ix 35 ولا sportage ولا سوبارو xv

[Islam Zaki]

ايه الافضل فى الثلاث سيارات دى هيونداى ix 35 ولا كيا sportage ولا سوبارو xv من حيث كل شىء وهل فى عربية ممكن تدخل معاهم فى الفئة دى

[abdulkhaleq]

ياراجل ياطيب !!
بتقارن السوبارو بالاتنين دول ازاي بس

الكيا والهيونداي هيا هيا نفس كل حاجه

السوبارو غنية عن التعريف طبعا

[demonarundo]

مينفعش تقارن سوبارو بعربيات كورى

[hesham fawzy h]

يا جماعة الراجل اكيد مش بيتكلم عن الاداء

اكيد هو عايز تفاصيل و مقارنات بين

قطع غيار

وكيل

سعر اعادة بيع الخ......


و انا لو هجيب هطلع السوبارو من المنافسة (مش علشان وحشة) لكن مش هعرف ابيعها بعد كدة الا لما اكون خسران فيها كتير غير الهيونداى و الكيا

[svneleven]

أنا ما ركبتش و لا واحدة فيهم. لكن معلوماتي أن ال xv شنطة ضيقة و اعادة بيع مش زي ال كيا و ال هيونداي. طبعا ال سوبارو أقوي و awd و عربية للي بيحب السواقة. و راعي أن سعرها أقل من الاتنين.
ال كيا شكلها أحلي و الهيونداي بشوف أدائها أحسن. أنا جريت مع الاتنين و حسيت ال هيونداي بتأدي أحسن.
أتمني الملاك يفيدو حضرتك لأن للأسف ماليش تجربة شخصية.

[Islam Zaki]

انا لقارن بين الثﻻث عربيات دى ﻷنى مش شايف غيرهم فى نفس الفئة انا عارف ان السوبارو كويسة بس انا بقارن من حيث كل حاجة اداء ثبا وسع اعادة بيع كل حاجة

[Mecha]

سوبارو طبعا تكسبهم
الحاجه الوحيده توفر وسعر قطع الغيار
بس الاعتماديه غنيه عن الوصف مع حسن الاستخدام

[abdulkhaleq]

اخواني الأعزاء

الحديث عن (قطع غيار) و (اعادة بيع) في عربيات زيرو تمنها معدي بقى ضرب من ضروب ال stereotyping اللي كل اللي عمله انه جابنا ورا

ان شاء الله كل العربيات اللي ليها توكيل في مصر كل قطعها موجوده, والفولفو اللي من كام سنه بس مكانش ليها مسمار, دلوقتي بقى ليها توكيل وقطع غيار وكل حاجه

وما أعتقدش يعني ان في حد شاري زيرو هيدور مثلا كمان كام سنه على مساعد استيراد !!!!

العربيات كللها ليها ضمان, والاعمار بيد الله, مين قال اني هعيش 5 سنين اصلا ؟!!! عشان افكر في اعادة بيع ؟ هو انا بشتري لنفسي ولا للناس ؟؟؟

خايف عالفلوس مافيش اجدع من ال 127 واهم كللهم 8 الاف جنيه وخلاص !

وبالنسبة لقطع الغيار واسعار الصيانه, فأعتقد ان (أكذوبة) رخص الصيانه في التوكيل بالنسبه للكوري خلاص اتفقست من زمان ومش معقول لسه ماخلصناش من الهري ده على منتدى سيارات قديم وبالحجم ده

بالطول او بالعرض السوبارو لاتقارن نهائيا بصفائح البلاستيك سواء كيا او هيونداي مع احترامي للجميع !!

[abdulkhaleq]

مشاركه خاطئه

[Islam Zaki]

طيب وبالنسبة لو هيكون معايا وزن تقيل فى العربية شلت فيها حاجات ايه افضل عربية فيهم بالنسبة للحكاية دى

[D.R.Mahmoud]

اخواني الأعزاء

الحديث عن (قطع غيار) و (اعادة بيع) في عربيات زيرو تمنها معدي بقى ضرب من ضروب ال stereotyping اللي كل اللي عمله انه جابنا ورا

ان شاء الله كل العربيات اللي ليها توكيل في مصر كل قطعها موجوده, والفولفو اللي من كام سنه بس مكانش ليها مسمار, دلوقتي بقى ليها توكيل وقطع غيار وكل حاجه

وما أعتقدش يعني ان في حد شاري زيرو هيدور مثلا كمان كام سنه على مساعد استيراد !!!!

العربيات كللها ليها ضمان, والاعمار بيد الله, مين قال اني هعيش 5 سنين اصلا ؟!!! عشان افكر في اعادة بيع ؟ هو انا بشتري لنفسي ولا للناس ؟؟؟

خايف عالفلوس مافيش اجدع من ال 127 واهم كللهم 8 الاف جنيه وخلاص !

وبالنسبة لقطع الغيار واسعار الصيانه, فأعتقد ان (أكذوبة) رخص الصيانه في التوكيل بالنسبه للكوري خلاص اتفقست من زمان ومش معقول لسه ماخلصناش من الهري ده على منتدى سيارات قديم وبالحجم ده

بالطول او بالعرض السوبارو لاتقارن نهائيا بصفائح البلاستيك سواء كيا او هيونداي مع احترامي للجميع !!

السلام عليكم يا استاذ عبد الخالق
احب احيى حضرتك على وجهة نظرك المحترمة بس هو الموضوع من الاخر من وجهة نظرى لية ابعاد كتير يعنى فى واحد زي حضرتك بيقارن بين العربيات على اساس مميزاتها فقط وفى ناس تانيه بتقارن على اساس العيوب فقط وناس تالتة بتمسك العصاية من النص بس فى الاخر اللى بيحكم الموضوع مش مجرد وجهات النظر لاكن الحالة الثقافية والاجتماعية و مستوى المعيشة ودة مشكلة كبيرة طبعا فى مصر يعنى اللى بيكسب فى الشهر الفين جنية بيفكر بطريقة غير اللى بيكسب خمسة غير اللى بيكسب عشرة غير اللى بيكسب عشرين وانا عن نفسى اعرف واحد معرفة كدة بيكسب فالشهر حوالى 300 الف زوجتة كانت رايحة تجيب توسان من معرض فصاحب المعرض قلها خلصت واللة وهنجيب تانى بعد يومين ( يومين يعنى 48 ساعة ) فلقت بيجو 3008 وقفة فقالتلة طب هاتلى دى ,,شفت الدنيا سهلة ازاااااى
الجميل فى المنتدى هنا انة بيضم فئات متعددة من الناس من اول اللى راكب عربية 127 ام 8 الاف جنية لحاد اللى راكب عربية بمليون واتنين وكلة بيقول راية وممكن راى حضرتك يكون اقرب لمتسائل من رايى تبعا لتقارب ظروفكم وممكن رايى يناسب متسائل اخر اكتر من راي حضرتك تبعا لتقارب ظروفنا وكلنا هنا بنتكلم عل سبيل النصيحة
اللى بيزعل فعلا هو التشدد والتعصب للراى واستخدام علامة الاستهجان (!!!!) اكتر من مرة وكأن الناس كلها لازم يفكروا بنفس طريقة التفكير المتعصبة دى لانها صح غصبن عن ظروف اى حد هو كدة ولازم تفكر كدة
يريت كلنا نقول راينا بهدووء وكل واحد بيؤل راى اكيد هلاقى حد ياخد ية بس من غير تعصب

رايى باى فى الموضوع ان السوبارو تجبها لومش فارق معاك تمنها فهى رقم واحد بلا منازع

[gasser72]

انا معايا ix و قبلها كان معايا اسبورتج و رائى الشخصى خد ix و انت مغمض

[abdulkhaleq]

السلام عليكم يا استاذ عبد الخالق
احب احيى حضرتك على وجهة نظرك المحترمة بس هو الموضوع من الاخر من وجهة نظرى لية ابعاد كتير يعنى فى واحد زي حضرتك بيقارن بين العربيات على اساس مميزاتها فقط وفى ناس تانيه بتقارن على اساس العيوب فقط وناس تالتة بتمسك العصاية من النص بس فى الاخر اللى بيحكم الموضوع مش مجرد وجهات النظر لاكن الحالة الثقافية والاجتماعية و مستوى المعيشة ودة مشكلة كبيرة طبعا فى مصر يعنى اللى بيكسب فى الشهر الفين جنية بيفكر بطريقة غير اللى بيكسب خمسة غير اللى بيكسب عشرة غير اللى بيكسب عشرين وانا عن نفسى اعرف واحد معرفة كدة بيكسب فالشهر حوالى 300 الف زوجتة كانت رايحة تجيب توسان من معرض فصاحب المعرض قلها خلصت والله وهنجيب تانى بعد يومين ( يومين يعنى 48 ساعة ) فلقت بيجو 3008 وقفة فقالتلة طب هاتلى دى ,,شفت الدنيا سهلة ازاااااى
الجميل فى المنتدى هنا انة بيضم فئات متعددة من الناس من اول اللى راكب عربية 127 ام 8 الاف جنية لحاد اللى راكب عربية بمليون واتنين وكلة بيقول راية وممكن راى حضرتك يكون اقرب لمتسائل من رايى تبعا لتقارب ظروفكم وممكن رايى يناسب متسائل اخر اكتر من راي حضرتك تبعا لتقارب ظروفنا وكلنا هنا بنتكلم عل سبيل النصيحة
اللى بيزعل فعلا هو التشدد والتعصب للراى واستخدام علامة الاستهجان (!!!!) اكتر من مرة وكأن الناس كلها لازم يفكروا بنفس طريقة التفكير المتعصبة دى لانها صح غصبن عن ظروف اى حد هو كدة ولازم تفكر كدة
يريت كلنا نقول راينا بهدووء وكل واحد بيؤل راى اكيد هلاقى حد ياخد ية بس من غير تعصب

رايى باى فى الموضوع ان السوبارو تجبها لومش فارق معاك تمنها فهى رقم واحد بلا منازع

سيدي الفاضل
رأيي مافيهوش اي اهانه لا متعمده ولا مقصوده لأي شخص فاضل هنا اطلاقااا
وبعتذر لو ممكن يتفهم كده
لكن كلامي فيه تعصب ضد ال stereotyping اللي عمل قيمه لأشياء لاتساوي قيمتها الحقيقيه نتيجة العرض والطلب بناء على 90% اشاعات, 10% حقائق محرّفه او واخده اكبر من حجمها
عشان كده بقول, ان الحديث عن (الاقتصاديه) بيتوقف بعد تعدي شريحه سعريه معينه
مش شرط انى منتمي الى شريحة القادرين عليها, ومش شايف ده ليه علاقه بحكمي على الأمور عموما
اللي بيقارن بين سيارة كذا وكذا عارف سعر الاتنين
اذا هو قادر وربنا يزيدنا جميعا

يبقى الحكم على الأمور من وجهة نظر طالب النصيحه مش وجهة نظري انا, فاهم قصدي؟
يعني ممكن اكون انا راكب عربية ب 10 الاف جنيه, بس اعرف انصح اللي هيشتري عربيتي واللي هيشتري عربيه بمليون

[adel1212]

أنا ما ركبتش و لا واحدة فيهم. لكن معلوماتي أن ال xv شنطة ضيقة و اعادة بيع مش زي ال كيا و ال هيونداي. طبعا ال سوبارو أقوي و awd و عربية للي بيحب السواقة. و راعي أن سعرها أقل من الاتنين.
ال كيا شكلها أحلي و الهيونداي بشوف أدائها أحسن. أنا جريت مع الاتنين و حسيت ال هيونداي بتأدي أحسن.
أتمني الملاك يفيدو حضرتك لأن للأسف ماليش تجربة شخصية.

بدون تفاصيل كتير الكلام ده من الاخر و وجه نظر من ارض الواقع
تحياتي

[Islam Zaki]

شكرا يا جماعة ع الردود , فى واحد قريبى جاب xv هشوفها معاه عاملة ازاى واحكم