محتار و انتم اللي هتنقذوني :)

[ENG.MaRk]

بعد التحية و السلام
أنا إن شاء الله ناوي أغير فلوانستي و حبيبة قلبي بعد عشرة أكتر من 3 سنين و 147000 كم بس مش عارف أجيب ايه في حدود 200000 و قابلة للزيادة البسيطة يعني آخري 230000 ... عايز حاجة عائلية ... ثبات و أمان و كماليات كويسة و واسعة و مريحة في السفر لأني بسافر كتير جدا !!!
مش فارق معايا سعر إعادة البيع لأن أنا من النوع اللي بحب العربيات و بتفضل معايا فترة طويلة ممكن توصل ل 4 و 5 سنين !!!
مش عايز حاجة كوري عشان مستحرم المبلغ في عربيات مش كويسة (مش بنفس مستوي العربيات الأوروبي)
أروني إبداعاتكم :)

[Hosam_Optrawy]

الاختيارات كتير في الفئه السعريه دى

بس أعتقد إن طلبك في البيجو 3008

[ahmed p880]

السيارات الجديدة | نيسان | سنترا 2015 - ContactCars.com

السيارات الجديدة | فورد | فوكس 2014 - ContactCars.com

السيارات الجديدة | سوبارو | امبريزا 2014 - ContactCars.com

[hesham fawzy h]

فوكس .. سوبارو

[ENG.MaRk]

الفوكس روعة و جميلة جدا و ليها معزة خاصة في قلبي بس سمعت إن الفتيس الباور شيفت ده ليه نفس مشاكل الdsg و أنا بصراحة هدفع المبلغ ده عشان أشتري عربية تكيفني مش تقرفني !!!
-هو ليه محدش مثلا قالي كورولا أو أسترا أو سيفيك ؟!

[denjouan83]

انا كنت لسه هاقولك كده :) كورولا استرا سيفيك :)
انا راي المتواضع احب كورولا استر سيفيك سكودا a7 ,, ترتيب سكودا لانها فاليو و ثبات و واسعه وبعد موضوع الفتيس ده اعتقد اعتماديتها تزيد ,, و هاتقي مطلوبه لو فكرت تبيع بعد كده .. استرا تحفه حتي علي الشكل بس صيانه و اعاده بيع تسال عليهم .. كورولا الاكثر شعبيه و زي ما بيقولوا تمنها في شنطتها يعني زي ماتكون حاطط فلوسك في البنك .. سيفيك بقي دي حاجه علي جنب كده .. هيه اه محصلش فيها ثورة في الشكل بس لسه جميله و متميزه و خدمه محترمه

كل الي اتكلمت فيه ده بنتكلم من 195 ل 215 ,, لو عايز تزود شويه هاتروح لحاجات انا معرفهاش :) يعني بيجو 3008 و 508 و باسات ب 245 ,, اعتقد برده تكلفه العربيه المستمره مهمه حسب دخلك

ربنا يوفقك

[hanyyacot]

اعتقد بعد الفلوانس ماتركبش حاجة اقل من الجيتا عشان تحس انك نقلت ده لو كنت عايز تعمل upgrade . لو عايز تعمل update بس يبقى اعتقد ال اسكود1 A7

[ENG.MaRk]

مش عارف ليه لما ركبت الa7 ما أبهرتنيش بس عامة أنا اتفقت مع الوالد أنا هدفع 230000 و هو هيكمل ل 300000 يعني أعتقد الخيارات بقت أفضل و أكتر ... هل دلوقتي أجيب الa7 هاي لاين ولا 508 أو انسيجنيا أو ds5 أو فولكس سي سي ؟!

[J A G U A R]

ال a7 فئه اقل منهم

انا ارشحلك 508 لو موجوده الشيب القديم او انسيجنيا توب لاين لو عاوز تقفل ال 300,000

[Omar Mahmoud]

مش عارف ليه لما ركبت الa7 ما أبهرتنيش بس عامة أنا اتفقت مع الوالد أنا هدفع 230000 و هو هيكمل ل 300000 يعني أعتقد الخيارات بقت أفضل و أكتر ... هل دلوقتي أجيب الa7 هاي لاين ولا 508 أو انسيجنيا أو ds5 أو فولكس سي سي ؟!

DS5-508-إنسيجنيا او ال cc
هتحس إنك نقلت نقلة تانية و ال a7 فئة اقل من العربيات دي
انا لو مكانك هفكر في ال cc الاول و بعدين الإنسيجنيا

[ENG.MaRk]

ال a7 فئه اقل منهم

انا ارشحلك 508 لو موجوده الشيب القديم او انسيجنيا توب لاين لو عاوز تقفل ال 300,000

اشمعني 508 الشكل القديم و هل في فرق بينه و بين الجديد ؟!

[merosss]

لو الموضوع وصل ل 300 يبقى خليها 308 واجيب s60 فولفو ودى حاجة تانية خالص غير كل الى انت كاتبة

[J A G U A R]

اشمعني 508 الشكل القديم و هل في فرق بينه و بين الجديد ؟!

لا مفيش فرق

بس مجرد الشكل افضل للقديم

[ENG.MaRk]

فكرة الفولفو ديه عجبتني أوي و خصوصا إنها عربية سحب (180 حصان) و أمان و حاجات كتير كدة ملهاش حل بس هل هعرف أصلحها لو باظ فيها حاجة و إيه أسعار قطع غيارها و بتحتاج 95 بس ولا ينفع عادي 92 ؟!

[memo_p910]

كنت لسه هاقولك مالكش غير التحفه السويديه فولفو اس 60 سياره خارج المنافسه