محتاج رأي أهل الخبرة في اختيار عربيتي

[mohamed1505]

السلام عليكم ورحمة الله وبركاته

أنا اسمي محمد ودي أول مشاركة ليا هنا

أنا لسة متعلم سواقة جديد وناوي أجيب عربية بإذن الله

والفلوس اللي معايا آخرها 30000 وصعب تزيد عن كده

انا عملت بحث كده عن العربيات اللي ممكن أجيبها بالسعر ده

وكل ما الاقي نوع جديد او اسمع رأي حد جديد أحتار أكتر بس تقريبا الاختيار بقى بالنسبة لي محصور بين :

ابيزا (94) و فيليشيا (94) و كورسا (94)

اللي عرفته ان ابيزا وكورسا مشكلتهم قطع الغيار الغالية

وفيليشيا مشكلتها السخونة وانها خشنة (وانا بصراحة معرفش يعني ايه خشنة لاني لسة جديد في حوار العربيات ده)

فمش عارف بجد اختار وبتمنى انكوا تساعدوني في كده

آسف اني طولت عليكم بس قلة خبرتي مخلياني محتاج رأي ناس خبرة بجد في العربيات

وشكرا مقدما

[ahmzd]

كل عربية هيكون فيها مميزات وعيوب، ولازم تعرف كده كويس قبل ما تضيع وقت وتحتار كتير، أنا معرفش غير الفيليشيا: واسعة وسريعة وعملية ومتينة جدا وموفرة في استهلاك البنزين جدا، معتقدش إن مشكلة السخونة دي - إذا كانت موجودة - مالهاش حل! أما الخشونة فلم تزعجني في شيء وهي حاجة نسبية من واحد للتاني، أما العربيتين التانيين فهتلاقي اللي يفيدك هنا في أحسن منتدى سيارات مصري.. وبالتوفيق بإذن الله تعالى.

[S O P H O S]

والله يا باشا فرأي
تشتري الحالة فالعربية الموديل القديم حتي لو قطع الغيار غالية شوية
طالما متوفرة واصلية يبقي توكل علي الله
يعني اختار الحالة فيهم قبل الماركة علشان متتعبكش بسبب الموديل
والله اعلم

[ENG.MaRk]

ابيزا لو لقيت حالة نضيفة :)

[khaled_yassin]

متابع

[J A G U A R]

شوف حاجه ناعمه زى الاكسيل

[mohamed1505]

شكرا على ردودكم

أنا فعلا حدور في الانواع دي واشوف اللي حييجي تحت ايدي وحالته كويسة

الاكسيل ناس حذروني منها وقالوا ان صاجها ضعيف وكلام من ده وكده كده هي عشان الاقي منها حاجة كويسة حتوصل ل 35