السيارة المناسبة!

[Ahmedsleim]

السلام عليكم ورحمة الله وبركاتة.

انا فى صدد شراء سيارة مستعملة بأذن الله.
واريدها فى حدود 90-110 الف جنية. والمواصفات الى احتاجها بالسيارة بالترتيب من الأهم للأقل اهمية.

1- تكون مريحة فى ركوبتها.
2- الثبات مهم جدا مع انى مبجريش.
3- الامان.
4-اسعار قطع الغيار وتوافرها.
5- توكيل جيد.


فماذا ترشحولى؟

[J A G U A R]

صنى سوبر صالون الشكل القديم
لانسر سوبر اكشن

[ENG.MaRk]

صني سوبر صالون أو رينو فلوانس هاي لاين

[Ahmedsleim]

صني سوبر صالون أو رينو فلوانس هاي لاين

شكرا لردودكم .

الصنى شكلها مش عاجبنى وبتحرق بنزين كتير فلذلك هى مستبعده . الرينو فلوانس دورت عليها مستعمله ب 110 ملقتش .

ايه رأى حضراتكم فى الـألنترا 2010؟

[hanyyacot]

اعتقد السيراتو 2010 تبقى كويسة , لان اللانسر سعرها مبالغ فيه للمستعمل وهتلاقى بالسعر ده موديل 2007 مثلا , ده غير ان ركوبتها مش مريحة , الالنترا ثباتها سئ جدا وخفيفة , اعتقد السيراتو هتلاقى كل اللى حضرتك طالبه

[shiko85]

ايه رأى حضراتكم فى الـألنترا 2010؟

وعليكم السلام ورحمة الله وبركاته
النترا عربيه ممتازه
عيوبها
وسائل امان قليله مش فكل الفئات (ايرباج + abs)
العربيه بتهبط بشكل ملحوظ مع زياده الوزن فالكنبه او الشنطه (لكن الحل بسيط مش مكلف)
الثبات معقول
# بخصوص التوكيل فأعتقد ان العربيات الجيده بالسعر هتكون موديل قديم خرج من الضمان خلاص و ممكن الأستغناء عن التوكيل
انا شايف ان افضل عربيه لحضرتك هى الأوكتافيا a5 ثبات ممتاز و عوامل امان كتير و هتلاقى منها هاى لاين فحدود 110 الف لكن قطع الغيار غاليه شويه

[Ahmedsleim]

وعليكم السلام ورحمة الله وبركاته
النترا عربيه ممتازه
عيوبها
وسائل امان قليله مش فكل الفئات (ايرباج + abs)
العربيه بتهبط بشكل ملحوظ مع زياده الوزن فالكنبه او الشنطه (لكن الحل بسيط مش مكلف)
الثبات معقول
# بخصوص التوكيل فأعتقد ان العربيات الجيده بالسعر هتكون موديل قديم خرج من الضمان خلاص و ممكن الأستغناء عن التوكيل
انا شايف ان افضل عربيه لحضرتك هى الأوكتافيا a5 ثبات ممتاز و عوامل امان كتير و هتلاقى منها هاى لاين فحدود 110 الف لكن قطع الغيار غاليه شويه

شكرا لحضرتك.
بس انا اعتقد انى بالبلدى مش قد اسكودا. a5 يعنى لقدر الله لو حادثة حصلت هخسر الى ورايا والى قدامى.
بخصوص الانترا. هي الى مخوفنى منها مشكلة الثبات ومشكلة عدم وجود abs
فياريت ناس تفيدنى توضحلى يعنى اية ثباتها وحش وهل فى مودلات فيها abs
والاسعار عاملة ايه من موديل 2009-2011?

[S O P H O S]

لانسر او كورولا

[من غير اسم]

رينو لوجان 2015

[ahmzd]

إذا وجدت بوما أو كورولا بسعر غير مبالغ فيه وحالة جيدة فسيكون ذلك اختيارا مناسبا جدا.
إذا فكرت في الزيرو فممكن لوجان 2015 أو بي واي دي إف 3 أوتوماتيك أو بونتو مانوال ( الأوتو تبدأ من 120 ألف ).
والله أعلم.

[eng.m7md.ali]

الراجل عايز ثبااااات وامان ياجدعان ... لانسر ايه وكورولا ايه وصني ايه

انا بقترح عليك .. جيتا .. جولف 5 .. سوبارو امبريزا .. اوكتافيا .. 320 موديل 2004

[shiko85]

شكرا لحضرتك.
العفو, الشكر لله وحده
بس انا اعتقد انى بالبلدى مش قد اسكودا. a5 يعنى لقدر الله لو حادثة حصلت هخسر الى ورايا والى قدامى.
تمام, انا متفق مع حضرتك و ربنا يحفظنا جميعا من كل شر و سوء
بخصوص الانترا. هي الى مخوفنى منها مشكلة الثبات ومشكلة عدم وجود abs
فياريت ناس تفيدنى توضحلى يعنى اية ثباتها وحش وهل فى مودلات فيها abs
# الثبات
ثبات الألنترا مش وحش هو جيد و افضل كتير من عربيات تانيه لكن للأمانه اقل من عربيات تانيه (الأوكتافيا مثلا) لكن العربيه مش هتتقلب من شويه هواء مثلا
العيوب بتظهر مع السرعه و المناوره و مطبات الهواء و ان كان الحل هو تغيير المساعدين بس ده هيخلى العفشه انشف
لو استخدامك للعربيه معتدل يبقى خلاص ان شاء الله مفيش مشاكل و العربيه هتكون ممتازه و تقدر تسوق بسرعه 140 كم/س
المشكله هى السواقه على سرعه عاليه و عمل مناوره (غرزه عنيفه) و نرجع نقول ان الثبات وحش
و فيه حل تانى بيزود الثبات زى تركيب كاوتش اعرض او تغيير المقاس لـ 16/55/205
# abs
الـ abs موجود فكل الموديلات (وكيل و خليجى) من 2007 لـ 2011 بس معظم الناس كانت بتشترى النترا وكيل اول فئه (بدون abs او airbag) لكن هتلاقى عربيات وكيل فيها abs بس هتلاقى اكتر خليجى و airbag كمان او الـ 2 على حسب الفئه
و الفرق بين الخليجى و الوكيل لصالح الخليجى
والاسعار عاملة ايه من موديل 2009-2011؟
طبعا الأسعار هتختلف على حسب الفئه - الكم - الحاله لكن نقدر نقول ان الأسعار تتراوح من 85 - 115 الف
فيه نقطه اعتقد هتسهل قرار الشراء
الكمال لله وحده و كل حاجه فالدنيا لها مميزات و عيوب و القرار هو اختيار اكتر عربيه تتناسب مع متطلبات حضرتك و الألنترا لها مميزات كتير زى سهوله اعاده البيع - قطع الغيار رخيصه - عربيه جيده جدا كشكل و راحه فالسواقه لها عيوب زى قله وسائل الأمان و ثبات اقل بالمقارنه بعربيات تانيه زى الأوكتافيا اللى فيها عوامل امان اكتر لكن قطع غيار اغلى
حضرتك حدد ايه المطلوب و اللى يناسب ظروفك و بعد كده قرر هل الألنترا مناسبه ولا لأ لان ممكن يكون فيه بدائل تانيه مناسبه اكتر