك إن ليها متعة خاصة.

تجربة السواقة الحلوة معناها إنك تقدر تعمل بالعربية حاجات مش كل الناس تقدر تعملها.. وأكتر الناس بتترجم الكلام ده في قدرة ثبات عالية وتحكم في المواقف الصعبة... طبعا ده بالإضافة إلى تجاوب عالي من موتور العربية.

اليارس معروف إنها عربية للمدينة... بمعنى إنها مصممة بحيث تديك راحة في القيادة قبل ما تكون بتديك ثبات كويس..

التوليدو.. وبحكم إنها عربية إسبانية بتصميم وتكنولوجيا ألمانية... فيفترض فيها إن ثباتها أعلى... خصوصا إنها مبنية على نفس هيكل الفولزفاجن بولو.. ومتشاركة معاها كمان السكودا رابيد.


أنا أتوقع إن حضرتك مش من هواة الجري بالعربية وعمل حركات من اللي الشباب بيعملوها.


عشان كده اسأل نفسك سؤال صغير...

انهي أحسن لك... تسوق عربية حلوة في السواقة بس ممكن تعمل معاك مشكلة وانت خارج مع الأولاد... ولا تاخد عربية نص نص بس هتبقى ضامن إنك ترجع آخر اليوم مبسوط؟؟

وفي رأيي كمان...

ادفع نفس المبلغ ده وهات كيا ريو هاي لاين...

عربية من نفس الفئة.. ثباتها معقول.. كماليات أعلى .. شكل أظن إنه أحلى.

أو ممكن تروح على الهوندا سيتي بردو.. ودي فعلا عربية ممتازة.



...