شارك ولا فلوانس ولا سيراتو

[mahmoud atef]

انشاء الله ناوى اجيب عربيه فى حدود 150000
وعاووزها تكون اعتماديه تستحمل لانى حتحرك بيها كتير جدا وتكون قطع غيارها متوسطه وتكون حماله قسيه لانى مش ناوى اغير قبل 5 سنين ايهما افضل وليه ؟ مع العلم انى عاررف ان كل العربيات ليها عيوب فاحب تكون فيها عيوب بس مش عيوب مؤثره

[yasser100]

الفلوينس القاسم المشترك دائما فى كل المقارنات :)))

ان كنت بتدور على اعتمادية موتور و فتيس . الفلوينس موتور و فتيس نيسان .
ان كنت بتدور على فخامه و بريستيج . الفلوينس افخم .
ان كنت بتدور على اوبشن . الفلوينس اكتر اوبشن .
بتدور على تسارع . الشارك اكتر تسارع .

السيراتو ما تتركبش فى فئة ال 150000 نهائى و باجماع الاراء . السيراتو تركبها هاى لاين او الفئه اللى قبلها .

الفلوينس ب 155000 تانى فئه اوتوماتيك

[M.Radwan]

إن شاء الله ناوى اجيب عربيه فى حدود 150000
وعاووزها تكون اعتماديه تستحمل لانى حتحرك بيها كتير جدا وتكون قطع غيارها متوسطه وتكون حماله قسيه لانى مش ناوى اغير قبل 5 سنين ايهما افضل وليه ؟ مع العلم انى عاررف ان كل العربيات ليها عيوب فاحب تكون فيها عيوب بس مش عيوب مؤثره

في حالتك دي الشارك أفضل اختيار .. خصوصا لو زودت 6 آلاف جنيه كمان وجبت الفئة التالتة

[Egy_fan]

انا نفس حيرتك بس غالبا هزود ل 160 و اروح للسيراتو

[max13]

شارك ثم الفلونس وانسى السيراتو

[Egy_fan]

ليه يا باشا ننسى السيراتو

[hanyyacot]

فلوانس ثم الشارك , الاتنين اعتماديتهم عالية , يبقى التفوق للفلوانس فى الشكل ( اذواق) والاوبشنز ووسائل الامان

[Hosam_Optrawy]

بتدور على تسارع . الشارك اكتر تسارع .

[raedegypt]

انا اشتريت كرولا 2015 تحفه ... انسوا سيراتو ولا فلوانس الكورى اليابانى تحفه

[M.Radwan]

انا اشتريت كرولا 2015 تحفه ... انسوا سيراتو ولا فلوانس الكورى اليابانى تحفه

ايه ده انت قلبت !!

[yasser100]

انا اشتريت كرولا 2015 تحفه ... انسوا سيراتو ولا فلوانس الكورى اليابانى تحفه

مش فاهم يعنى ايه فلوانس كورى دى هههه ؟ هو الكورولا اللى عندك مش تايلاندى برضه و ﻻ ايه ؟ :) . ده حتى الكورولا اللى عندك اقل من اللى بتنزل هنا . ده فتيس اربع سرعات . تحفه ازاى هههه.

[a7med ezz 20]

الكورولا سعرها مافور اوي ، اعتقد اللانسر مميزاتها: تسارع عالي ، قطع غيار متوفره بكثره ومتوسطة السعر ، الفلوانس كل ده بس ذيادة عليهم الفخامه والرفاهية ، سعر اعادة البيع اللانسر تتفوق ، توفر قطع الغيار واسعارها اللانسر تتفوق ، التسارع اللانسر تتفوق ، الفخامة والرفاهية الفلوانس تتفوق .

[S O P H O S]

الشارك اختيار كويس
والمنافس الاقوي هيكون الرينو
مجرد رأي ..

[ahmzd]

الشارك اختيار كويس
والمنافس الاقوي هيكون الرينو
مجرد رأي ..

موافق جدا.. وعايز كمان أضيف الكروز: ممتازة.. والله أعلم.

[raedegypt]

الكرولا ال اشترتها بسم الله ماشاء الله 2015 بلد المنشآ تايوان .. عبد اللطيف جميل المستورد .. جبت بصراحه اول فئه اتوماتيك زجاج كهرباء ... من الاخر عربيه مش تندم انك اشتريتها تحفه .. معاك من غيرك كماليات بس عربيه اعتماديه حلووووووووووة