ريو 2015 هاتشباك أو ياريس 2015 هاتشباك

[Eng.A1]

السلام عليكم ورحمة الله
شكرا عالمنتدى العظيم المفيد جدا
لو سمحتم قدامي اني اشتري يارس هاتشباك او ريو هاتشباك 2015 , اليارس مشكلتها بالنسبه لي ان مفهاش فتحه سقف .. بخلاف الريو والإتنين فول أوبشن
انا محتاج عربيه اقتصاديه وإعاده بيعها عاليه وقطع غيارها متوفره , ومحتار بين الإثنين دول
ممكن النصيحه يا أعضاء المنتدى المحترم ..

[M.Radwan]

بالنسبة للحاجات اللى قولتها الاتنين زي بعض تقريبا ..
- إعادة بيعهم عالية
- اقتصادية: أعتقد الياريس أكثر اقتصادية وده معروف عن التويوتا عامة
- الاتنين قطع غيارهم متوفرة
شوف انت مرتاح لمين واشتريها

[Eng.A1]

بالنسبة للحاجات اللى قولتها الاتنين زي بعض تقريبا ..
- إعادة بيعهم عالية
- اقتصادية: أعتقد الياريس أكثر اقتصادية وده معروف عن التويوتا عامة
- الاتنين قطع غيارهم متوفرة
شوف انت مرتاح لمين واشتريها

شكرا عالرد
انا مرتاح للريو ... لكن كل اللي حاليا بيقنوعوني بالياريس عشان ياباني افضل من الكوري

[M.Radwan]

شكرا عالرد
انا مرتاح للريو ... لكن كل اللي حاليا بيقنوعوني بالياريس عشان ياباني افضل من الكوري

أنا شخصيا بحب الياريس أكتر..بس للأمانة مفيش فرق جوهري بين العربتين كـ ركوبة
عشان تحسم الأمر فكر في نفسك وانت بتنزل كل يوم تركب العربية كده..هي مالية عنيك ولا لأ..حاسس انها مناسبة ليك وشيك ولا لأ؟ التابلوه من جوا والدركسيون عاجبك تصميمهم ولا نص نص؟
الحاجات دي هتفرق معاك جامد بعد كده في الاستخدام.
أنهي عربية شدتك أول ما شفتها وقولت بس هي دي العربية اللى أنا عايزها؟
يعني لو هتجيب الياريس عشان كلام الناس مع انك مش مقتنع بيها 100% يبقى بلاش..والعكس مع الريو.

[Eng.A1]

أنا شخصيا بحب الياريس أكتر..بس للأمانة مفيش فرق جوهري بين العربتين كـ ركوبة
عشان تحسم الأمر فكر في نفسك وانت بتنزل كل يوم تركب العربية كده..هي مالية عنيك ولا لأ..حاسس انها مناسبة ليك وشيك ولا لأ؟ التابلوه من جوا والدركسيون عاجبك تصميمهم ولا نص نص؟
الحاجات دي هتفرق معاك جامد بعد كده في الاستخدام.
أنهي عربية شدتك أول ما شفتها وقولت بس هي دي العربية اللى أنا عايزها؟
يعني لو هتجيب الياريس عشان كلام الناس مع انك مش مقتنع بيها 100% يبقى بلاش..والعكس مع الريو.

شكرا على ردك

[ENG.MaRk]

ادفع فرق بسيط و اطلع للكروز

[Eng.A1]

ادفع فرق بسيط و اطلع للكروز

ممكن اعرف السبب .. غير كده انا عاوز هاتشباك

[sherifhs12]

السلام عليكم,انا جديد فالمنتدى وعايز اعرف ازاي اعمل مشاركه
شكرا

[ENG.MaRk]

ممكن اعرف السبب .. غير كده انا عاوز هاتشباك

السبب إن الكروز فئة أعلي و أحلي ... انت عايز هاتشباك يبقي خليك في الريو لأن انتشارها أكتر من الياريس و سيبك من حوار كوري و ياباني !!!
الريو انتشارها أعلي و ده هيفرق معاك بعد كدة في الريسيل و في قطع الغيار

[DR.MG]

شكرا عالرد
انا مرتاح للريو ... لكن كل اللي حاليا بيقنوعوني بالياريس عشان ياباني افضل من الكوري

السلام عليم
موضوع الكورى دة من وجهة نظرى يسرى على الهيونداى مش على الكيا
الشركتين مملوكين لهيونداى ودائما تلاقى اسعار الكيا اكتر من هيونداى فى جميع الفئات
من وجهة نظرى عربيات كيا عموما الكوريين قاصدين ينافسوا بيها العربيات الاوروبى ودة باين فى جودة الخامات والصاج المحمل اكتر فالكيا
شوف كدا المقطع دة
[youtube]https://www.youtube.com/watch?v=giatBQAez7U[/youtube]
بيقولوا ان كيا اوبتما هى البديل الارخص للاودى
يعنى ماجابوش حاجة يابانى تيوتا او هوندا مثلا وقالوا انها هى البديل لان الكيا موجهة علشان تنافس هناك وثابتة مركذها جامد جدا فى اوروبا .
شوف كمان
[youtube]https://www.youtube.com/watch?v=Lcoh9tNHmWo[/youtube]
هتلاقى الخبطة فالجانب الشمال وسمعت فى السقف فى الهونداى والصنى ومسمعتش فالريو يعنى الريو الكورى افضل من الصنى اليابانى

[DR.MG]

بيقولوا ان كيا اوبتما هى البديل الارخص للاودى
يعنى ماجابوش حاجة يابانى تيوتا او هوندا مثلا وقالوا انها هى البديل لان الكيا موجهة علشان تنافس هناك وثابتة مركذها جامد جدا فى اوروبا .
شوف كمان
[youtube]https://www.youtube.com/watch?v=Lcoh9tNHmWo[/youtube]


هتلاقى الخبطة فالجانب الشمال وسمعت فى السقف فى الهونداى والصنى ومسمعتش فالريو يعنى الريو الكورى افضل من الصنى اليابانى

[DR.MG]

هتلاقى الخبطة فالجانب الشمال وسمعت فى السقف فى الهونداى والصنى ومسمعتش فالريو يعنى الريو الكورى افضل من الصنى اليابانى

[S O P H O S]

الريو تصميم جميل وشكل افضل
الياريس اسم تويوتا وتقفيل فرنسي واستهلاك وقود اقل
لو مقتنع بالريو خليك فالكيا لانها مش وحشة فرأي
والله اعلم ..

[Eng.A1]

كفيتو ووفيتو ياشباب ... الف شكر ... هصلي صلاه استخاره و باذن الله هتوكل على الله واقولكم عالنتيجه ..