اكسيل ولا ماروتى

[loly mahmoud]

السلام عليكم
انا جديده فى المنتدى وبصراحه متبعاكم من اكتر من شهر وربنا يجازيكم خير استفدت منكم كتير
انا عايزه عربيه كنت راسيه على الماروتى وبعدين معروض عليا اكسيل مانيوال 98
احتياجاتى فى العربيه مشاوير البيت العاديه مدارس وتسوق داخلى بس ولما اعوز اسافر بيها مصيف تروح متقوليش لا بس مش سفر يوميا شغلى فى مكان فيه مطبات زى الفل
اا كان راى اجيب حاجه صغيره اقدر اتحكم فيها بس زوجى بيقولى لما تتعلمى هتعرفى تتحكمى فى اى حاجه ايه رايكم ارجوكم افيدونى ومتكسفونيش قدام زوجى

[Omar Mahmoud]

رأيي الاكسيل

[Ahmedvero]

بصي حضرتك انا كان معايا اكسيل وهقولك الحاجات اللي كانت بتقابلني
كنت بسافر بالعربيه عادي جدا والحمد لله عمري ما خبطتها ولا اشتكيت من ثباتها
العربيه هتقرفك حبتين لو مركبه حد معاكي يكون وزنه بسم الله ما شاء الله او تارساها علي اخرها هتلاقيها بتحك في المطبات بس ممكن تتغلبي علي كده وتاخدي المطب بعرض العربيه
قطع غيارها كانت قرفاني بصراحه لانها كانت اول عربيه ليا وربنا يسامح اللي باعهالي كانت حالتها مهكعه فاهم حاجه حاله العربيه اللي هتجيبها
سوقتها حلوه مش وحشه زي العربيات القديمه وهتعرفي تبيعيها بسعر كويس لما تيجي تجددي ان شاء الله
بس اهم حاجه تكون حالتها حلوه

[J A G U A R]

كعربيه قصاد عربيه الاكسيل تفصل اتنين تلاته من الماروتى شكلا وموضوعا

الميزه فى الماروتى عن الاكسيل هاتبقى موديل حديث واستهلاك بنزين اقل والباقى كله فى صالح الاكسيل والاهم الاهم الحاله للأكسيل

[loly mahmoud]

بصي حضرتك انا كان معايا اكسيل وهقولك الحاجات اللي كانت بتقابلني
كنت بسافر بالعربيه عادي جدا والحمد لله عمري ما خبطتها ولا اشتكيت من ثباتها
العربيه هتقرفك حبتين لو مركبه حد معاكي يكون وزنه بسم الله ما شاء الله او تارساها علي اخرها هتلاقيها بتحك في المطبات بس ممكن تتغلبي علي كده وتاخدي المطب بعرض العربيه
قطع غيارها كانت قرفاني بصراحه لانها كانت اول عربيه ليا وربنا يسامح اللي باعهالي كانت حالتها مهكعه فاهم حاجه حاله العربيه اللي هتجيبها
سوقتها حلوه مش وحشه زي العربيات القديمه وهتعرفي تبيعيها بسعر كويس لما تيجي تجددي ان شاء الله
بس اهم حاجه تكون حالتها حلوه

بالنسبه للاحجام انا ا بناتى حجم العصفوره
طيب والمطبات حضرتك هتاثر على العربيه او تعوم منى او حاجه وانا على فكره بمشى ماشيه النمله لانى ساكنه فى ارياف والهى ما يوريك الحيوانات والاطفال الى متعرفش بتطلع منين
معلش طولت عليك

رأيي الاكسيل

شكرا ليك
مستنيه اراء تانيه كمان

[loly mahmoud]

كعربيه قصاد عربيه الاكسيل تفصل اتنين تلاته من الماروتى شكلا وموضوعا

الميزه فى الماروتى عن الاكسيل هاتبقى موديل حديث واستهلاك بنزين اقل والباقى كله فى صالح الاكسيل والاهم الاهم الحاله للأكسيل

طيب ده فعلا هيخلى التحكم صعب فى العربيه بما انها كبيره ولا فعلا مش فارق

[scientist9508]

بسم الله الرحمن الرحيم

أختنا الفاضله

أدام الله سعده و توفيقه عليك ثم أما بعد

قبل البدأ فى أى شروحات أود أن أسأل حضرتك قليل من اﻷسئله حتى ﻻ يحيد رأى عن الهدف و ﻻ يخطىء جانب الصواب

1 - هل حضرتك تعقدين المقارنه بين سيارتين مستعملتين؟ أم بين سياره جديده(ماروتى) و اﻷخرى مستعمله(إكسيل)؟

2 - هل توجد نوايا لتغيير السياره بعد فتره قريبه أم بعيده ؟

3 - هل الطرق التى تستخدمين فيها السياره مزدحمه أم لا؟

فى إنتظار إجابات حضرتك

هداك الله ﻷرشد أمرك

السلام عليكم و رحمة الله و بركاته

[J A G U A R]

طيب ده فعلا هيخلى التحكم صعب فى العربيه بما انها كبيره ولا فعلا مش فارق

لا هيا مش كبيره ولا صعبه
الماروتى هيا اللى صغيره

[hesham fawzy h]

اكسيل طبعا ..

[Ahmedvero]

[QUOTE=loly mahmoud;3875817332]بالنسبه للاحجام انا ا بناتى حجم العصفوره
طيب والمطبات حضرتك هتاثر على العربيه او تعوم منى او حاجه وانا على فكره بمشى ماشيه النمله لانى ساكنه فى ارياف والهى ما يوريك الحيوانات والاطفال الى متعرفش بتطلع منين
معلش طولت عليك

لا ملهاش تاثير بس بتهتم العربيه من تحت بس هتتعودي تتفادي المطبات الامر بسيط ان شاء الله
وبعدين العربيه مش كبيره اوي
وعلي العموم كبيره او صغيره كده كده هتاخدي وقت لتتدريب علي ابعادها ففمفيش اختلاف اوي يعني ومتقلقيش من قصه الابعاد دي نهائي

[loly mahmoud]

بسم الله الرحمن الرحيم

أختنا الفاضله

أدام الله سعده و توفيقه عليك ثم أما بعد

قبل البدأ فى أى شروحات أود أن أسأل حضرتك قليل من اﻷسئله حتى ﻻ يحيد رأى عن الهدف و ﻻ يخطىء جانب الصواب

1 - هل حضرتك تعقدين المقارنه بين سيارتين مستعملتين؟ أم بين سياره جديده(ماروتى) و اﻷخرى مستعمله(إكسيل)؟

2 - هل توجد نوايا لتغيير السياره بعد فتره قريبه أم بعيده ؟

3 - هل الطرق التى تستخدمين فيها السياره مزدحمه أم لا؟

فى إنتظار إجابات حضرتك

هداك الله ﻷرشد أمرك

السلام عليكم و رحمة الله و بركاته

الاتنين مستعملين

الطرق مزدحمه جدا

اه لان زوجى مش مقتنع انها تكون عائليه لما يكون موجود

واشكرك جدا للرد
طيب ايه رايك فى لانوس 1

لا هيا مش كبيره ولا صعبه
الماروتى هيا اللى صغيره

شكرا لرد حضرتك

اكسيل طبعا ..

شكرا يا فندم

[QUOTE=Ahmedvero;3875817502]

لا ملهاش تاثير بس بتهتم العربيه من تحت بس هتتعودي تتفادي المطبات الامر بسيط ان شاء الله
وبعدين العربيه مش كبيره اوي
وعلي العموم كبيره او صغيره كده كده هتاخدي وقت لتتدريب علي ابعادها ففمفيش اختلاف اوي يعني ومتقلقيش من قصه الابعاد دي نهائي

شكرا جدا ليك

[loly mahmoud]

يا جماعه دلوقتى ناس كتير قالتلى هاتى لانوس افضل ومعروض علينا لانوس 1 ايه رايكم بس طبعا دخلنا فى 40 اخلينى احسن فى الاكسيل وبعد كده اغير ولا لانوس 1 وازود شويه وانشالله ميبقاش فيها تغير

[Ahmedvero]

نصيحه خليكي ف اكسيل اتعلمي عليها وبعدين فكري في التغير للزيرو

[رفيق شوقى]

طبعا لانوس 1 علشان حضرتك واحدة ست مش عاوزة بهدلة والاكسيل كله موديل قديم يعنى عجله دايب يعنى اعطاله كتيرة اما اذا وصلت ل46 الف فانصحك بماروتى جديد لانه مفيش بعد الجديد

[S O P H O S]

لانوس طبعا افضل الثلاثة
بس المبلغ يزيد شوية علشان تبقي حالة كويسة
وعربية تعيش بدون مشاكل