افضل عربيه اوتو فى حدود 100 الف

[dactara]

السلام عليكم
اخوكم محتار و خايف
عايز اجيب عربيه اوتو فى حدود 100 الف
بفكر فى
بريليانس كروس
افيو
سويفت
لوجان او سانديرو 2014 كسر زيرو
ياريت اراء الناس و المشاركه و لو فيه اختيارات افضل اكون شاكر
شكرا مقدما

[ENG.MaRk]

بريليانس كروس

[hanyyacot]

مبدئيا مفيش لوجان او سانديرو اوتوماتيك زيرو , واستبعد البريليانس , واستبعد المستعمل , يفضل قدامك الافيو و السوزوكى, المنطق بيقول السوزوكى افضل , بس لسه جديدة ومانتشرتش , يبقى قدامك تجيب افيو ولو حبيت تبيع قدام شوية وتجيب حاجة اعلى هاتجيبلك سعر كويس وتتباع على طول , او تجيب السوزوكى اللى هى احدث واحسن من الافيو ولكن اعادة البيع هاتبقى صعبة شوية

[dactara]

ليه استبعد الكروس؟!

[Ahmedvero]

بصراحه ناس كتير كانت بتعيب في الافيو وان حرام تدفع فيها المبلغ دا وخصوصا انها هي هي اللانوس مع اختلافات بسيطه
ممكن تنتظر شويه وهيكون نيو لوجان نزل منها اوتو والناس منتظراها بفارغ الصبر

[El Prince]

ارجح لحضرتك السوزوكى سويفت 2015 Money for Value

[hamo81]

FRV Cross عربية ممتازة

[ahmzd]

ارجح لحضرتك السوزوكى سويفت 2015 money for value

وأنا أضم صوتي للبرنس!

[dactara]

بصراحه ناس كتير كانت بتعيب في الافيو وان حرام تدفع فيها المبلغ دا وخصوصا انها هي هي اللانوس مع اختلافات بسيطه
ممكن تنتظر شويه وهيكون نيو لوجان نزل منها اوتو والناس منتظراها بفارغ الصبر

هى اللوجان اوتو هتنزل امتى؟

[active]

وأنا أضم صوتي للبرنس!

أضم صوتى للبرنس ... سوزوكى سويفت

[dactara]

لو رسيت على افيو هجيب فيرنا و خلاص
مفيش فرق يستاهل بينهم و انا اولى بالفلوس الفرق
ايه رأيكوا

[ahmzd]

الأفيو أحسن من الفيرنا وتستاهل الفرق .. والله أعلم.

[dactara]

احسن فى ايه؟

[S O P H O S]

فرأي السويفت او اللوجان