سوبارو ام هوندا

[|H|i|t|M|@|n|]

السلام عليكم ورحمة الله وبركاته
انا ان شاء الله ناوي اشتري عربية جديدة ومحتار حيرة السنين ومش عارف اختار بين عربيات كتير جدا اجدا جدا
انا الأول كنت محتار بيت الفلوانس ولا الامبيزا
لما سقت الاتنين ارتحت للامبريزا وحسيت انها عربية بتكشر عن انيابها عكس الفلوانس شيك من جوة بس الخامات تحس انها خفيفة والعبرية سايبة من بعضها كده بالمقارنة بالامبريزا
سألت ناس كتير عن الامبريزا كله بيقوللي انك لو جبتها هتلحس كل المطبات ..انا طبيعة شغلي اني بسافر كتير ومحتاج عربية حلوة في السفر وفي نفس الوقت متكونش واطية
فقلت خلاص اعلى بالميزانية شوية وادخل في ال xv
ركبت العربية وشفتها حلوة جدا جدا جدا بس في نفس اليوم شفت الهوندا سيفيك خطفتني من جوة ومن برة وكمان انا بعشق اي حاجة اسمها هوندا ودلوقتي انا محتار هل اشتري السيفيك البيز لاين ولا الxv ولا انزل للامبريزا ولا اعمل ايه

يا ريت اللي شاف العربيات دي او ساقها او يعرف عنها معلومات اكيدة يقوللي
وكمان عايز اعرف اسعار قطع غيار مين اغلى...سوباروا ولا هوندا
وكمان التوكيل مين افضل


اسف على الاطالة

[mhmd_farouq]

هوندا طبعا الاكس في هتتعبك في اعاده البيع ومعرفش قطع غيارها نظامها ايه والتوكيل نظامو ايه بس الهوندا معروفه اينعم قطع غيارها غاليه بس معمره جداااااااا

[Abo fatima]

بص ياباشا انا كنت في حيره شديدة بين مجموعه من العربيات إحداها كانت الامبريزا و صولت و جعلت كثيرا و انتهى بي المطاف عند الامبريزا حقا عربيه جيده جيده جيده جدا للسوق المصري مع العلم ان الهوندا لم تكن إحدى خيراتي و لكن انا اخترت الامبريزا علشان
1-الشعور بالتميز 'مش كتير ركبنها فتحس أن كل الناس بتبص عليك خصوصا مع لون مميز'
2- فعلا الشعور بالقوه العاليه و الفخامة المتوسطه وسع العربيه تابلوه جميل.
3-ممكن تخاف من أي حاجه لو انت مش راكب الامبريزا لكن الشعور بالأمان شيئ عادي في الامبريزا
أخيرا استخير و توكل على الله

[ENG.MaRk]

بص هي مقارنة صعبة جدا و محيرة بطريقة رهيبة بس عامة أنا لو هختار هجيب الامبريزا ...ليه ؟!
-موتورها بوكسر و horizontally mounted و ده بيديها ثبات رائع
-سحبها كويس جدا
-دفع رباعي مستمر ... مش هتحتاجه كتير بس هو عامة بيزود ثبات العربية
-نوع من التميز لأنها مش كتيرة و مع ذلك مش منعدمة الانتشار (بس ده في حد ذاته يعتبر عيب كبير)
-شكلها هجومي و عاجبني و يمكن من العوامل الأساسيبة اللي خلت ناس كتير تبعد عن هوندا هو شكلها
نيجي بقي للهوندا !!!
-بعدما علوها و أضافولها الesp بقت حاجة تانية ... تحس إنها خسرت الحاجة اللي بتميزها (قربها من الأرض و ثباتها العالي)
-أنا مش منبهر بيها زي الموديل الأقدم و للأسف تحس إن مصممها بيرجع بالزمن للوراء
-سحبها أكثر من ممتاز و موتورها قوي جدا و مابيصدق يعمل كيك داون
-عداداتها الديجيتال بتبهرني
-بحسها عربية ليها رونقها كدة و مش أي حد بيشتريها غير اللي يقدرها
في الختام أحب أقولك إن الاتنين أحسن من بعض و أي خيار منهم هيبقي صفقة رابحة بس كنت عايز أقولك نصيحة ... ليه ماتدخلش الكورولا في المقارنة و أهي عربية معروفة و محبوبة و كمالياتها كويسة جدا (من العربيات القليلة اللي فيها أوتو بارك) و الفتيس الCVT مخلي سحبها جميل و تكييفها رائع و لو زهقت منها في أي وقت هتلاقيها بتتخطف منك و ألف مين يشتريها و انت واقف و سعر إعادة البيع تمام و توكيلها محترم و قطع غيارها كمان منتشرة !!!

[|H|i|t|M|@|n|]

انا مشكلتي في الارتفاع عن الارض
الامبريزا اسمع انها واطية جدا ودي مشكلة في الطرق المصرية
هل المعلومات دي صحيحة ؟
والسيفيك أعلى منها في الارنفاع عن الارض ولا لا ؟

[ابو فاطمة]

يا فندم الامبريزا اعلي من الهوندا ع الارض
الهوندا اداءها اعلي وموتورها اقوي
بص
نصيحة طالما الاتنين قريبين من بعض
خليك في اللي سعر اعادة بيعها معقول والاوسع انتشارا الهوندا

[S O P H O S]

ال xv تحفه
والهوندا الاختيار التاني
مجرد رأي ..

[svneleven]

لو هوندا و XV يبقي Xv لأن ارتفاعها مش موجود في الهوندا.
لو هوندا و امبريزا يبقي هوندا لأنها هتديك كل حاجة في الا امبريزا و كمان سعر اعادة البيع و الأداء (التسارع) أحسن.
و ان كنت أنا بميل لل امبريزا لكن العقل يقول ال هوندا.

[banzai]

اكس فى 1400 كج suv , موتور 114 حصان بوكسر all wheel drive من 0-100 فى 13 ث جراوند كليرنس معتقدش يقل عن 17 سم
سيفيك 1260 كج sedan , موتور 123 حصان جر امامى من 0-100 فى 9.5 ث جراوند كليرانس 16.5 سم

[swimmer25]

بتسافر كتير يبقى تدور على إعتمادية وإنتشار قطع غيار وثبات وعوامل أمان وال 4 موجودين في السيفيك
أعتقد السوبارو أقل إعتمادية لأن المحرك معقد شوية ومش أي حد بيفهم فيها

[ahmzd]

الهوندا أفضل من كل السوبارو.. في مصر، والله أعلم.

[Abo fatima]

طب انا بقول السوبارو علشان انت بتقول انك بتسافر كتير وده لأن 4w ممكن تكون مش محتاجهم قوي بس هما بيعملوا ثبات عالي قوي.
يا أخي استخير و استشير و توكل على الله