مقارنة بين سيات ابيزا 2014 و شارك 2015 ؟

[Hossam_Ezaby]

انا علي وشك شراء سيارة جديدة و بعد بحث طويل محتار ما بين سيات ابيزا 2014 hl و ميتسوبيشي شارك 2015 الفئة الثانية ؟

ارجو المساعدة بآرائكم وشكرا مقدما.

[marwanragab]

في المقارنة اختار شارك عشان اوسع واعتمادية اعلي وقطع غيار اسهل ايبيزا تطورت ورائعة واافتيس بتاعها تسارع رهيب بس لسه في مرحلة الاختبار وفيه عيوب بتظهر اكيد مش مع كل الناس بس مش معروف اسباب المشاكل
والله اعلم ياباشا ويوفقك الاختيار الصحيح انشاء الله

[Hossam_Ezaby]

شكرا يا marwanragab على رأيك :]

[ahmed.Elashy]

الشارك فقيره ف الامكانيات وتابلوه قدييم جدا بس واسعه وياباني واعتماديه جدا ..يعيبها انها مفيش اكصدام امامي اي خبطه بتيجي ف الموتور علطول

الابيزا اصغر منها ومش كبيره بس الماني بالكامل تسارع وموتور ومتعه قياده وتوفير بنزين

[max13]

شارك طبعا علشان متبقاش قلقان من موضوع الفتيس على الرغم ان الابيزا افضل فى شكل المقصورة الداخليه

[M.Radwan]

في المقارنة دي قلبي مع الإبيزا وعقلي مع الشارك!

[S O P H O S]

فعلا الشارك اعتمادية
لكن الابيزا حاجة تانية لولا ان لسه الفتيس معداش ال 100 الف مع الناس
كنت بثقة اخترت الابيزا

[Hossam_Ezaby]

شكراً جدا لكم على آرائكم و واضح إن الشارك أضمن حاليا من الإبيزا و إن كانت الشارك افقر من الإبيزا داخليا..

[marwanragab]

شكراً جدا لكم على آرائكم و واضح إن الشارك أضمن حاليا من الإبيزا و إن كانت الشارك افقر من الإبيزا داخليا..

الشارك افقر بكتيييييير بس للاسف ثقافة الشعب تلمصري في البيع والشراء وكمان مشكلة الفتيس ال dsg
اللي انا راي لما جربتة انه رهيب بس عامل زي متيكوون حاجة جامدة اوي بس انت قلقان منها بسبب كلام سمعته من نااس فا معلش خليك في المضموون وانشاءالله مش اخر عربية ياباشا وتركب احسن منها بعد كدة

[wella3330]

ابعد عن ال dsg وغنيله !!

[ahmzd]

الشارك أضمن لكن الإبيزا أفضل.. والله أعلم.

[Sherif Mandoor]

خليك فى المضمون شارك

[Hossam_Ezaby]

شكرا جدا لكل اللى افادنى برأيه و خبرته .