هوندا سيتى

[Egy_fan]

السلام عليكم. انا عامل الموضوع ده بالعكس. انا كنت عايز اعرف معلومات عن الهوندا سيتى فروحت هوندا ابو رواش النهارده

العربيه جميله جدا من جوه و علامه هوندا منوره. اشيك عربيه بالسعر ده انا شفتها (شارك و سيراتو)

اهم حاجه ناقصه الفئه الاولى جنوط و فوانيس شبوره و تكييف تاتش و حامل اكواب خلفى

اهم حاجه ناقصه الهاى لاين فتحه السقف

وكمان جبت جدوا الصيانات علشان موضوع ان هوندا قطع غيارها غاليه

بعد ما تقروا الجدول ياريت كل واحد يقولى رأيه

سيراتو وكيل سعر 160

شارك سع 160

ولا الجديده كليا سيتى 159

اى خدمه

[max13]

رأى الشخصى تخرج السيراتو من المنافسه و ممكن تدخل مكانها نيسان سنترا او اختار بين الشارك والهوندا وفى الحالتين انت الكسبان . العربيتين محترمين جدا عن تجربة

[Egy_fan]

شكرا للرد يا باشا

[hanyyacot]

حقيقى انا بحب وباحترم الهوندا جدا وطبعا عربية لا غبار عليها , مشكلة السيتى بس عدم انتشارها وده ممكن يفرق معاك فى اعادة البيع لو يهمك الموضوع ده , لو اعادة البيع هايعملك مشكلة يبقى شارك

[Egy_fan]

انا مشكلتى مع الهوندا هى انى لو مش عايز اجيب حاجه من الوكيل . هجيب منين ؟؟؟ انا معايا لانسر ليها استيراد و كورى و حاجات كتير

لو الهوندا ليها حاجات استيراد و قطع غيار غير الاصلى تبقى احسن و كفايه cvt

[ahmzd]

رأيي: سيتي للتميز والرقي ومتعة القيادة، وشارك للانتشار وقطع الغيار وإعادة البيع.. والله أعلم.

[Egy_fan]

شكرا للردود. انا هبقى اوح منتدى هوندا و اشوف موضوع الاستيراد و قطع الغيار بره التوكيل