رينو فلوينس .. سكودا رابيد .. تويوتا اول موديل اوتو ...اوبل استرا اول موديل اوتو

[احمد عزت]

بعد تفكير طويل في شراء سياره بدل بهدلتي انا واسرتي في المواصلات
انا اختياراتي كانت
رينو فلوينس 165 ...سكودا رابيد ..تويوتا اول موديل اوتوماتيك ...اوبل استرا اول موديل اوتوماتيك ....
العربيه انا هدفع 100 الف وهقسط الباقي تبع الشغل
وانا محتاجها اروح ابيها الشغل كل يوم من اكتوبر للقصر العيني مع المشاوير والخروجات وكده
فبدور علي عربيه اعتماديه تكون كويسه
انطباعي
الفلوينس اشيكهم واجملهم
التويوتا حاسسها عمليه اوي
الرابيد مش منتشره
الاوبل الالماني ليه قيمته بس يقلق من التوكيل وقطع الغيار
...
ارجوكم ساعدوني في القرا ر النهائي


تم تعديل العنوان ليتناسب مع المحتوى
تم النقل للقسم المختص
م ب 3

[غزلة]

خليك في الفلوينس

[ياسر يوسف]

رينو خامه وفخامه ..............تويوتا اعتماديه وعمليه وسعر اعاده بيع

[AhmedNaeem]

راي التويوتا افضلهم بس لازم تشتري تاني فئة عشان تلاقي اوبشنز معقولة شوية
غير كده يبقي الفلوانس
وربنا يوفقك ومبروك مقدما

[احمد عزت]

هل الرينو فلوينس فعلا عربيه اعتماديه يعني تستحمل وتعيش وكده ولا مجرد علشان شكل حلو وابشن

[Omar Mahmoud]

اوبل
فلوانس
كورولا
رابيد

[monamize4]

طالما هتشترى بالتقسيط (ودى فكرة انا برفضها اساسا) يبقى هات ارخص عربية
توفرلك احتياجاتك عشان تقلل العبء المادى اللى هيقع عليك

imo ,, هات كروز لانها الارخص و لان فيها esp و لان قطع غيارها منشرة و شكلها شيك

[ENG.MaRk]

أول فئة أوتو من أي موديل بتبقي فاضية و مافيهاش كماليات كافية و خسارة فيها الفلوس ... خليك في الفلوانس بس مش أقل من تاني فئة أوتو عشان تلاقي فيها الكماليات المرضية و ربنا يوفقك

[J A G U A R]

شوف الكروز

[george912]

خليك فى الفلوانس و مش هتندم بأذن الله

[S O P H O S]

الكورولا او الرينو
حسب رغبتك فكمية الاوبشن

[ahmzd]

هل الرينو فلوينس فعلا عربيه اعتماديه يعني تستحمل وتعيش وكده ولا مجرد علشان شكل حلو وابشن

طبعا !! الفلوينس موجودة في مصر من 2010 وثابتة نفسها جدا، ومحدش اشتكى منها أبدا.. وبرضه الكروز والشارك بدايل حلوة جدا.. والله أعلم.

[hanyyacot]

هل الرينو فلوينس فعلا عربيه اعتماديه يعني تستحمل وتعيش وكده ولا مجرد علشان شكل حلو وابشن

اعتمادية وتستحمل زى اليابانى بالظبط , وحتى اول فئة فيها اوبشنز مش هتلاقيها فى تانى فئة فى العربيات التانية , وفرق الفئة التانية فلوانس عن الكورولا اكتر من 20 الف انت اولى بيهم , والله اعلم

[ياسر يوسف]

والشارك والبيجو301 اختيار اكثر عمليه..وارخص وانت اولي بالفرق