ارجو النصيحة .. عربية في حدود 200,000

[snoop7oss]

السلام عليكم ..
لو ممكن اخد نصايحكم بخصوص عربية في حدود 170,000-220,000 . تعبت من التفكير اوكتافيا تاني فئة ولا كورولا تاني فئة ولا فلوينس E3, ولا فوكس تاني فئة ولا سوباروxv, ولا ادخل علي كسر الزيرو من البيجو 508 او الفانتازيا او لا البي ام ...
لا يهم اعادة البيع .. ويهم نوافر قطع الغيار واسعارها ..
وشكرا

[hanyyacot]

فى رأيى انك لو عايز توفر شوية تجيب فلوانس e3 وتوفر حوالى 50 الف وهتاخد عربية محترمة جدا ك اداء وفخامة واوبشنز , لو عايز تعلى اعتقد الاوكتافيا تانى فئة تبقى اختيار كويس , مافضلش عن نفسى ادفع مبلغ كبير فى عربية مستعملة حتى لو كسر زيرو , والله اعلم

[ENG.MaRk]

مادام ال508 دخلت في الموضوع يبقي هي الاختيار المناسب

[yasser100]

الفلوينس هاى ﻻين e3sr ب 188 الف . صافقه رابحه جدا و قيمه مقابل السعر . الزيرو زيرو حتى لو توك توك .

[scientist9508]

بسم الله الرحمن الرحيم

اﻷخ الفاضل snoop7oss

قبل أن أبدأ بعرض رأى الشخصى أود أن أضم صوتى لصوت الزملاء الذين يطالبونك باﻹبتعاد عن كسر الزيرو و المستعمل. ﻻ شىء يضاهى السياره الجديده.

كل السيارات التى ذكرتها رائعه و ﻻ غبار عليها. و أرى أن المقارنه ﻻ يمكن أن تنعقد من اﻷساس بين هؤﻻء. لذلك أنت يا أخى الفاضل وحدك القادر على إنهاء هذه الحيره.

سأخبرك بما يميز كل سياره (من وجهة نظرى التى أعرضها و ﻻ أفرضها)

1 - اﻷناقه و الفخامه الداخليه تكون لصالح فورد فوكس
2 - جمال الشكل الخارجى يكون لصالح تويوتا كوروﻻ
3 - اﻵداء المبهر و اﻹعتماديه الكبيره و العمر الطويل بنفس الكفاءه تكون لصالح السوبارو (سواء إمبريزا أو XV )
4 - الرفاهيه و اﻷوبشنز الكثيره جدآ و الممتعه تكون لصالح الفلوينس
5 - أما عن اﻷوكتافيا فأنا و بكل دقه ﻻ أعلم عنها التفاصيل الدقيقه لذلك ملاك اﻷوكتافيا يفيدوك أكثر منى فى هذا الشأن.

قليل من الملحوظات:
1 - ما يميز أى سياره منهم ﻻ ينتقص من شأن أى سياره أخرى و لكنه أبرز ما تتفوق فيه هذه السياره عن الباقى من وجهة نظرى
2 - إن قدر الله لك شراء أى منهم فأنت رابح على أى حال

هداك الله ﻷرشد أمرك و أقومه

السلام عليكم و رحمة الله و بركاته

[Mahmoud.hamedm]

القى نظرة عن كثب على السيارة اوبل انسجنيا
احنا كنا مثل حضرتك وكنا ناويين على الاوكتافيا ولكن الاوبل شئ رائع بالفعل
واعتقد مبلغ زى اللى حضرتك كتبته يجعلك تختار موديلات المانى او على الاقل مكونات ألمانيا

[snoop7oss]

[QUOTE=Mahmoud.hamedm;3875841472]القى نظرة عن كثب على السيارة اوبل انسجنيا
احنا كنا مثل حضرتك وكنا ناويين على الاوكتافيا ولكن الاوبل شئ رائع بالفعل
واعتقد مبلغ زى اللى حضرتك كتبته يجعلك تختار موديلات المانى او على الاقل مكونات ألمانيا[
شكرا ا. محمود على النصيحة بس اعتقد سعرها بعيد عني شوية .. اكيد نفسي فيها :)

[snoop7oss]

شكرا استاذ scientist9508 على التفصيل الرائع .. وانا ميال للفوكس لو عند حضرتك معلومات اكتر

[snoop7oss]

شكرا ا.هاني , ا. ياسر
معلومات قيمة وياريت باعتبار حضراتكو من ملاك الفليونس تفيدوني اكتر عن مميزاتها وعيوبها وهل الاشاعات المنتشرة عن اسعار الصيانة وقطع الغيار .. ولو حصرت المنافسة بينها وبين الفوكس ..
وشكرا

[snoop7oss]

Eng.Mark ..شكرا لردك ونصيحتك

[hanyyacot]

شكرا ا.هاني , ا. ياسر
معلومات قيمة وياريت باعتبار حضراتكو من ملاك الفليونس تفيدوني اكتر عن مميزاتها وعيوبها وهل الاشاعات المنتشرة عن اسعار الصيانة وقطع الغيار .. ولو حصرت المنافسة بينها وبين الفوكس ..
وشكرا

بالنسبة لقطع الغيار و الصيانات الفلوانس زيها زى باقى العربيات اللى فى سعرها . كلهم بيستهبلوا. لو المقارنة مع الفوكاس . و عربية قدام عربية ، انا شايف ان الفوكاس تكسب فى حاجات كتير . وانا اصلا باحترم الفوكاس جدا. لكن وخللى بالك اوى من لكن دى . تقدر تعتبر الفوكاس من غير توكيل و قطع غيار لو لقيتها بتبقى غالية اوى. وبتوصل انك ممكن تبعت تجيبها من برة. ده غير سعر اعادة بيع ضايع . اتأكد برضه من موضوع انها تمشى بنزين 92 عادى اانى كنت سمعت - ومش متأكد - ان لازملها 95 . عموما انا عن نفسى اتمنى تبقى عربيتى فوكاس . بس بصراحة خوفت اوى من النقط اللى قلتلك عليها . فى المقابل الفلوانس عربية محترمة وهاتيديلك كل اللى انت عايزه . من الاخر كده واسف على التشبيه. الفلوانس عاملة زى الست الحلوة اللى تملى عينيك زماتخليكش تبص لحد غيرها . حتى لو فة اجما منها بس هى برضه مالية عينيك وبتدياك كل اللى انت عايزه

[yasser100]

شكرا ا.هاني , ا. ياسر
معلومات قيمة وياريت باعتبار حضراتكو من ملاك الفليونس تفيدوني اكتر عن مميزاتها وعيوبها وهل الاشاعات المنتشرة عن اسعار الصيانة وقطع الغيار .. ولو حصرت المنافسة بينها وبين الفوكس ..
وشكرا

الفورد شركه محترمه و الفوكاس ماركه محترمه . يعيبها بقوه عدم انتشارها و تذبذب التوكيل من مالك لاخر . قطع غيارها قليله و بعضها اسعار خرافيه .

يعيبها برضه ضيق مساحة الصالون بشكل ملحوظ و لكن هيه الاعلى ثبات فى السرعات فى الفئه دى بس هاتمشى على سرعات 170 و 180 هنا فى مصر فين ؟

سوقها مستعمل سئ جدا و ان كان ﻻ يهمك النقطه دى .

الفلوينس قطع غيارها اسعارها عاديه و اسعار صيانتها عاديه بالنسبه للفئه دة مع ملاحظة احنا مش بنتكلم عن اسعار قطع غيار فيرنا او ﻻنوس .
عربيه عائليه مساحة صالون و شنطه حتى ظاهر فى حجمها الخارجى .
شكل العربيه اكيد انت شوفته و ده طبعا اذواق .
الثبات جيد جدا حتى 160 اكتر من كده الفورد تكسب .
بعض خامات الصالون الفورد افضل .
اعادة البيع و الاعتماديه افضل من الفوكاس .
استهلاك بنزين افضل من الفوكاس 5 لتر لكل 100 كم للفلوينس مقابل 9 لتر لكل 100 كم فى الفوكاس .
الفخامه انا شايف الفلوينس اعلى بس دى حاجه بترجع لكل شخص .

و باالتوفيق انشاء الله

[superdry90]

مالها الاسترا اعتقد انها تستحق تكون موجودة في المقارنة دي و اثبتت انتشارها في السوق المصري ؟

[S O P H O S]

البيجو الافضل بس مين هيبع بسرعة كده
الكورولا او الرينو لو هتشتري زيرو
السوبارو فئة غيرهم

[snoop7oss]

شكرا لرد حضرتك .. انا عارف ان السوبارة والقاشقاي الجديدة فئة تانية .. بس مفيش مانع يدخلو المقارنة طول مالسادة الاعضاء قالو عليهم كلام كويس..
بالنسبة للاسترا انا مطلعها لان معايا فيكترا وخاربة بيتي في قطع الغيار المستعملة بسعر فطع الياباني الجديد وشايف مثل لاحد قرايبي العربية خدت خبطة بسيطة .. اتصلحت ب 21 الف جنيى . لولا التأمين كان شالهم