رينو سانديرو ستب اواي 2015 ام فيات بونتو بوب 2015

[mohamed.3zz]

اعضاء المنتدي الكرام
من فضلكم انا في حيرة شديدة و مش عارف اقرر و ارجو الناس اللي عندها خبرة انهم يدلوني علي الصح
انا محتار مابين فيات بونتو بوب ( مانوال ) 2015 و رينو سانديرو ستيب اواي 2015 مع العلم اني بسافر مرتين كل اسبوع تقريبا لظروف العمل ف ايه العربية الانسب .
انا عارف ان الاتنين مانوال و ان الاتنين تقريبا نفس السعر
فيات ب 100 الف و ستب اواي ب 101500
لكن بالنسبة للاداء و استهلاك البنزين و قطع الغيار و مدي جودة الخدمة من الوكيل ف انا محتاج رايكم .
شكرا

[mohamed.3zz]

ايه يا جماعة محدش عنده فكره عن ستب واي و بونتو خالص ؟

[ahmed_e_elsawy]

ايه يا جماعة محدش عنده فكره عن ستب واي و بونتو خالص ؟

أنا جربت الساندرو 2014 زيرو بص العربية فيها كماليات ملهاش لازمة على حسب حاجات اساسية يعني بلو توث ومالطي لكن الدركسيون نص باور وتقيل ومنزلش منها المنوال بس وخفيفة شوية بس بس بس مجربتهاش كتير على سرعة عشان أشوف ثباتها بس عامةً هي شكلها جميل وعليا بس أنا اتقفلت من موضوع إني الدفاع 100 ألف فيعربية مش بور والدركسيون كان فعلا تقيل و أنت هتركن وتسوق فيزحمة فيممكن يضيقك
البونتو معنديش أي فكرة عنها أنا نفسي كنت بفكر فيها بس الناس خوفتني من الصيانة وقطع الغيار قوي لاني كنت بفكر فيمستعمل فـشوفها جرب السانديرو برده يمكن تعجبك واسمع من ناس كتير وتكون ركبتها فعلا

[mohamed.3zz]

أنا جربت الساندرو 2014 زيرو بص العربية فيها كماليات ملهاش لازمة على حسب حاجات اساسية يعني بلو توث ومالطي لكن الدركسيون نص باور وتقيل ومنزلش منها المنوال بس وخفيفة شوية بس بس بس مجربتهاش كتير على سرعة عشان أشوف ثباتها بس عامةً هي شكلها جميل وعليا بس أنا اتقفلت من موضوع إني الدفاع 100 ألف فيعربية مش بور والدركسيون كان فعلا تقيل و أنت هتركن وتسوق فيزحمة فيممكن يضيقك
البونتو معنديش أي فكرة عنها أنا نفسي كنت بفكر فيها بس الناس خوفتني من الصيانة وقطع الغيار قوي لاني كنت بفكر فيمستعمل فـشوفها جرب السانديرو برده يمكن تعجبك واسمع من ناس كتير وتكون ركبتها فعلا

تسلم يا باشا و ربنا يباركلك في العربية ان شاء الله و يا ريت لو جريت بالعربية علي طريق سفر ولا اي حاجة من دي تقول العربية عامله ازاي و ثابته ولا العربية هتفضحني ولا ايه :d

[J A G U A R]

بلاش البونتو

[mohamed.3zz]

بلاش البونتو

ممكن بس اعرف ليه ؟
علشان قطع غيارها غاليه بس ولا فيه حاجة تانية ؟

[J A G U A R]

ممكن بس اعرف ليه ؟
علشان قطع غيارها غاليه بس ولا فيه حاجة تانية ؟

اه طبعا
عربيه متنفعش فى مصر
توكيل ضعيف ومفيش اهتمام
قطع غيار غاليه ومش منتشره غير بالتوكيل
صعوبه صيانه واعاده بيع سيئه

[S O P H O S]

فرأي تشوف السويفت برضوا

[Moe86]

انا كان معايا بونتو كلاسيك و حاليا اختى معاها بونتو ايفو
العربية ممتازة و مشكلتها حاجتين:
اداء الموتور ضعيف لأنها بتنزل مصر بموتور 1400 و 8 صباب بيطلع 77 حصان فتجيب ال100 فى 13.3 ثانية و بتطول على ما تجيب السرعة القصوى 165 كيلو/الساعة
تانى مشكلة الفتيس الأوتوماتيك بتاعها بيحتاج يتغيرله طقم الدبرياج كل 40,000 كيلو تقريبا
قطع غيارها متوفرة فى التوكيل و برة التوكيل عند كذا محل زى الكيلانى و محمد يوسف و فى تجار استيراد شغالين فيها فى الحرفيين و وكالة البلح
و اسعار القطع طبيعى اغلى من الكورى و لكن زى باقى الاوروبى رينو و بيجو و......
اعادة البيع بتاعتها مش وحشة, شوف كونتاكت كارز هتلاقيها بتمسك سعر (طبعا مش زى الكورولا و لانسر و كدة)
على فكرة البونتو اللى بتنزل عندنا فى مصر نفس مواصفات الامان و جودة التقفيل زى اللى بتتباع فى اوروبا, على عكس السانديرو او اللوجان لأنهم اساسا مخصصين لأسواق الدول النامية

[memo_p910]

انا شايف ان البونتو مانيوال جميله فعلا

[scientist9508]

سويفت أو لوجان و إستبعد البونتو