بيجو 3008 ام كيا سبورتاج

[eslamegm]

السلام عليكم

[eslamegm]

السلام عليكم اعزائي و اخواني في الله
لقد قررت اني ابيع تريوستي زي ما بحب اسميها و علي فكرة انا بحبها جدا بس للاسف جي وقت التغير و زي ما كان قرار شراء التيريوس بناءا علي نصائح أصدقائي هنا في المنتدي فأنا حابب اني اجد النصح منكم جزاكم الله خيرا في قرار الشراء
انا محتار بين حجتين الكيا اسبورتاج هاي لاين و بيجو 3008
احتيجاتي كالآتي طبعا انا هادفع مبلغ مش صغير و الواحد تعبان في كل قرش فعايز اجيب حاجه فخمه تقفيل جيد اوبشنز كتير يعني عايز ادلع نفسي شويه و اعتماديه علي الطريق يعني لما احب اجري تساعدني و وسائل امان تكون جيده و اهم حاجه الوسع الداخلي لان انا طولي 185 و ووزني كتير حبيتين بحاول اخس المهم تقريبا برجع كرسي اي عربيه بسوقها للاخر و عندي 3 اولاد و زوجتي فبنحتاج الوسع الكويس بصراحه انا وجدت في المنتدي هنا تقارير كتير عن السبورتاج بس مش لاقي حاجه عن ال 3008 كتير بصراحه انا حاسس اني الكوري كتير ادفع فيه المبلغ ده بس اوبشنها مش وحش بس معرفش اخبار الوسع الداخلي ايه
و لا ازود شويه و اجيب البيجو 508 الشكل الجديد انا عارف انها فئه مختلفه سيدان مش كروس اوفر بس عجباني احيانا بحس بصعوبه في ركوب العربيه و الخروج منها بس شكلها تحفه مش عارف مستني رأيكم بجد دماغي وجعتني من كتر التفكير ...... اه لو في اقتراحات تانيه يا ريت تنصحوني جزاكم الله خيراً نفسي قالاقي ردود بجد☺☺

[Batman372]

البيجو ٣٠٠٨ : تصميم احدث و اجمل و تكنولوجى عالى جدا و موتور قوى ١٦٣ حصان ( نفس موتور ال ٥٠٨ ) و خامات داخليه افضل ...
ميزه السبورتاج الوحيده انتشارها الواسع و بالتالى سعر اعاده البيع افضل ... غير كده ال ٣٠٠٨ وش :)
تحياتى ...

[eslamegm]

طيب ماذا عن 508

[Batman372]

طيب ماذا عن 508

هى طبعا فئه مختلفه و لكنها من افضل السيارات فى فئه السيدان المتوسط ...
وتعتبر هى و الاوبل الانسيجنيا افضل/اوفر اختيار بعد المرسيدس السى و البى ام ال ٣ ...
و انا اعطى لل ٥٠٨ افضليه عن الانسيجنيا بحكم انها من ٢٠١٢ و بدون اى مشاكل و قطع غيار و صيانه اوفر ... و الفيس ليفت الجديد تصميم احدث و تكمله لنجاحها فى السوق ...
و من الملاحظ ان كل موديلات بيجو الجديده مثل ٢٠٠٨/٣٠٠٨/٥٠٨/٣٠١ نقله مختلفه تماما عن الماضى ... و حتنافس جدا ...
تحياتى ...

[eslamegm]

ان شاء الله النهارده رايح عند اباظه التجمع اتفرج علي العربيتين 3008 و 508

[eslamegm]

عقلي مع 508 الفئه الثانيه صحيح في فرق حوالي 40000 في السعر بس ممكن يتقسطه و قلبي مع 3008 مش عارف اختار

[ENG.MaRk]

تصدق بمين كنت لسة هقولك روح عند أباظة و اتفرج علي الاتنين و احكم :)
بص يا باشا أنا بطبعي بحب التميز يعني أحب أبقي راكب حاجة الناس مابتشوفهاش كتير زي ال 3008 ... أو ال508 ... بالنسبة لوضع حضرتك أي اختيار من البيجو هيبقي كويس و مرضي ... و مع ذلك أنا أفضل ال508 لأنها مليانة كماليات و مفيش حد ركبها و ماشكرش فيها ... أنا سوقتها 6 أو 7 مرات قبل كدة مش فاكر بس كل مرة بحبها أكتر من الأول ... ال3008 جميلة أوي برضو :)

[Abu Reem]

طيب سؤال

هل ال 3008 موجودة أساسا عند اباظة.؟؟؟

انا كنت ناوي اشتريها بعد مقارنات عديدة ولكن عندما سألت عنها اباظة في شهر 5 و 6 (أي من 4 شهور من الان ) قال لي لم نعد نستوردها..لان الطلب عليها قليل ؟؟؟ وقال لي فكر في 5008 ....

وبعد ما اقتنعت ب 5008 رغم انها 5 راكب وليس 7 مثل ال 3008

قرفني على ما قال لي امتى ممكن استلمها ...حجزتها....وقعدت استنى شهر اثنين 3 ولما زهقت اشتريت فلوانس.....واستلمتها ورخصتها...ولسه التوكيل....ما جابش ال 5008...وفين من شهر كده اتصلوا بيه قالو لي وصلت....قلت لهم...بلوها واشربوا مايتها.....واخدت فلوس الحجز

المشكلة ان التوكيل ...كسلان...وبيدلع........وبالتالي اذا كان هذا يحدث من 5008 والتي هي اكثر انتشارا من 3008 فما بالك بعد الشراء كيف سيكون التصرف اذا احتجت لها قطع غيار او تصليح...وهي بهذا الانتشار الضعيف جدا...

السيارة نفسها لا غبار ليها وكانت الخيار الأول لي....لكن ماذا افعل...مع توكيل....لا يحسن التعامل معها...وهم انفسهم اللي نصحوني بشراء 5008 لان ال 3008 الطلب عليها قليل...؟؟؟ فكيف سيكون الوضع..لو اشتريتها...وبطلوا يستوردوها نهائيا بعد ذلك ؟؟؟؟؟

حبيت أوضح لك ما حدث معي...لعل كلامي يكون به ما يفيدك في اتخاذ القرار

اما الاسبورتاج.....فهي رغم انها سيارة جيدة لكن انا أيضا من الناس اللي تستحرم دفع 265 الف في سيارة كوري..حتى لو حجمها وشكلها حلو...

[ENG.MaRk]

طيب سؤال

هل ال 3008 موجودة أساسا عند اباظة.؟؟؟

انا كنت ناوي اشتريها بعد مقارنات عديدة ولكن عندما سألت عنها اباظة في شهر 5 و 6 (أي من 4 شهور من الان ) قال لي لم نعد نستوردها..لان الطلب عليها قليل ؟؟؟ وقال لي فكر في 5008 ....

وبعد ما اقتنعت ب 5008 رغم انها 5 راكب وليس 7 مثل ال 3008

قرفني على ما قال لي امتى ممكن استلمها ...حجزتها....وقعدت استنى شهر اثنين 3 ولما زهقت اشتريت فلوانس.....واستلمتها ورخصتها...ولسه التوكيل....ما جابش ال 5008...وفين من شهر كده اتصلوا بيه قالو لي وصلت....قلت لهم...بلوها واشربوا مايتها.....واخدت فلوس الحجز

المشكلة ان التوكيل ...كسلان...وبيدلع........وبالتالي اذا كان هذا يحدث من 5008 والتي هي اكثر انتشارا من 3008 فما بالك بعد الشراء كيف سيكون التصرف اذا احتجت لها قطع غيار او تصليح...وهي بهذا الانتشار الضعيف جدا...

السيارة نفسها لا غبار ليها وكانت الخيار الأول لي....لكن ماذا افعل...مع توكيل....لا يحسن التعامل معها...وهم انفسهم اللي نصحوني بشراء 5008 لان ال 3008 الطلب عليها قليل...؟؟؟ فكيف سيكون الوضع..لو اشتريتها...وبطلوا يستوردوها نهائيا بعد ذلك ؟؟؟؟؟

حبيت أوضح لك ما حدث معي...لعل كلامي يكون به ما يفيدك في اتخاذ القرار

اما الاسبورتاج.....فهي رغم انها سيارة جيدة لكن انا أيضا من الناس اللي تستحرم دفع 265 الف في سيارة كوري..حتى لو حجمها وشكلها حلو...

يا باشا أنا كنت عند أباظة التجمع (داون تاون) من أسبوع و شفت ال3008 و ركبتها كمان ... هتلاقيها أول ماتدخل من الباب علي إيدك الشمال ... أخر عربية في الصف جنب الx1 و وراها MG و جنبها Astra hatchback و ياريس سيدان ... هتلاقي ال508 موجودة و جنبها السيتروين c5 و قدامهم أوكتافيا a7 جنبها ألفا روميو جوليتا و اخر حاجة فولفو s80 :)

[Abu Reem]

يا باشا أنا كنت عند أباظة التجمع (داون تاون) من أسبوع و شفت ال3008 و ركبتها كمان ... هتلاقيها أول ماتدخل من الباب علي إيدك الشمال ... أخر عربية في الصف جنب الx1 و وراها mg و جنبها astra hatchback و ياريس سيدان ... هتلاقي ال508 موجودة و جنبها السيتروين c5 و قدامهم أوكتافيا a7 جنبها ألفا روميو جوليتا و اخر حاجة فولفو s80 :)

لحد شهر 7 و 8 أيضا السيارتين لم يكونوا موجودين وهذا من ذكائهم الخارق.....وقت نزول المصريين من الاجازات من الخليج......وفقط هذه السيارات موجودة مع الشحنة الأخيرة اللي جابوها في شهر 9... عموما اذا السيارة موجودة....خاصة الفول اوبشن....فهي لا غبار عليها... بس المهم...هل التوكيل.....سيستطيع....توفير قطع غيارها..بسهولة...وهل تصليحها خارج التوكيل لو اضطرت الظروف ذلك سيكون سهل مع توفر قطع غيارها... هذا هو مربط الفرص.....

[drcobra]

يا باشا أنا كنت عند أباظة التجمع (داون تاون) من أسبوع و شفت ال3008 و ركبتها كمان ... هتلاقيها أول ماتدخل من الباب علي إيدك الشمال ... أخر عربية في الصف جنب الx1 و وراها mg و جنبها astra hatchback و ياريس سيدان ... هتلاقي ال508 موجودة و جنبها السيتروين c5 و قدامهم أوكتافيا a7 جنبها ألفا روميو جوليتا و اخر حاجة فولفو s80 :)

يا باشا لو سألت واحد شغال فى اباظة مش هيعرف ترتيب العربيات بالشكل ده هههههه
ما شاء الله قوة ملاحظة

[swimmer25]

طيب سؤال

هل ال 3008 موجودة أساسا عند اباظة.؟؟؟

انا كنت ناوي اشتريها بعد مقارنات عديدة ولكن عندما سألت عنها اباظة في شهر 5 و 6 (أي من 4 شهور من الان ) قال لي لم نعد نستوردها..لان الطلب عليها قليل ؟؟؟ وقال لي فكر في 5008 ....

وبعد ما اقتنعت ب 5008 رغم انها 5 راكب وليس 7 مثل ال 3008

قرفني على ما قال لي امتى ممكن استلمها ...حجزتها....وقعدت استنى شهر اثنين 3 ولما زهقت اشتريت فلوانس.....واستلمتها ورخصتها...ولسه التوكيل....ما جابش ال 5008...وفين من شهر كده اتصلوا بيه قالو لي وصلت....قلت لهم...بلوها واشربوا مايتها.....واخدت فلوس الحجز

المشكلة ان التوكيل ...كسلان...وبيدلع........وبالتالي اذا كان هذا يحدث من 5008 والتي هي اكثر انتشارا من 3008 فما بالك بعد الشراء كيف سيكون التصرف اذا احتجت لها قطع غيار او تصليح...وهي بهذا الانتشار الضعيف جدا...

السيارة نفسها لا غبار ليها وكانت الخيار الأول لي....لكن ماذا افعل...مع توكيل....لا يحسن التعامل معها...وهم انفسهم اللي نصحوني بشراء 5008 لان ال 3008 الطلب عليها قليل...؟؟؟ فكيف سيكون الوضع..لو اشتريتها...وبطلوا يستوردوها نهائيا بعد ذلك ؟؟؟؟؟

حبيت أوضح لك ما حدث معي...لعل كلامي يكون به ما يفيدك في اتخاذ القرار

اما الاسبورتاج.....فهي رغم انها سيارة جيدة لكن انا أيضا من الناس اللي تستحرم دفع 265 الف في سيارة كوري..حتى لو حجمها وشكلها حلو...

5008 هي اللي 7 راكب و3008 5 راكب..إنت شكلك عكست !