مش عارفه اختار .. عربيه من 180 _220 الف

[esraa ahmed]

السلام عليكم
لو سمحتو عاوزه اشترى عربيه من 180 _ 220 الف ومش عارفه اختار لانه مش عندى اى خبره فى العربيات طبعا ودى اول عربيه ليا حتى مش عارفه على اى اساس المفروض اختار
اغلب الناس قلقتنى من كورولا الشكل الجديد عشان بقت تركى ومش عليها اقبال زى الاول
دلوقتى بختار ما بين سكودا اى 7 اول فءتين ، سيراتو ، قشقاى وجوك كمان عجبانى بس خايفه من سعر اعاده البيع ومش مفضله مانيوال فى قشقاى كمان
طبعا لما شفت مشاركات حضراتكو عجبتنى جدا فياريت لو تفيدونى اختار مبينهم ولو فى عربيه تانى ممكن حد يرشحهالى حتى لو هتزيد كام الف عادى
طبعا انا معرفش انهو هيريحنى اكتر اليابانى ولا الامانى بس بحس الالمانى افخم شويه الكورى متردده فيها يعنى هى اخر خياراتى
يا ريت الرد بسرعه

[adel1212]

نيسان قشقاي تتفوق لارتفاعها عن الارض+التقفيل الانجليزي ممتاز+الشكل الجديد لسه نازل + اعتمادية نيسان+سعر اغادة البيع
تحياتى و تمنياتي بحسن الاختيار

[speranz]

في اختيارات كتير حلوة والاختيار لحضرتك
عالية وكبيرة ولا سيدان عادية
منتشرة ولا تحبي التميز
والشكل بردو مهم
اوبل استرا
نيسان سنترا
نيسان قشقاي
فولكس جيتا
هوندا سيفيك

بالنسبة للقشقاي فهي اتوماتيك
بصراحة الكوري ميستاهلش يدفع فيه مبلغ كبير زي ده
الياباني فعلا اعتمادية وبساطة هي تعتبر الفئة المحببة للناس العملين

[م/أحمد عبد الفتاح]

ممكن تفكرى برضه فى الهوندا السيفيك .... عربية فى الرينج بتاع حضرتك

[esraa ahmed]

نيسان قشقاي تتفوق لارتفاعها عن الارض+التقفيل الانجليزي ممتاز+الشكل الجديد لسه نازل + اعتمادية نيسان+سعر اغادة البيع
تحياتى و تمنياتي بحسن الاختيار

طيب انا مع حضرتك فى ارتفاعها لانى عاوزه عربيه عاليه بس تقفيل انجليزى متهيالى اسكودا تتفوق لانها صناعه وتقفيل وكل حاجه المانى ...كمان حسب معرف انه كل نيسان مش ليها سعر اعاده البيع .. رايى ده طبعا من سؤال ناس كتير لانى زى مقلت مش عندى اى خبره فى العربيات وشكرا لحضرتك

[esraa ahmed]

ممكن تفكرى برضه فى الهوندا السيفيك .... عربية فى الرينج بتاع حضرتك

سيفيك الناس بتشكى من انها واطيه وبتخبط كتير فى المطبات ونا عاوزه عربيه عاليه متعملش مشاكل فى السواقه خصوصا انه عندنا فى الصعيد مطبات كتير والطرق مش مريحه

[J A G U A R]

سبورتاج او ix35

[borio1704]

أنصحك تدخلي على الموضوع ده علشان يساعدك تحددي انتي عايزة إيه

http://www.nilemotors.net/Nile/329150-a.html

ونبقى نتكلم صح بعد كده



...

[esraa ahmed]

في اختيارات كتير حلوة والاختيار لحضرتك
عالية وكبيرة ولا سيدان عادية
منتشرة ولا تحبي التميز
والشكل بردو مهم
اوبل استرا
نيسان سنترا
نيسان قشقاي
فولكس جيتا
هوندا سيفيك

بالنسبة للقشقاي فهي اتوماتيك
بصراحة الكوري ميستاهلش يدفع فيه مبلغ كبير زي ده
الياباني فعلا اعتمادية وبساطة هي تعتبر الفئة المحببة للناس العملين

انا عاوزه عربيه عائليه تكون عاليه عن الارض مش عاوزه حاجه تبقى مشاكلها او اعطالها كتير وصيانه متوفره كمان ..سواقتى هتبقى عاديه مش بحب السرعات الجنونيه خالص مش بسافر بعيد كتير يعنى الاستخدام اليومى بيبقى سفر ساعه ساعه ونص مش اكتر بعدين تحركاتى جوه المدينه ..متوسط اننشار يعنى مش عاوزه عربيه تبقى مميزه لدرجه انه محدش بيشتريها ومش ليها سعر اعاده بيع.. لو هنتكلم على العربيا اللى حضرتك ذكرتها فانا اغلبها معرفهاش بصراحه لكن هوندا مثلا حسب معرف واطيه جدا اوبل نا اعرف فيكترا ومش محبوبه خالص نيسان لو هشترى هفضل جوك او قشقاى اللى اعرفهم بس خايفه من نحوار اعاده البيع وقطع الغير وكمان القشقاى منيوال

[ENG.MaRk]

-القاشقاي الجديدة حلوة جدا بس لسة محدش جربها ف ممكن يكون ليها مشاكل تظهر بعدين و كمان أول دفعة هتتسلم بعد 5 شهور و ديه فترة مش قليلة !!!
-السيراتو مايتدفعش فيها المبلغ ده
-الفئة ديه مليانة عمالقة ... اللي جاي مش بالترتيب (أسترا - كورولا - سيفيك -أوكتافيا a7 - فلوانس - امبريزا - سنترا - XV - سبورتاج - ix35 )
-ملحوظة : السيفيك مش واطية ... الجيل الجديد أعلي بكتير من القديم و ديه إشاعة منتشرة و الناس عمالة تلت و تعجن فيها ... أنا جربتها و ماحكتش مني في مطبات
-تصحيحا لمعلومات حضرتك القاشقاي أوتو مش مانيوال !!!

[esraa ahmed]

أنصحك تدخلي على الموضوع ده علشان يساعدك تحددي انتي عايزة إيه

http://www.nilemotors.net/nile/329150-a.html

ونبقى نتكلم صح بعد كده



...

طيب انا ممكن احدد انا عاوزه عربيه عائليه ماركه محترمه طبعا مش لازم تستحمل بهدله لانه مشاويرى قصيره واستهلاكى مش هيكون تقيل وسفرياتى البعيده قليله يعنى نقول كل كام شهر الحمد لله مستريحه ماديا بس طبعا مش عاوزه قطع غيار نار الطرق عندنا مش كويسه خالص ... هندخل بقى فى امكانيات العربيه فانا بصراحه مش قادره احدد لانى مش بفهم فلحوار ده بس اكيد انا عاوزه عربيه يكون موتورها قوى فيها ثبات سرعه تكيف جنوط سبور اوتو مش منيوال .. لو هنتكلم على الشكل هفضل الشكل البناتى لكن طبعا مش هفضل الشكل او اى كماليات فى العربيه على حساب الامكانيات الاساسيه يعنى الاهم عندى نبقى العربيه كويسه بعدين القشقاى مثلا شكلها شغال معايا عادى السيراتو كمان ..

[ali ashraf]

الغالى ثمنه فيه

السلام عليكم انا ملاحظ ان حضرتكم ركزتم فقط على انواع السيارات فقط وده مش مضبوط قوى نصيحتى لحضرتك عند شراء السيارة انك تراعى عدة امور مع بعض:

1. دواعى استخدام السيارة هل تذهبى بها الى العمل بشكل يومى ام لا, سعة السيارة على حسب عدد الافراد يعنى لما اجيب سيارة لفرد او اثنين مش زى اسرة مثلا 7 افراد.
2. مراكز الصيانة المتوفرة بالنسبة لحضرتك ( الصعيد)
3. تأكدى من نوع البنزيين المستخدم لان 95 اصبح غير اقتصادى تماما.
4. جوابى مع نفسك على الاسئلة دى , أما بالنسبة لنوع السيارة فى رأى ( راى مجرد لم يخضع للعوامل السابق ذكرها) تنازليا فهى اللى هيخلينى ادفع 220 اقسط الباقى و اجيب بيجو 508 لان دى فئة اعلى بكثير ثم سكودا ثم قشقاى و بالتوفيق ان شاء الله
   

[S O P H O S]

سيفيك الناس بتشكى من انها واطيه وبتخبط كتير فى المطبات ونا عاوزه عربيه عاليه متعملش مشاكل فى السواقه خصوصا انه عندنا فى الصعيد مطبات كتير والطرق مش مريحه

السيفيك الجديدة مش واطية بالعكس ارتفاع العربية كويس

[esraa ahmed]

السلام عليكم انا ملاحظ ان حضرتكم ركزتم فقط على انواع السيارات فقط وده مش مضبوط قوى نصيحتى لحضرتك عند شراء السيارة انك تراعى عدة امور مع بعض:

1. دواعى استخدام السيارة هل تذهبى بها الى العمل بشكل يومى ام لا, سعة السيارة على حسب عدد الافراد يعنى لما اجيب سيارة لفرد او اثنين مش زى اسرة مثلا 7 افراد.
2. مراكز الصيانة المتوفرة بالنسبة لحضرتك ( الصعيد)
3. تأكدى من نوع البنزيين المستخدم لان 95 اصبح غير اقتصادى تماما.
4. جوابى مع نفسك على الاسئلة دى , أما بالنسبة لنوع السيارة فى رأى ( راى مجرد لم يخضع للعوامل السابق ذكرها) تنازليا فهى اللى هيخلينى ادفع 220 اقسط الباقى و اجيب بيجو 508 لان دى فئة اعلى بكثير ثم سكودا ثم قشقاى و بالتوفيق ان شاء الله
   

شكرا لحضرتك نبهتنى لحاجه مهمه جدا بخصوص الصيانه هحاول اعرف الاول التوكيلات اللى هتبقى قريبه عليا. وده اكيد هيستبعد عربيات
بس بنسبه لبنزين 90 فى مشاركين كتير بيقولوا انه العربيه مش بتستهلك منه اد ال 92 وده بيعوض فرق الفلوس
القسط بقى انا اصلا حطيت رينج عالى للعربيه عشان اجيب عربيه حلوه وتكون كاش مضطرش اقسط ودفع ضعف المبلغ اللى هقسطه

[esraa ahmed]

-القاشقاي الجديدة حلوة جدا بس لسة محدش جربها ف ممكن يكون ليها مشاكل تظهر بعدين و كمان أول دفعة هتتسلم بعد 5 شهور و ديه فترة مش قليلة !!!
-السيراتو مايتدفعش فيها المبلغ ده
-الفئة ديه مليانة عمالقة ... اللي جاي مش بالترتيب (أسترا - كورولا - سيفيك -أوكتافيا a7 - فلوانس - امبريزا - سنترا - xv - سبورتاج - ix35 )
-ملحوظة : السيفيك مش واطية ... الجيل الجديد أعلي بكتير من القديم و ديه إشاعة منتشرة و الناس عمالة تلت و تعجن فيها ... أنا جربتها و ماحكتش مني في مطبات
-تصحيحا لمعلومات حضرتك القاشقاي أوتو مش مانيوال !!!

انا كنت فاكره انها منيوال يمكن العربيه الجديده اوتو بس فكل الاحوال مش هستنى خمس شهور بعدين كل الموديلات 2015 نزلت مش فاهمه ليه قاشقاى مش نزلت لغايت دلوقتى
شكرا طبعا على التصحيح
باقى الماركات انا ببحث فيهم وربنا يسهل