إعـــــــلان

Collapse

.

,
See more
See less

ارجوكم تعبت من التفكير,, أحسن عربية بحد اقصى 175 ألف

Collapse
X
 
  • Filter
  • الوقت
  • Show
Clear All
new posts

  • ارجوكم تعبت من التفكير,, أحسن عربية بحد اقصى 175 ألف

    محتار جدااا اشترى ايه ,, انا معايا نيسان صنى سوبر صالون الشكل القديم ومحافظ عليها جدا وقررت ابيعها واجيب عربية تانية ,, كنت رايح للكورولا وبصراحة وبعد طول تفكير حسيت ان كتيير اوى سعرها عليها وده مع احترامى للعربية وهى فعلا عربية كويسة بس سعرها كتيير عليها
    علشان كده فكرت انى ادور على عربية تكون احسن قيمة سعرية او احسن استثمار مقابل الفلوس وبالتالى قررت اخلى الميزانية 175 ألف بحد اقصى وده خلانى بقارن بين
    فلوانس - سنترا - شارك وطبعا اتمنى حد من اهل الخبرة هنا فى المنتدى يفيدنى برأيه او لو عنده اختيار تانى
    بالمناسبة انا بدور على عربية شيك من بره وفخمة من جوه علشان احس بالتغيير وتكون اعتمادية عالية وقليلة الأعطال سحب وثبات ممتازين او جيد جدا على الأٌقل وتوكيل محترم فى التعامل وعندهم ضمير فى الصيانات وتوافر قطع الغيار- سعر اعادة البيع مش فارق بالنسبة لى خالص - محتاج الأوبشن الأساسية واهما الأوبشن الخاصة بالفرامل وعوامل الأمان والثبات والسنتر لوك ومرايات كهربا ظبط وضم وسى دى و ويو اس بى والباقى خير وبركة
    ومحتار علشان:
    1- الفلوانس احسن اختيار كقيمة مقابل السعر بس مش لاقى رد قاطع عن سحبها وثباتها بلاقى ناس بتشكر فى ان السحب بقى احسن والثبات ممتاز فى موديلات 2015 وناس لسه بتشتكى ان التسارع وحش جدا والثبات كويس بس مش ممتاز يعنى ومش عارف موضوع زيت الموتور اللى بيخس ده ايه نظامه
    2- السنترا بصراحة عجبانى علشان انا مرتاح جداا مع اتوتو ايجيب كوكيل ونفسى اكمل فحاجة نيسان تانى بس لسه العربية جديدة ومجهولة ومعرفش عنها اى حاجة كتسارع او ثبات او اداء وشكل الكاسيت ومفاتيح التكييف وحش اوى اوى وحاسس ان خاماتها مش اد كده
    3- الشارك 2015 الكلام عنها كويس جدا جدا وانا ممكن بالميزانية دى اجيب اعلى فئة بس الناس كلها بتتكلم عن العزل السيئ جداا وميزة ان سحبها ممتاز ده بعد ما العربية تبقى على سرعة 80 مثلا لكن طلعتها برضه بطيئة وفيه ناس بتشتكى من التوكيل انه سيئ جدا وناس بتشكر والله واعلم
    اسف لو طولت عليكما بس علشان ابقى قلت كل التفاصيل واتمنى الاقى نصيحة من اهل الخبرة والأمانة فى النصيحة ارجوكم بجد محتاااااااااااااااااااارررر

  • #2
    المشاركة الأصلية كتبت بواسطة roland مشاهدة المشاركة
    محتار جدااا اشترى ايه ,, انا معايا نيسان صنى سوبر صالون الشكل القديم ومحافظ عليها جدا وقررت ابيعها واجيب عربية تانية ,, كنت رايح للكورولا وبصراحة وبعد طول تفكير حسيت ان كتيير اوى سعرها عليها وده مع احترامى للعربية وهى فعلا عربية كويسة بس سعرها كتيير عليها
    علشان كده فكرت انى ادور على عربية تكون احسن قيمة سعرية او احسن استثمار مقابل الفلوس وبالتالى قررت اخلى الميزانية 175 ألف بحد اقصى وده خلانى بقارن بين
    فلوانس - سنترا - شارك وطبعا اتمنى حد من اهل الخبرة هنا فى المنتدى يفيدنى برأيه او لو عنده اختيار تانى
    بالمناسبة انا بدور على عربية شيك من بره وفخمة من جوه علشان احس بالتغيير وتكون اعتمادية عالية وقليلة الأعطال سحب وثبات ممتازين او جيد جدا على الأٌقل وتوكيل محترم فى التعامل وعندهم ضمير فى الصيانات وتوافر قطع الغيار- سعر اعادة البيع مش فارق بالنسبة لى خالص - محتاج الأوبشن الأساسية واهما الأوبشن الخاصة بالفرامل وعوامل الأمان والثبات والسنتر لوك ومرايات كهربا ظبط وضم وسى دى و ويو اس بى والباقى خير وبركة
    ومحتار علشان:
    1- الفلوانس احسن اختيار كقيمة مقابل السعر بس مش لاقى رد قاطع عن سحبها وثباتها بلاقى ناس بتشكر فى ان السحب بقى احسن والثبات ممتاز فى موديلات 2015 وناس لسه بتشتكى ان التسارع وحش جدا والثبات كويس بس مش ممتاز يعنى ومش عارف موضوع زيت الموتور اللى بيخس ده ايه نظامه
    2- السنترا بصراحة عجبانى علشان انا مرتاح جداا مع اتوتو ايجيب كوكيل ونفسى اكمل فحاجة نيسان تانى بس لسه العربية جديدة ومجهولة ومعرفش عنها اى حاجة كتسارع او ثبات او اداء وشكل الكاسيت ومفاتيح التكييف وحش اوى اوى وحاسس ان خاماتها مش اد كده
    3- الشارك 2015 الكلام عنها كويس جدا جدا وانا ممكن بالميزانية دى اجيب اعلى فئة بس الناس كلها بتتكلم عن العزل السيئ جداا وميزة ان سحبها ممتاز ده بعد ما العربية تبقى على سرعة 80 مثلا لكن طلعتها برضه بطيئة وفيه ناس بتشتكى من التوكيل انه سيئ جدا وناس بتشكر والله واعلم
    اسف لو طولت عليكما بس علشان ابقى قلت كل التفاصيل واتمنى الاقى نصيحة من اهل الخبرة والأمانة فى النصيحة ارجوكم بجد محتاااااااااااااااااااارررر
    انت ماشاء الله جبت الخلاصة ياباشا وحللت كل عربية علي حدة انا راي تتوكل علي الله فلوانس احسن اختيار بالسعر دة ومع اتنين صحتبي منبهرين بيها مع ان واحد فيهم معاه فيرنا بتجري زي الرهوان بس مبسوط اوي برضة من التسارع في الفلوانس
    وفعلا سنترا رهيبة ممن برة تدخل جواها تتقفل وتزعل اوي بسبب فقر التابلوه
    ربنا يوفقك للي فيه الخير ليك يارب

    Comment


    • #3
      المشاركة الأصلية كتبت بواسطة marwanragab مشاهدة المشاركة
      انت ماشاء الله جبت الخلاصة ياباشا وحللت كل عربية علي حدة انا راي تتوكل علي الله فلوانس احسن اختيار بالسعر دة ومع اتنين صحتبي منبهرين بيها مع ان واحد فيهم معاه فيرنا بتجري زي الرهوان بس مبسوط اوي برضة من التسارع في الفلوانس
      وفعلا سنترا رهيبة ممن برة تدخل جواها تتقفل وتزعل اوي بسبب فقر التابلوه
      ربنا يوفقك للي فيه الخير ليك يارب
      ياباشا اشكرك على ردك وتبقى عملت فيا خير لو سألتهم عن رايهم فى توكيل الفلوانس ومشكلة نقص زيت الموتور وكان فيه ناس بتقول ان توكيل رينو بيحط زيت موتور توتال مش مطابق للمواصفات

      Comment


      • #4
        المشاركة الأصلية كتبت بواسطة roland مشاهدة المشاركة
        ياباشا اشكرك على ردك وتبقى عملت فيا خير لو سألتهم عن رايهم فى توكيل الفلوانس ومشكلة نقص زيت الموتور وكان فيه ناس بتقول ان توكيل رينو بيحط زيت موتور توتال مش مطابق للمواصفات
        حاضر والله من عنيا بكرة هرد عليك في واحد فيهم معايا في الشغل ودايس العربية وعارف فيها كل حاجة هسأله بكرة وهقولك انشاءالله

        Comment


        • #5
          المشاركة الأصلية كتبت بواسطة roland مشاهدة المشاركة
          ياباشا اشكرك على ردك وتبقى عملت فيا خير لو سألتهم عن رايهم فى توكيل الفلوانس ومشكلة نقص زيت الموتور وكان فيه ناس بتقول ان توكيل رينو بيحط زيت موتور توتال مش مطابق للمواصفات
          تسلم ياباشا وشكرا مقدما على تعبك

          Comment


          • #6
            المشاركة الأصلية كتبت بواسطة roland مشاهدة المشاركة
            تسلم ياباشا وشكرا مقدما على تعبك
            ياباشا احنا اخوات وانا مجرب الحيرة دي وبتبقي ضغط واكتئاب وقرف انك معاك فلوس ومش عارف تركب انهي عربية بس حاول متدخلش الموود دة وخد وقتك والله وهي هتيجي لوحدها انا في الاخر حجزت النيو قاشقاي بعد لف وحيرة بس هيا اللي شدتني فا انت اصبر وكله خيير انشء الله

            Comment


            • #7
              الرينو او الشارك الي ترتاح ليها اكتر
              وفي الكروز اقل فالسعر شوية

              Comment


              • #8
                المشاركة الأصلية كتبت بواسطة ROLAND مشاهدة المشاركة
                ياباشا اشكرك على ردك وتبقى عملت فيا خير لو سألتهم عن رايهم فى توكيل الفلوانس ومشكلة نقص زيت الموتور وكان فيه ناس بتقول ان توكيل رينو بيحط زيت موتور توتال مش مطابق للمواصفات
                نقص الزيت باختصار ... كانت فى حالات فرديه مو 2014 و كان التوكيل مش عارف السبب و كان بيغير الموتور كله فى الضمان ... و دى نقطه لصالح التوكيل ...
                لما بعتو موتور لفرنسا لتحليله ... اتضح ان العيب كان فى فالف valve فقط و اعاده برمجته ...
                و بالتالى اى عربيه بعد كده راحت بنقص زيت كانو بيغيرو الفالف فقط او اعاده برمجته و النقص انتهى ...
                و الموضوع ده ان ظهر بيبقى فى اول ٦/٧ الاف كم ...
                و اغلب الناس مو ٢٠١٤ و حاليا كل ٢٠١٥ مظهرش اى حاجه .. و فيه عربيات مو ٢٠١٤ عامله ٢٥ الاف كم ...
                فحضرتك اطمن من الموضوع ده لانه تم معرفه السبب و انتهى ...

                بخصوص نوع الزيت المستعمل فى التوكيل فهو توتال 40-5 ... و مفيش منه اى مشكله ...
                لكن الناس الى استعملت انواع اخرى 30/5 قالت ان صوت الموتور هدى شويه كصوت ... ده كل الموضوع ...
                تحياتى ...
                [SIZE="4"][COLOR="Navy"]Eng. Safwat Saleh[/COLOR][/SIZE]
                [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

                Comment


                • #9
                  فوكس
                  ثم كروز
                  ثم فلوانس
                  [COLOR=Black]الحمد لله عدد ما احصى كتابه و الحمد لله على ما احصى كتابه
                  الحمد لله ملء ما فى السموات و ملء ما فى الارض و ملء ما بينهما [/COLOR]
                  [img2]http://nileup.com/up/uploads/nilemotors_13651184541.jpg[/img2][COLOR=Black]
                  [SIZE=4] You decide on your speed. Physics decides whether you live or die(بأمر الله طبعا)[/SIZE][/COLOR]

                  Comment


                  • #10
                    خليك في الفلوانس ... عربية جميلة جدا ... فتيس cvt ... موفرة في البنزين و سحب كويس و بتجري و مشكلة نقص الزيت ديه كانت في موديل 2014 و كانت في بعض الحالات الفردية بسبب شحنة كاملة اتسلمت و لكن اتصلحت و اتحلت المشكلة ... الفلوانس باختصار شياكة فرنسية باعتمادية يابانية :)
                    لو عايز حاجة أحسن خليك في الأسترا كوزمو ب 195000 بالظبط و ممكن تلاقيها أرخص في بعض المعارض ... اللي يدفعك 175000 يخليك تكملهم ل 195000 بس هاحس بالفرق

                    Comment


                    • #11
                      المشاركة الأصلية كتبت بواسطة batman372 مشاهدة المشاركة
                      نقص الزيت باختصار ... كانت فى حالات فرديه مو 2014 و كان التوكيل مش عارف السبب و كان بيغير الموتور كله فى الضمان ... و دى نقطه لصالح التوكيل ...
                      لما بعتو موتور لفرنسا لتحليله ... اتضح ان العيب كان فى فالف valve فقط و اعاده برمجته ...
                      و بالتالى اى عربيه بعد كده راحت بنقص زيت كانو بيغيرو الفالف فقط او اعاده برمجته و النقص انتهى ...
                      و الموضوع ده ان ظهر بيبقى فى اول ٦/٧ الاف كم ...
                      و اغلب الناس مو ٢٠١٤ و حاليا كل ٢٠١٥ مظهرش اى حاجه .. و فيه عربيات مو ٢٠١٤ عامله ٢٥ الاف كم ...
                      فحضرتك اطمن من الموضوع ده لانه تم معرفه السبب و انتهى ...

                      بخصوص نوع الزيت المستعمل فى التوكيل فهو توتال 40-5 ... و مفيش منه اى مشكله ...
                      لكن الناس الى استعملت انواع اخرى 30/5 قالت ان صوت الموتور هدى شويه كصوت ... ده كل الموضوع ...
                      تحياتى ...
                      فعلا لما سألت صاحبى معاه فلوانس 2014 عاملة 20000 كيلو دلوقت ومشوارة اليومى كل يوم من الشروق للمهندسين وأكدلى نفس كلام باتمان دة وقال ان كانت حالات فردية وحتة هوا فى أول 1000 كيلو كان عندوا نفس القلق راح توكيل رينو وقالهوم العربية بتاكل زيت وكدة قالولوا لو العربية فيها حاجة والله مش هتمشى الا لما نظبطها وطلعت العربية سليمة وكان الطبيعى عشان فى اول 1000 كيلو مش اكتر فا الزيت اللى فيها كان خفيف وبيتحرق بسرعة والعربية معاه تمام وغير كدة مشكلة المواتير دى فى كذا باتش طلعوا فى الأول وخلاص كانت غلطة لكن الموتور دة متجرب فى عربيات كتيير (قاشقاى-تيدا-فلوانس-سنترا) فا مفيش فيه عيوب دى كانت عيب صناعة وخلاص والتوكيل بيقولى تمام وانهم معاملتهم كويسة اوى والزيت التوتال بيقولى اصلا الموتور مش محتاج اكتر من كدة وانه مجرب توتال من ساعة ماكان معاه اللوجان والموتور سحبة واداؤه متغيرش

                      Comment


                      • #12
                        يا فندم لو عاجباك الفلوانس اشتريها وانت مغمض وماتقلقش من اى حاجة , سحب العربية ممتاز وثباتها ممتاز , ومشكلة الزيت ظهرت فى حالتين او 3 بس , ومكانتش مشكلة اصلا , العربية اعتماديتها عالية وشياكة من جوة وبرة , لمسة شياكة فرنسى مع موتور وعملية الاداء اليابانى

                        Comment


                        • #13
                          المشاركة الأصلية كتبت بواسطة s o p h o s مشاهدة المشاركة
                          الرينو او الشارك الي ترتاح ليها اكتر
                          وفي الكروز اقل فالسعر شوية
                          فعلا الكروز سعرها كويس وانا فكرت فيها بس بصراحة خفت من التوكيل علشان مافيش اى حد شفته بيشكر فى منصور ( ولاايه رأيك)

                          Comment


                          • #14
                            المشاركة الأصلية كتبت بواسطة batman372 مشاهدة المشاركة
                            نقص الزيت باختصار ... كانت فى حالات فرديه مو 2014 و كان التوكيل مش عارف السبب و كان بيغير الموتور كله فى الضمان ... و دى نقطه لصالح التوكيل ...
                            لما بعتو موتور لفرنسا لتحليله ... اتضح ان العيب كان فى فالف valve فقط و اعاده برمجته ...
                            و بالتالى اى عربيه بعد كده راحت بنقص زيت كانو بيغيرو الفالف فقط او اعاده برمجته و النقص انتهى ...
                            و الموضوع ده ان ظهر بيبقى فى اول ٦/٧ الاف كم ...
                            و اغلب الناس مو ٢٠١٤ و حاليا كل ٢٠١٥ مظهرش اى حاجه .. و فيه عربيات مو ٢٠١٤ عامله ٢٥ الاف كم ...
                            فحضرتك اطمن من الموضوع ده لانه تم معرفه السبب و انتهى ...

                            بخصوص نوع الزيت المستعمل فى التوكيل فهو توتال 40-5 ... و مفيش منه اى مشكله ...
                            لكن الناس الى استعملت انواع اخرى 30/5 قالت ان صوت الموتور هدى شويه كصوت ... ده كل الموضوع ...
                            تحياتى ...
                            أشكر حضرتك على الرد بس المعلومات دى انا جبتها من منتدى الرينو وهما فعلا كانوا بيشتكوا ان زيت توتال المستخدم بيخللى صوت الموتور عالى علشان ده مش بتاعها والمفروض اللى يتحط هوه 5/30 لكن توتال مش متوافر فيها ده والتوكيل بيحط التانى اجبارى اللى مأثر على الموتور وبيخللى صوته عالى ,, ؟؟

                            Comment


                            • #15
                              المشاركة الأصلية كتبت بواسطة hanyyacot مشاهدة المشاركة
                              يا فندم لو عاجباك الفلوانس اشتريها وانت مغمض وماتقلقش من اى حاجة , سحب العربية ممتاز وثباتها ممتاز , ومشكلة الزيت ظهرت فى حالتين او 3 بس , ومكانتش مشكلة اصلا , العربية اعتماديتها عالية وشياكة من جوة وبرة , لمسة شياكة فرنسى مع موتور وعملية الاداء اليابانى
                              نفسى حد يأكد لى موضوع السحب والثبات فى الفلوانس علشان فى منتديات الرينو والناس اللى بتقارن الفلوانس بالكورولا فيه ناس بتقول ان العربية طلعتها بطيئة جدا وسحبها كتسارع مش حلو وبتجمع ببطء وكذلك الثبات على السرعات العالية مش اد كده وناس تانية بتقول لأ سحب كويس وثبات كويس
                              علشان كده نفسى حد من ملاك الفلوانس يأكد موضوع السحب والثبات
                              ويكون يقصد بالسحب بمعنى التسارع او التجميع من الصفر وكذلك الثبات على السرعات العالية وفى المناورة والمنحنيات

                              Comment

                              Working...
                              X