١٠٠ الف زيرو قسط

[D M E]

السلام عليكم

انا وجوزى ان شاء الله ناوين نشترى عربية زيرو بالقسط فى حدود من ٩٥ ل ١٠٥ الف
واحتارنا بين كتير منهم الكورى زى افيو وبيكانتو وجراند
ومنهم اليابانى زى السويفت وبشرط اساسى الاوتوماتيك وعشان كدة استبعدنا الرينو
وطبعا احنا فضلنا السويفت لكن وقعنا ف فخ الاوفر برايس الى وصل ل ١٦ الف عن سعر الوكيل
ارجو النصيحة من زوى الخبرة باسرع وقت
ولكم جزيل الشكر

[hanyyacot]

والله يافندم سؤالك بيمثل مشكلة كبيرة لناس كتير . وللاسف ال 100 الف دلوقتى مش هتلاقى بيهم حاجة كويسة ترضيكى . انا رأيى الشخصى انكوا تحاولوا تزودوا المبلغ شوية لحد 115 مثلا و ساعتها هايبقى عندك اختيارات احسن زى بروتون جين 2 او نيسان صنى . وياريت حد يفيدك احسن منى

[D M E]

والله يافندم سؤالك بيمثل مشكلة كبيرة لناس كتير . وللاسف ال 100 الف دلوقتى مش هتلاقى بيهم حاجة كويسة ترضيكى . انا رأيى الشخصى انكوا تحاولوا تزودوا المبلغ شوية لحد 115 مثلا و ساعتها هايبقى عندك اختيارات احسن زى بروتون جين 2 او نيسان صنى . وياريت حد يفيدك احسن منى

شكرا جدا لاهتمامك

بس انا السعر جايب اخره معايا دة غير انى مش عايزة عربية ضخمة لانى بسوق جديد

[hanyyacot]

هو حرام الافيو و البيكانتو و الاى تن يتدفع فيهم 100 الف . ولو هاتشتروا بالتقسيط ال 15 الف مش هايفرقوا كتير . و الجين 2 حجمها يعتبر صغير برضه و ملمومة . طبعا حضرتك ادرى بظروفك . عايز اقولك ان الافيو دلوقتى سعرها وصل ل 108 مع انها كلها مشاكل . شفتى استهبال اكتر من كده ؟؟؟عموما ده رأيى الشخصى و ربنا يوفقكوا

[abdoumahros]

السلام عليكم

انا وجوزى ان شاء الله ناوين نشترى عربية زيرو بالقسط فى حدود من ٩٥ ل ١٠٥ الف
واحتارنا بين كتير منهم الكورى زى افيو وبيكانتو وجراند
ومنهم اليابانى زى السويفت وبشرط اساسى الاوتوماتيك وعشان كدة استبعدنا الرينو
وطبعا احنا فضلنا السويفت لكن وقعنا ف فخ الاوفر برايس الى وصل ل ١٦ الف عن سعر الوكيل
ارجو النصيحة من زوى الخبرة باسرع وقت
ولكم جزيل الشكر

شوفي بروتون ساجا

عربيه قويه وفيها مميزات كتير
عيبها الوحيد ان استهلاكها جوه البلد زياده شويه في البنزين بش موش اوي يعني
وده مقابل مميزات كتير منها الصالون متسع وشنطه كبيره وثبات رائع

[hanyyacot]

شوفي بروتون ساجا

عربيه قويه وفيها مميزات كتير
عيبها الوحيد ان استهلاكها جوه البلد زياده شويه في البنزين بش موش اوي يعني
وده مقابل مميزات كتير منها الصالون متسع وشنطه كبيره وثبات رائع

سؤال يا فندم لو سمحت . هى الساجا بينزل منها جديد دلوقتى ؟؟؟ وسعرها كام . وانا عارف ان تقريبا موتورها 1300 . ازاى بتسحب بنزين كتير ؟؟

[hamisa08]

متابع وانا فى نفس الحيرة من شهرين
وكانت البدائل قدامى لوجن بس اسعار قطع غيارها غالية وعربية عائلية اووى " بطة فى سحبها و جريها "

و البروتن ساجا بس للاسف مش لاقى اى افادة عنها !!

[mohamed1992]

في نفس الحيرة بالظبط .. لكن افيو و بيكانتو بلاش خالص حرام عليهم السعر و فكرت في الكسر زيرو صني سويفت كلام زي ده و لسه في نفس الحيرة مابين زيرو صني و سويفت ديزاير و جراند بونتو ... و الجين تو استبعنها عشان استهلاك البنزين عالي جدا و ياريت الناس تنصحنها بردو

[corsair]

انتظري لشهر 3 القادم هتنزل اللوجان الاوتوماتيك في معرض فورميلا الاهرام

الاختيارات المتاحه قدامك دلوقتي هتبقي كالتالي بي واي دي اتوماتيك وطبعا انا غير مقتنع بالاتوماتيك في العربيات الصيني لكن المانيوال في البي واي دي مفيهوش مشاكل

الهيوانداي جراند i10 ودي مفيهاش اي وسائل امان هيه فيرنا علي صغير شوية وصالونها اضيق من الفيرنا

الافيو وسعرها دلوقتي معدي ال 105 الف وانا حرام اساسا ادفع فيها مبلغ زي ده

السويفت العربية جميلة جدا ولو تعرفي تجيبيها من التوكيل وتنتظري يبقي افضل الاختيارات في الواقت الحالي

غير كدا انا بقولك متتعبيش نفسك في التدوير

[D M E]

انتظري لشهر 3 القادم هتنزل اللوجان الاوتوماتيك في معرض فورميلا الاهرام

الاختيارات المتاحه قدامك دلوقتي هتبقي كالتالي بي واي دي اتوماتيك وطبعا انا غير مقتنع بالاتوماتيك في العربيات الصيني لكن المانيوال في البي واي دي مفيهوش مشاكل

الهيوانداي جراند i10 ودي مفيهاش اي وسائل امان هيه فيرنا علي صغير شوية وصالونها اضيق من الفيرنا

الافيو وسعرها دلوقتي معدي ال 105 الف وانا حرام اساسا ادفع فيها مبلغ زي ده

السويفت العربية جميلة جدا ولو تعرفي تجيبيها من التوكيل وتنتظري يبقي افضل الاختيارات في الواقت الحالي

غير كدا انا بقولك متتعبيش نفسك في التدوير

شكرا اوى لاهتمام الجميع

وواضح ان الحيرة فعلا كبييييييييييييرة

انا بجد معجبة اوى بالسويفت وهى الاقرب لامكانياتنا من كل النواحى بس جوزى معترض عليها بشدة بسبب سمعة الوكيل

الى مسوءة من سمعة العربيات السوزوكى وطبعا خايفين اوى من الصيانة خصوصا اننا بنتعلم السواقة جديد

وبالنسبة للوجان بردو تحفة لكن عيبها انها منيوال بس

وموضوع الاوتو فيها مش مضمون

اعمل ايه بقي !!!!!!!!!!!!!!!!!

[abdoumahros]

ممكن تتاكدي

سؤال يا فندم لو سمحت . هى الساجا بينزل منها جديد دلوقتى ؟؟؟ وسعرها كام . وانا عارف ان تقريبا موتورها 1300 . ازاى بتسحب بنزين كتير ؟؟

حضرتك ممكن تتاكد من الوكيل اذا كانت بتنزل منها جديد ولا لا بس اعتقد انها مازالت مستمره
بخصوص السعر اعتقد الاوتو 93 الف والمانيوال 86 الف
العربيه معدل استهلاكها للبنزين موش عالي اوي تقدري تقولي نفس معدل الافيو
الموتور 1300 لكن بيدي 94 حصان وده معناه انه قوي علشان كده التكييف موش بيؤثر علي السحب
العربيه متوسطه الحجم من الخارج لكن من جوا واسعه ومريحه
سواقتها سهله لان ابعاد العربيه كلها واضحه وظاهره للرؤيه
فيها اوبشن كويسه بالنسبه لفئتها وسعرها
قطع غيارها اصبحت متوفره في محلات كتير وطبعا في التوكيل وليها كمان بدائل
حلوه جدا في السفر علشان ثباتها وحتي علي السرعات العاليه
في رايي المتواضع انها افضل من الافيو والبكانتو وسعرها ارخص كمان

وبالتوفيق

[م أحمد]

البروتون ساجا مع زميل لى من 4سنين مفيش اى مشكلة منها
وفى دلوقتى معارض عاملة عرض على الستروين سى اليزيه اللى ب 132 تدفعى نص الثمن و الباقى على سنة بدون فوائد

[S O P H O S]

السويفت والافضل الانتظار فرأي

[D M E]

طب انتظر ايه ولحد امتى

انا قدامى دلوقت اوبشن تانى هو الميراج بسعر ١٠٦

فهل ممكن تكون الافضل ولا اييييييييه

[abdoumahros]

لا

طب انتظر ايه ولحد امتى

انا قدامى دلوقت اوبشن تانى هو الميراج بسعر ١٠٦

فهل ممكن تكون الافضل ولا اييييييييه

لا طبعا
عربيه 3 سلندر - 1200 سي سي تخيلي ان راكب فيها 4 افراد والتكييف شغال
زي ماسبق وقولت لحضرتك بروتون ساجا ده افضل اختيار وممكن i 10 السيدان بس طبعا لسه ماتجربتش
وانتي وحظك فيها