ناوى ابيع الماروتى اجيب ايه؟؟

[khaled_yassin]

انا اشتريت عربيه ماروتى من 3 شهور لبنوته . العربيه ناعمه وكويسه جدا لكن المشكله انها خفيفه
هى بتجرى شويه يعنى 110 او 120 وكل مشاويرها على الدائرى فبتخاف وبتحس ان العربيه خفيفه معاها
دلوقتى هيبقى معانا فى حدود 27 او 30 بالكتير اوى
نشترى بدل منها ايه؟؟؟؟وياريت تكون مكيفه لان الماروتى كان مكيفه

[J A G U A R]

ممكن اكسيل او سويفت

هيا الماروتى التكييف اللى فيها ساندن ولا ايه ..

[سمسمه23]

انا كنت بفكر اجيب ماروتى هى موديل كام وحالتها ايه ياريت بالتفصيل وتنصحنى بيها بامانه ولا لا مع العلم ممكن اسافر بيها مرتين او تلاته فى الشهر

[khaled_yassin]

العربيه كويسة جدا بالنسبة لحجمها لو جوه المدينة
ولبنت كويسة جدا جدا ,,, س الى عندى بتحب الجرى وطول مشيها على الدائرى فبتخاف من ان العربيه خفيفه
مع العلم ان الكورى كلوا زيا كده خفيف ,,,, للاسف انا معايا فيرنا بردوا اى عربيه تعدى جنبى بسرعه احس ان عربيتى هتطير
بس بصراحه العربيه حلوه وناعمه وقطع غيارها رخيصه جدا
احنا لسه مش قررنا البيع الوقتى لحد ما نشوف عربيه بديله
اول ما هنوى اكيد هعلن هنا
التكيف ساندن الى فى المعادى ,,, ولو ما بعناش العربيه احتمال اقلبها توماتيك

[Maghraby1987]

ممكن تشرف لادا سمارا او ستروين zx هتلاقيهم في السعر المحدد و عربية كويسه علي الطريق

[khaled_yassin]

عايزين حاجه هاتش باك بفكر فى ابيذا او اوبل كورسا