مقارنه بين جراند تيريوس و كارينز

[abokoko]

حضرتك في منها ال2 باب وفى ال4 باب اللي بيطلقوا عليها جران فيتارا
والفرق فى سعة الموتور وطبعا السعر
بس العربيه اعرض وبالتالى هيكون الثبات اعلى
وعن نفسي شكل الفيتارا اجمل و اشيك من التريوس

[elenawy]

الفيتارا ال٢ باب مش هتنفع
و الاربع ابواب انا عمرى مشوفتها ماشيه فى الشارع و كمان ٢٠٠٠ سى سى يعنى بنزين ٩٥ و انا استحاله احط ٩٥
خلينى فى الكارينز او التيريوس.
سؤال للاستاذ الفاضل mohamed-selim :
١_ انت بتحط للكارينز بنزين كام
٢_ هل جربت تحط بنزين ٨٠
٣_ سحبها بيبقى عامل ايه مع بنزين ٨٠
٤_ هل بتحس بفرق بين بنزين ٨٠ و بنزين ٩٢ او ٩٥
٥_ هل سحبها بيقل مع تشغيل التكييف
٦_ ياريت تشرحلنا الفرق بين الاوتوماتيك و الستيبترونيك

[mohamed_selim]

بحط ٩٢ و عمرى ماجربت ٨٠
التكييف بيتقل العربيه فى الطلعه الاولانيه بس مجرد ما تاخد سرعتك العربيه حلاوه
خلى بالك الكارينز ميزتها فى الوسع اللى مش موجود فى اى عربيه بس مش بتاعة جرى و غرز لانها مش هتسعفك لو دى طريقة سواقتك ( بس فى الحالات الطوارئ الاستجابه كويسه جدا)
الاوتوماتيك بينقل لوحده
الستريبترونيك بيخليك تتحكم فى النقلات لو عايز كانها مانوال بس من غير دبرياج

[elenawy]

انا المشكله عندى فى البنزين .
انا معايا اوبترا و بحط بنزين ٨٠ و ماشيه زى الفل
مش عارف بقى الكارينز هتبقى عامله ايه

[elenawy]

هل السحب بيبقى احلى مع الاستيبترونيك ؟؟؟؟؟؟

[mohamed_selim]

سرعة رد الفعل هى اللى اسرع بس السحب هو هو .... لما بكون سايق على طريق مزدوج و عايز اعدى عربيه نقل كنت زمان بقلب ستيبترونيك بس لقيت ان الكيك داون مش بطال و زيه ززى الستيبترونيك

[DR.MG]

انا المشكله عندى فى البنزين .
انا معايا اوبترا و بحط بنزين ٨٠ و ماشيه زى الفل
مش عارف بقى الكارينز هتبقى عامله ايه

ماعدش حد بيحط بنزين 80 لان ببساطة البنزين 92 بيوفر اكتر منة
اللتر ال80 بيمشى مسافة اقل من اللتر 92 بكتير + ان السحب لازم هيقلل والصوت يعلى + البنزين 80 زاد 100% وبنزين 92 زاد 60% بس + ال80 هيبوظلك الماتور اكييد بس بيفرق من عربية والتانية فى امتة هيبوظ لاكنة هيبوظ يعنى هيبوظ + عيوقعك فى مشكلة انك لما تيجى تبيع والزبون يسالك كنت بتمون كام ولو قولتلة 80 يااما مش هيشترى يااما هينزل من السعر كتير ولو كدبت علية وقولتلة 92 هتدخل فى حوار المعصية اللى ماينفعش تتوب بعدها الا لما تدور على الراجل دة وتديلة حقة لان ربنا بيسامح فى المعصية اللى بين العبد وربة مش بين العبد والعبد الا لما المظلوم يسامح